3/29/2024
Today from Hiiraan Online:  _
Wararka Maanta- Khamiis, Jun 21, 2012
Waxgaradka Degmada Buur-habaka oo Hay'ad Maxalli ah ku eedeeyay inay lunsatay gaar ku socday Degmadaas

Khamiis, June 21, 2012 (HOL) — Qoraal ay soo saareen waxgaradka degmada Buur-hakaba ee gobolka Bay ayay ku dhaliileen doorka samafal ee NGO-ga maxalliga ah ee lagu magacaabo SARDO oo xiriir wadashaqeyneed la leh hay’ada Qaramada Midoobay u qaabilsan dhinacyada cunnada iyo beeraha ee FAO.

"Hay'adda SARDO waxay lunsatay deeq loogu talagalay degmada Buur-hakaba iyo nawaaxgeeda horayna waxay u lunsadeen deeqo kale," ayaa lagu yiri qoraalka ka soo baxay waxgaradka degmadaas.

Sidoo kale, waxgaradku waxay sheegeen in deeqdan ay ka timid hay'adda FOA iyadoo SARDO loo wakiishay inay gaarsiiso deegaannada loogu talogalay, waxayna xuseen inay isugu jirtay deeqdu ahayd bacriminta beeraha, ayna ogaadeen in laga iibsaday ganacsato reer Muqdisho ah.

"Deeqdan waxay ahayd 3,125-loor bacriminta beeraha ah, waxaanan ogaannay in laga iibsaday ganacsato Soomaali ah, iyadoo loorkiiba laga siiyay lacag gaaraysa 131.250 dollar," ayay odayaashu ku sheegeen qoraalkooda.

Degmada Buur-hakaba ayaa waxaa gacant ku haysa Xarakada Al-shabaab oo horay uga mamnuucday hay’adaha caalamiga ah iyo kuwa maxaliga ah inay degmadaas ka howgalaan, iyadoo odayaashu ay sheegeen in deeqaha degmadaas loogu talogalay ay iibsadaan wakiillada hay’addaas oo ku been-abuurta dadka deegaanka.

Waxgaradka degmada Buurhakaba waxay ka codsadeen hay’ada FAO inay dib u fiiriso deeqaha laga soo qaado hay’doodda ee aan la gaarsiin deegaannadii loogu talogalay, iyagoo xusay in falkaas oo soo laabta uu wax u dhimik karo sumcadda hay'adda FAO.

"Hay'adda FAO waa inay kula xisaabtanto mas'uuliyiinta SARDO halkii uu maray gargaarkii loogu talogalay degmada Buurhakaba," ayay waxgaradku ku sheegeen hadalka ay siiyeen saxaafadda.

Warsaxaafadeedka waxgaradka degmada Buurhakaba ayaa waxaa ku saxiixnaa, Malaaq Aadan Cabdiraxmaan Xeydar, Malaaq Yuusuf Cabdiyow, Malaaq Xuseen Axmad, Malaaq Sheekh Siidow iyo Malaaq Amiin Cali.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/21/2012 5:36 PM EST
Khamiis, June 21, 2012(HOL): Shirkii Somalia iyo Somaliland uga socday Magaalada London ee dalka Britain ayaa la soo gebagebeeyay, iyadoo shirkana ay soo baxeen qodobbo dhowr ah, kuwaasi oo ay labada dhinac ku heshiiyeen.

6/21/2012 11:14 AM EST
Khamiis, June 21, 2012(HOL): Madaxweynaha Dowladda Puntland eeSomalia Dr. Cabdiraxman Maxamad Maxamud (Faroole) ayaa booqasho rasmi ah ku tegay Magaalada Jigjiga ee caasimadda Dowladda Deegaanka Somalida ee dalkaEthiopia, iyadoo uu kulamo muhiim ah la yeeshay madaxda Dowladda DeegaankaSomalida (DDS) ee dalka Ethiopia.

6/21/2012 8:42 AM EST
Khamiis, June 21, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa ka warbixiyay safarkii shaqo oo uu kusoo maray dalalka Sweden, Jabuuti iyo Itoobiya.

6/21/2012 8:09 AM EST
Khamiis, June 21, 2012 (HOL) — Booliiska dalka Malawi ayaa sheegay in 47 ruux oo Soomaali ah ay maydadkooda kasoo saareen harada Malawi (Lake Malawi) welina ay ku maqan yihiin kuwo kale oo doonida la socday.

6/21/2012 7:54 AM EST
Khamiis, June 21, 2012 (HOL) — Saakay waabarigii hore ayaa waxaa magaalada Beledweyne ee xarunta gobolka Hiiraan ka dhacay qarax illaa hadda aan la kala ogeyn inuu ahaa bam kuwa gacanta laga tuuro ah iyo miinooyinka meelaha fog laga hago.

6/21/2012 7:48 AM EST
Khamiis, June 21, 2012 (HOL) — Idiris Siciid Maxamed oo muwaadin Qurbo-joog ah oo marti ku ahaa guri habeen dhawayd Ciidamadda Boolisku baaray ayaa sheegay in illaa hadda alaabtiisa ay bari maqan tahay, isla markaana meel uu u dacwooda iyo cid haysa aanu garanayn, kaddib markii qoloba-qolo ku tuurtay.

6/21/2012 7:42 AM EST
Khamiis, June 21, 2012 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay maanta oo Khamiis ah waxay ku sheegtay in xeryaha qoxootiga Dhadhaab ee dalka Kenya ahayn goob magangalyo ahaan loo joogi karo.

6/21/2012 7:01 AM EST
Khamiis, June 21, 2012 (HOL) — Wasiirka difaaca Soomaalia ayaa sheegay maanta in lamaane u dhashay dalka Koonfur Afrika oo kooxo burcad-badeed Soomaaliyeed ah ay afduubeen ku qabsadeen muddo 20-bilood laga joogo ayaa xorriyadooda dib loogu soo celiyay, waxayna labadan lamaane ay noqonayaan kuwii ugu waqtiga dheeraa oo Soomaaliya lagu haysto.

6/21/2012 6:35 AM EST
Khamiis, June 21, 2012 (HOL) — Dagaalyahanno katirsan xoogagga Al-shabaab ayaa xalay 3:30 aroornimo waxa ay weerar isugu jira madaafiic iyo hub fudfudud ku qaadeen degmada Beledxaawo oo ay gacanta ku hayaan ciidamada dowladda KMG ee Soomaaliya.

6/21/2012 3:47 AM EST
Khamiis, June 21, 2012 (HOL) — Ugu yaraan saddex wiil oo dhallinyaro ah ayaa ku dhintay mid kalena dhaawac halis ah ayaa kasoo gaaray weerar ay koox hubeysan xalay ku qaadeen guri ku yaalla xaafadda Suuqa Xoolaha ee degmada Huriwaa.

6/21/2012 3:42 AM EST
Khamiis, June 21, 2012 (HOL) — Afhayeenka Xarakada Al-Shabaab Sheekh Cali Maxamuud Raage (Sheekh Cali Dheere) ayaa ka sheegay in Soomaaliya ay xiligan ka jiraan laba dowladood oo kala madax-bannaan.

6/21/2012 3:20 AM EST
Khamiis, June 21, 2012 (HOL) — Ra'yi ururin la sameeyay ayaa lagu ogaaday in 75% dadka Soomaaliyeed ay taageersan yihiin dastuurka qabyo-qoraalka ah ee loo sameynayo Soomaaliya, iyadoo dadku ay diidmo ka muujiyeen in haweenka ay loo ogolaado inay jagooyinka sarsare ee dowladda qabtaan.

6/21/2012 3:09 AM EST
Khamiis, June 21, 2012 (HOL) — Ehellada askari ka tirsan ciidamada dowladda KMG ah oo maxkamadda ciidamada dowladdu ay ku xukuntay dil toogasho ayaa ka cabanaya qaabka uu xukunku u dhacay, iyagoo sheegay in xukunkaas uu ahaa mid aan cadaaladda waafaqsanayn.

6/21/2012 2:38 AM EST
Khamiis, June 21, 2012 (HOL) — Wararka laga helayo magaalada London ee dalka Britain ayaa sheegaya in shirkii uga furmay ergooyinka ka socday Soomaaliya iyo Somaliland ee ka furmay duleedka bari ee magaaldaas aan wax natiijo ah weli laga gaarin.

6/21/2012 2:36 AM EST
Khamiis, June 21, 2012 (HOL) — Saxiixayaasha khariidadda nabadda ama Roadmap-ka Soomaaliya oo shir ku leh magaalada Nairobi ee dalka Kenya ayaa waxay si aad ah uga doodeen dastuurka oo dhowr jeer ay horay isugu khilaafeen.