11/16/2019
Today from Hiiraan Online:  _
Wararka Maanta- Khamiis, Jun 21, 2012
Hay'adda MSF oo sheegtay in Xeryaha Qoxootiga Dhadhaab-Kenya aysan ahayn goob Ammaan ah oo lagu Noolaan karo


Khamiis, June 21, 2012 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay maanta oo Khamiis ah waxay ku sheegtay in xeryaha qoxootiga Dhadhaab ee dalka Kenya ahayn goob magangalyo ahaan loo joogi karo.

MSF ayaa warka ay soo saartay waxay ku sheegtay in xeryahaan ay weli jiraan dad Soomaaliyeed oo soo gaaraya, kuwaasoo u badan caruur iyo haween, waxayna ku dartay intaas inay joojinaysay dhammaan howlihii samafalka ahaa ee hay halkaaas ka wadday marka laga reebo kuwa naf-badbaadinta ah.

"Dhadhaab waxay leedahay magac ceebeed ah inay tahay xerada qoxooti ee ugu weyn dunida. Shanteeda xero ee kala ah: Dhagaxley, Ifo, Xagar-dheer, Ifo II iyo Kaambi-caws waxay hoy u yihiin 465,611 qof oo qaxooti diiwan-gashan ah iyo kumannaan kale oo la diiwaan-gelin. Dadkaasna afar meelood saddex waa caruur ay dad'oodu ka hoosayso 12-sano, haween iyo dad waayeel ah," ayay hay'adda MSF ku sheegtay warsaxaafadeedkeeda.

Xeryahan oo loogu talogalay markii hore inay KMG ahaadaan ayay sheegtay inay labaatan sano jirsadeen, iyadoo dadkii halkaas magan-galyada u tahay ay ka dhigteen hoy joogto ah.

"Iyadoo warbaahinta dunida iyo beesha caalamka ay ilaaween xeryahan, ayaa xilli yar oo xagaagii 2011-dii waxaa mar qura qabtay indhaha dadweynaha, markii laga qaaday sawirro ay ka muuqdeen qoxooti tabaaleysan iyo carruur nafaqa-xumo la il-daran. Lacago degdeg ah ayaa lasoo fasaxay, hay’adaha gargaarka waxay dardar-geliyeen dadaalladoodii, laba xero dheeraad ahna waa la furay," ayay MSF ku tiri warka ay soo saartay.

Hay'addu waxay hadalkeeda ku dartay: "Laakiin dareenkii la siiyay qaxootiga wuxuu noqday mid muddo kooban ah, xagaagii hore guulihii la gaaray dib ayay u noqdeen. Dagaallada Soomaaliya ayaa soo gaaray xerooyinka, taasoo ka dhigay Dhadhaab meel aamin beeshay,"

Sidoo kale, MSF waxay sheegtay in ammaanka Dhadhaab uusan ka soo reyneynin, inta isku dhacyadu ay ka dhacayaan xuduudaha, weerarrada bambooyinka ahina ay socdaan, dilka ka dhacaya xeryaha dhexdoodana ay nolosha sii adkeynayaan.

"Ammaan-darrada Dhadhaab ka jirta waxay kalliftay in hay’adaha gargaarku ay dhib kala kulmaan sidii ay u gudan-lahaayeen howlahooda. xaaladda oo sii xumaanaysa maalinba maalinta ka dambeysa ayaa waxay caqabad weyn ku noqotay gudbinta gargaarka bani'aadamnimo," ayay MSF tiri.

Qaxootiga ku jirta xeryaha Dhadhaab waxay Soomaaliya kala soo kulmeen dhibaato ay ka mid yihiin gaajo iyo ammaan-darro; waxayna natooda halis u soo geliyeen inay Kenya yimaadaan si ay u helaan ammaan, hoy iyo gargaar bani'aadamnimo oo ku filan, waxayse xeryaha ku ogaadeen inaysan ahayn meel magangalyo laga heli karo.

Hay'adda MSF waxay warsaxaafadeedkeeda ku sheegay in xalaado caafimaad oo aad u daran ay ka jiraan xeryaha qoxootiga ee Dhadhaab, kaddib ammaan-darrada jirta awgeed loo xiray isbitaallo badan oo xeryahaas ka shaqeyn jiray.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/21/2012 5:36 PM EST
Khamiis, June 21, 2012(HOL): Shirkii Somalia iyo Somaliland uga socday Magaalada London ee dalka Britain ayaa la soo gebagebeeyay, iyadoo shirkana ay soo baxeen qodobbo dhowr ah, kuwaasi oo ay labada dhinac ku heshiiyeen.

6/21/2012 11:14 AM EST
Khamiis, June 21, 2012(HOL): Madaxweynaha Dowladda Puntland eeSomalia Dr. Cabdiraxman Maxamad Maxamud (Faroole) ayaa booqasho rasmi ah ku tegay Magaalada Jigjiga ee caasimadda Dowladda Deegaanka Somalida ee dalkaEthiopia, iyadoo uu kulamo muhiim ah la yeeshay madaxda Dowladda DeegaankaSomalida (DDS) ee dalka Ethiopia.

6/21/2012 8:42 AM EST
Khamiis, June 21, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa ka warbixiyay safarkii shaqo oo uu kusoo maray dalalka Sweden, Jabuuti iyo Itoobiya.

6/21/2012 8:31 AM EST
Khamiis, June 21, 2012 (HOL) — Qoraal ay soo saareen waxgaradka degmada Buur-hakaba ee gobolka Bay ayay ku dhaliileen doorka samafal ee NGO-ga maxalliga ah ee lagu magacaabo SARDO oo xiriir wadashaqeyneed la leh hay’ada Qaramada Midoobay u qaabilsan dhinacyada cunnada iyo beeraha ee FAO.

6/21/2012 8:09 AM EST
Khamiis, June 21, 2012 (HOL) — Booliiska dalka Malawi ayaa sheegay in 47 ruux oo Soomaali ah ay maydadkooda kasoo saareen harada Malawi (Lake Malawi) welina ay ku maqan yihiin kuwo kale oo doonida la socday.

6/21/2012 7:54 AM EST
Khamiis, June 21, 2012 (HOL) — Saakay waabarigii hore ayaa waxaa magaalada Beledweyne ee xarunta gobolka Hiiraan ka dhacay qarax illaa hadda aan la kala ogeyn inuu ahaa bam kuwa gacanta laga tuuro ah iyo miinooyinka meelaha fog laga hago.

6/21/2012 7:48 AM EST
Khamiis, June 21, 2012 (HOL) — Idiris Siciid Maxamed oo muwaadin Qurbo-joog ah oo marti ku ahaa guri habeen dhawayd Ciidamadda Boolisku baaray ayaa sheegay in illaa hadda alaabtiisa ay bari maqan tahay, isla markaana meel uu u dacwooda iyo cid haysa aanu garanayn, kaddib markii qoloba-qolo ku tuurtay.

6/21/2012 7:01 AM EST
Khamiis, June 21, 2012 (HOL) — Wasiirka difaaca Soomaalia ayaa sheegay maanta in lamaane u dhashay dalka Koonfur Afrika oo kooxo burcad-badeed Soomaaliyeed ah ay afduubeen ku qabsadeen muddo 20-bilood laga joogo ayaa xorriyadooda dib loogu soo celiyay, waxayna labadan lamaane ay noqonayaan kuwii ugu waqtiga dheeraa oo Soomaaliya lagu haysto.

6/21/2012 6:35 AM EST
Khamiis, June 21, 2012 (HOL) — Dagaalyahanno katirsan xoogagga Al-shabaab ayaa xalay 3:30 aroornimo waxa ay weerar isugu jira madaafiic iyo hub fudfudud ku qaadeen degmada Beledxaawo oo ay gacanta ku hayaan ciidamada dowladda KMG ee Soomaaliya.

6/21/2012 3:47 AM EST
Khamiis, June 21, 2012 (HOL) — Ugu yaraan saddex wiil oo dhallinyaro ah ayaa ku dhintay mid kalena dhaawac halis ah ayaa kasoo gaaray weerar ay koox hubeysan xalay ku qaadeen guri ku yaalla xaafadda Suuqa Xoolaha ee degmada Huriwaa.

6/21/2012 3:42 AM EST
Khamiis, June 21, 2012 (HOL) — Afhayeenka Xarakada Al-Shabaab Sheekh Cali Maxamuud Raage (Sheekh Cali Dheere) ayaa ka sheegay in Soomaaliya ay xiligan ka jiraan laba dowladood oo kala madax-bannaan.

6/21/2012 3:20 AM EST
Khamiis, June 21, 2012 (HOL) — Ra'yi ururin la sameeyay ayaa lagu ogaaday in 75% dadka Soomaaliyeed ay taageersan yihiin dastuurka qabyo-qoraalka ah ee loo sameynayo Soomaaliya, iyadoo dadku ay diidmo ka muujiyeen in haweenka ay loo ogolaado inay jagooyinka sarsare ee dowladda qabtaan.

6/21/2012 3:09 AM EST
Khamiis, June 21, 2012 (HOL) — Ehellada askari ka tirsan ciidamada dowladda KMG ah oo maxkamadda ciidamada dowladdu ay ku xukuntay dil toogasho ayaa ka cabanaya qaabka uu xukunku u dhacay, iyagoo sheegay in xukunkaas uu ahaa mid aan cadaaladda waafaqsanayn.

6/21/2012 2:38 AM EST
Khamiis, June 21, 2012 (HOL) — Wararka laga helayo magaalada London ee dalka Britain ayaa sheegaya in shirkii uga furmay ergooyinka ka socday Soomaaliya iyo Somaliland ee ka furmay duleedka bari ee magaaldaas aan wax natiijo ah weli laga gaarin.

6/21/2012 2:36 AM EST
Khamiis, June 21, 2012 (HOL) — Saxiixayaasha khariidadda nabadda ama Roadmap-ka Soomaaliya oo shir ku leh magaalada Nairobi ee dalka Kenya ayaa waxay si aad ah uga doodeen dastuurka oo dhowr jeer ay horay isugu khilaafeen.