10/20/2019
Today from Hiiraan Online:  _
Wararka Maanta- Sabti, Jun 23, 2012
Xoogaga Al-shabaab oo xayiraad kusoo rogay gaadiidkii ganacsi ee isaga gooshi jiray Degmooyinka Gobolka Jubbada Hoose


Sabti, June 23, 2012 (HOL) — Xoogagga Al-shabaab ee ka arimiya qeybo katirsan gobollada Jubooyinka ayaa hakad geliyay dhaqdhaqaaqii ganacsi ee ka dhexeeyay Degmada Kismaayo iyo Deegaanada Galbeed ee gobolka Jubada Hoose ee ay gacanta ku hayaan ciidamada dowladda KMG, kuwa Raaskaambooni iyo Militariga Kenya.

Ganacsatada magaalada Kismaayo ayaa lagu wargeliyay in aysan shixnado ganacsi geyn karin goobaha ay gacanta ku hayaan ciidamada dowladda KMG iyo kuwa Kenya ee galbeedka gobolka Jubada Hoose.

Xayiraadda lagu soo rogay ganacsigii ka dhexeeyay Kismaayo iyo deegaanada kale ee gobolka Jubada Hoose ayaa siweyn looga dareemay degmada Afmadow, Dhoobley iyo deegaano dhowr ah oo ka tirsan gobolka Jubada Hoose.

Goobjooge ka gaabsaday magaciisa oo ku sugan Afmadow ayaa HOL u sheegay in durbaba uu qiimo koror ku yimid maciishadihii kala duwanaa, arintaasoo loo aaneeyay kadib markii ay istaageen shixnadihii ganacsi ee degmada Afmadow uga iman jiray dhanka magaalada Kismaayo ee xarunta gobolka Jubada Hoose.

Saraakiil katirsan dowladda KMG oo ku sugan Degmada Afamdow oo warbaahinta la hadlay ayaa sheegay in ay ka warhayaan xayiraadda ganacsi ee ay xoogagga Al-shabaab kusoo rogeen goobaha ay ciidamada dowladda ku suganyihiin ee gobolka Jubada Hooose, waxayna saraakiishani sheegeen in talaabadani ay tahay mid lagu cunaqabateynayo shacabka ku dhaqan gobolka Jubada Hoose.

Ma ahan markii ugu horeeysay oo ay Xarakada Al-shabaab cunaqabateyn kusoo rogto goobo ay ka arimiyaan ciidamada dowladda KMG, haseyeeshee xoogagga Al-shabaab ayaa hore cunaqabateyn tan lamid ah ugu soo rogay degmooyin katirsan gobolka Gedo oo ay gacanta ku hayaan ciidamada dowladda KMG iyo kuwa Kenya.

Xasan Nuur, Hiiraan Online
[email protected]
Kismaayo, Soomaaliya










Click here
6/23/2012 5:10 PM EST
Xaflad si heer sare ah loo soo agaasimay oo lagu taageerayey xisbiga Tayo iyo Musharaxnimada xoghayaha xisbiga Tayo oo lagu wado inuu isu taago doorashada madaxweynenimada ee Soomaaliya ayaa lagu qabtay Birmingham ee dalka Ingariiska.

6/23/2012 9:37 AM EST
Waxaa magaalada Nairobi ee xarunta dalka Kenya lagu qabtey, munaasabdii labaad ee xaflad loogu magac darey (Easleigh Peace Festival).

6/23/2012 8:33 AM EST
Sabti, June 23, 2012 (HOL) — Madaxweynaha Puntland, C/raxmaan Sheekh Max'ed Faroole ayaa soo dhaweeyey go’aamadii kasoo baxay shirkii madaxda Soomaalidu ugu soo dhammaaday magaalada Nairobi ee dalka Kenya, isagoo ku taliyay in dalka loo doorto hoggaamiyeyaal samatabixin kara.

6/23/2012 8:19 AM EST
Sabti, June 23, 2012 (HOL) — Dadka reer Somaliland ayaa siyaabo kala duwan uga hadlay Natiijaddii ka soo baxay wada hadalkii Somaliland iyo Somalia dhexmaray, iyagoo intoo badani qalbi furan ku soo dhoweeyey qodobaddaasi ka soo baxay shirkaasi.

6/23/2012 8:13 AM EST
Sabti, June 23, 2012 (HOL) — Safaaradda Mareykanka ee Kenya ayaa maanta oo Sabti ah ka digtay weerarro qaraxyo ah oo ka dhaca magaalo xeebeedda Mombassa ee dalka Kenya oo ah magaalada labaad ee ugu weyn dalkaas.

6/23/2012 8:01 AM EST
Sabti, June 23, 2012 (HOL) — Magaalada Muqdisho oo ah xarunta Soomaaliya oo ay sannado badan ka socdeen dagaallo sokeeye ayaa waxaa ka socda dib u dhis iyo ganacsiga oo xoogeysanaya, iyadoo magaalada ay maalin walba soo gaaran dad kasoo laabanaya qurbaha.

6/23/2012 7:07 AM EST
Sabti, June 23, 2012 (HOL) — Ciidamada maamulka Xarakada Al-shabaab ee degmada Kismaayo ayaa gacanta ku dhigay nin gacan ku dhiigle ah kaasoo toori ku dilay nin kale.

6/23/2012 7:04 AM EST
Sabti, June 23, 2012 (HOL) — Maamulka Degmada Afmadow ee gobolka Jubada Hoose ayaa ka deyriyay xaaladda ay ku noolyihiin boqollaal qoys oo danyar ah, kuwaasoo degan magaalada Afmadow.

6/23/2012 4:01 AM EST
Sabti, June 23, 2012 (HOL) — Afhayeenkii hore ee Al-shabaab Sheekh Mukhtaar Rooboow Cali (Abuu-Mansuur) oo ka mid ah toddoba hoggaamiye oo Al-shabaab ka tirsan oo Mareynkanku uu madaxooda saaray madaxfurasho lacageed oo gaaraysa 33-milyan oo doollar ayaa sheegay inuusan ka baqayn Mareykanka uuna sii wadayo dagaalka uu kula jiro cadowga Islaamka.

6/23/2012 3:45 AM EST
Sabti, June 23, 2012 (HOL) — Dowladda Itoobiya ayaa sheegtay inay ciidamadeedu kusii sugnaanayaan Soomaaliya inta laga meel-marinayo dastuurka lagana dhisayo ciidammo milateri ah oo iska difaaci kara weerarrada kaga imaanaya Al-shabaab.

6/23/2012 3:28 AM EST
Sabti, June 23, 2012 (HOL) — Ugu yaraan saddex qof oo shacab ayaa ku dhintay qarax iyo tacshiirad xigtay oo saakay aroortii hore ka dhacay degmada Qansax-dheere ee gobolka Bayoo ay gacanta ku hayaan ciidamada DKMG Soomaaliya iyo kuwa garabka siinaya ee Itoobiya.

6/23/2012 3:19 AM EST
Sabti, June 23, 2012 (HOL) — Dowladda KMG ah ee Soomaaliya iyo AMSIOM ayaa sheegtay inay shalay la wareegeen dekedda garoonka diyaaradaha Cisalleey iyo dekedda macmalka ah ee Ceel-macaan oo ku yaalla duleedka Muqdisho.