8/18/2019
Today from Hiiraan Online:  _
Wararka Maanta- Khamiis, Jun 21, 2012
Dowladda Puntland oo Heshiis Iskaashi la SaxiixatayDowladda Deegaanka Somalida ee Dalka Ethiopia



Khamiis, June 21, 2012(HOL): Madaxweynaha Dowladda Puntland eeSomalia Dr. Cabdiraxman Maxamad Maxamud (Faroole) ayaa booqasho rasmi ah ku tegay Magaalada Jigjiga ee caasimadda Dowladda Deegaanka Somalida ee dalkaEthiopia, iyadoo uu kulamo muhiim ah la yeeshay madaxda Dowladda DeegaankaSomalida (DDS) ee dalka Ethiopia.

Madaxweynaha DDS Cabdi Maxamud Cumar (Cabdi Iley) oo ay Madaxweyne Faroole kasoo wada duuleen magaaladaAddis Ababa ee caasimadda dalka Ethiopia maalintii Jimcaha ee 15kii June 2012, iyadooMadaxdaasi iyo Wufuudii la socotay si weyn loogu soo dhaweeyey MagaaladaJigjiga, waxaana soo dhaweeyey qaar ka mid ah Mas'uuliyiinta DDS, Bulshada rayidka ah iyo saxaafadda.

Wafdiga Dowladda Puntland oo uu hoggaamiyo Madaxweyne Faroole ayna ka mid yihiin Wasiirka Arrimaha Gudaha Gen. CabdullahiAhmed Jamac (Ilkajir) iyo Wasiirka Waxbarashada Cabdi Faarax Siciid (Juxa) ayaa waxaa loo bandhigay xaflad-sharaf oo si heer sare ah loo soo agaasimay.

Maalmihii ay Wafdiga Dowladda Puntland ku sugnaayeen Magaalada Jigjiga ayaa waxaa u qabsoomay howlo muhiim ah, iyadoo Mas'uuliyiinta DDS ay soo bandhigeen warbixin ku saabsan qaabka uu maamulkoodu u shaqeeyo, mashaariicda horumarineed sida biyaha, waddooyinka iyo korontada ee ka socda deegaannada ay maamusho DDS, iyo xiriirka wada shaqayn ee ka dhaxeeya Dowladda Federaalka Ethiopia iyo DowladdaDeegaanka Somalida ee dalka Ethiopia.


Sidoo kale, Wafdiga DowladdaPuntland ayaa booqday xarumo ay ka mid yihiin Isbitaalka Guud oo dhismihiisa dhowaan la dhamaystiray, Jaamacadda Jigjiga oo ay dhigtaan kumanaan-kun ardaySoomaali ah, Xarunta Agoomaha ee magaalada Jigjiga, iyo Dugsiga Caafimaadka (Health College), halkaasoo Madaxweynaha Puntland uu kula kulmay arday Reer Puntland ah oo deeqo waxbarasho ah ka faa'idaysanaya.

Wafdigii Dowladda Puntland oo uu wehliyo Madaxweyne ku-xigeenka DDS Cabdifatax Maxamud Xasan ayaa kulan ballaaran la yeeshay Odayaasha Dhaqanka ee DDS iyadoo laga wada hadlay arrimo la xiriira dhaqanka iyo isu dhawaanshaha iyo isdhexgalka dadka walaalaha ah.

Maalintii Isniinta ee 18kii June 2012 ayaawaxaa Heshiis Guud si wadajir ah u saxiixay Madaxweynaha Puntland Dr. Faroole iyo Madaxweynaha Dowladda Deegaanka Soomaalida ee dalka Ethiopia Cabdi Iley, iyadoo heshiiskaas uu sii xoojinayo heshiiskii Puntland iyo DDS ay wada saxiixeen 27 June 2010, waxaana Heshiiska Guud lagu xusay arrimo muhiim ah ayna ka mid yihiin Amniga iyo Ganacsiga sharci darrada ah (Security and Ilegal Trade); Dhiirigelinta Ganacsiga Sharciga ah (Lawful Commerce); iyo IskaashigaGuud ee arrimaha Horumarinta sida biyaha, waxbarashada, iskaashiga xilliyada xaaladda deg dega ah sida masiibooyinka dabiiciga ah (General Cooperation onDevelopment Affairs).


Safarkii Wafdiga Dowladda Puntland uu hoggaaminayey Madaxweyne Dr.  Cabdiraxman Faroole ayaa guul ku soo dhammaaday iyadoo la filayo in si weyn loo dardargalin doono xiriirka wada shaqayneed ee arrimaha amniga iyo ganacsiga ee ka dhaxeeyaa Puntland iyo DDS.

WafdigaPuntland ayaa maalintii Talaadada ee 19kii June 2012 gaaray magaalada Nairobi eexarunta dalka Kenya, halkasoo uu ka furmay Shirkii Madaxda Soomaalida ee la xiriiray Geedi socodka (Roadmap-ka) sida arrimaha ansixinta Dastuurka cusub ee Jamhuuriyadda Federaalka Soomaaliya iyo dhamaystirka xilliga ku meel gaarka ah, si dalka Soomaaliya u helo Dowlad rasmi ah.















Click here
6/21/2012 5:36 PM EST
Khamiis, June 21, 2012(HOL): Shirkii Somalia iyo Somaliland uga socday Magaalada London ee dalka Britain ayaa la soo gebagebeeyay, iyadoo shirkana ay soo baxeen qodobbo dhowr ah, kuwaasi oo ay labada dhinac ku heshiiyeen.

6/21/2012 8:42 AM EST
Khamiis, June 21, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa ka warbixiyay safarkii shaqo oo uu kusoo maray dalalka Sweden, Jabuuti iyo Itoobiya.

6/21/2012 8:31 AM EST
Khamiis, June 21, 2012 (HOL) — Qoraal ay soo saareen waxgaradka degmada Buur-hakaba ee gobolka Bay ayay ku dhaliileen doorka samafal ee NGO-ga maxalliga ah ee lagu magacaabo SARDO oo xiriir wadashaqeyneed la leh hay’ada Qaramada Midoobay u qaabilsan dhinacyada cunnada iyo beeraha ee FAO.

6/21/2012 8:09 AM EST
Khamiis, June 21, 2012 (HOL) — Booliiska dalka Malawi ayaa sheegay in 47 ruux oo Soomaali ah ay maydadkooda kasoo saareen harada Malawi (Lake Malawi) welina ay ku maqan yihiin kuwo kale oo doonida la socday.

6/21/2012 7:54 AM EST
Khamiis, June 21, 2012 (HOL) — Saakay waabarigii hore ayaa waxaa magaalada Beledweyne ee xarunta gobolka Hiiraan ka dhacay qarax illaa hadda aan la kala ogeyn inuu ahaa bam kuwa gacanta laga tuuro ah iyo miinooyinka meelaha fog laga hago.

6/21/2012 7:48 AM EST
Khamiis, June 21, 2012 (HOL) — Idiris Siciid Maxamed oo muwaadin Qurbo-joog ah oo marti ku ahaa guri habeen dhawayd Ciidamadda Boolisku baaray ayaa sheegay in illaa hadda alaabtiisa ay bari maqan tahay, isla markaana meel uu u dacwooda iyo cid haysa aanu garanayn, kaddib markii qoloba-qolo ku tuurtay.

6/21/2012 7:42 AM EST
Khamiis, June 21, 2012 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay maanta oo Khamiis ah waxay ku sheegtay in xeryaha qoxootiga Dhadhaab ee dalka Kenya ahayn goob magangalyo ahaan loo joogi karo.

6/21/2012 7:01 AM EST
Khamiis, June 21, 2012 (HOL) — Wasiirka difaaca Soomaalia ayaa sheegay maanta in lamaane u dhashay dalka Koonfur Afrika oo kooxo burcad-badeed Soomaaliyeed ah ay afduubeen ku qabsadeen muddo 20-bilood laga joogo ayaa xorriyadooda dib loogu soo celiyay, waxayna labadan lamaane ay noqonayaan kuwii ugu waqtiga dheeraa oo Soomaaliya lagu haysto.

6/21/2012 6:35 AM EST
Khamiis, June 21, 2012 (HOL) — Dagaalyahanno katirsan xoogagga Al-shabaab ayaa xalay 3:30 aroornimo waxa ay weerar isugu jira madaafiic iyo hub fudfudud ku qaadeen degmada Beledxaawo oo ay gacanta ku hayaan ciidamada dowladda KMG ee Soomaaliya.

6/21/2012 3:47 AM EST
Khamiis, June 21, 2012 (HOL) — Ugu yaraan saddex wiil oo dhallinyaro ah ayaa ku dhintay mid kalena dhaawac halis ah ayaa kasoo gaaray weerar ay koox hubeysan xalay ku qaadeen guri ku yaalla xaafadda Suuqa Xoolaha ee degmada Huriwaa.

6/21/2012 3:42 AM EST
Khamiis, June 21, 2012 (HOL) — Afhayeenka Xarakada Al-Shabaab Sheekh Cali Maxamuud Raage (Sheekh Cali Dheere) ayaa ka sheegay in Soomaaliya ay xiligan ka jiraan laba dowladood oo kala madax-bannaan.

6/21/2012 3:20 AM EST
Khamiis, June 21, 2012 (HOL) — Ra'yi ururin la sameeyay ayaa lagu ogaaday in 75% dadka Soomaaliyeed ay taageersan yihiin dastuurka qabyo-qoraalka ah ee loo sameynayo Soomaaliya, iyadoo dadku ay diidmo ka muujiyeen in haweenka ay loo ogolaado inay jagooyinka sarsare ee dowladda qabtaan.

6/21/2012 3:09 AM EST
Khamiis, June 21, 2012 (HOL) — Ehellada askari ka tirsan ciidamada dowladda KMG ah oo maxkamadda ciidamada dowladdu ay ku xukuntay dil toogasho ayaa ka cabanaya qaabka uu xukunku u dhacay, iyagoo sheegay in xukunkaas uu ahaa mid aan cadaaladda waafaqsanayn.

6/21/2012 2:38 AM EST
Khamiis, June 21, 2012 (HOL) — Wararka laga helayo magaalada London ee dalka Britain ayaa sheegaya in shirkii uga furmay ergooyinka ka socday Soomaaliya iyo Somaliland ee ka furmay duleedka bari ee magaaldaas aan wax natiijo ah weli laga gaarin.

6/21/2012 2:36 AM EST
Khamiis, June 21, 2012 (HOL) — Saxiixayaasha khariidadda nabadda ama Roadmap-ka Soomaaliya oo shir ku leh magaalada Nairobi ee dalka Kenya ayaa waxay si aad ah uga doodeen dastuurka oo dhowr jeer ay horay isugu khilaafeen.