10/18/2019
Today from Hiiraan Online:  _
Wararka Maanta- Khamiis, Jun 21, 2012
Aragtiyo laga Ururiyay Shacabka Soomaaliyeed oo lagu ogaaday inay si xooggan u taageersan yihiin Dastuurka Cusub


Khamiis, June 21, 2012 (HOL) — Ra'yi ururin la sameeyay ayaa lagu ogaaday in 75% dadka Soomaaliyeed ay taageersan yihiin dastuurka qabyo-qoraalka ah ee loo sameynayo Soomaaliya, iyadoo dadku ay diidmo ka muujiyeen in haweenka ay loo ogolaado inay jagooyinka sarsare ee dowladda qabtaan.

Ururinta fikradaha dadweynaha ayaa waxaa sameysay laanta afka Soomaaliga ee VOA-da oo gacan ka helaysa shirkadda Google, waxaana fikradaha laga ururiyay 3,000 qof oo Soomaali ah.

Madaxa laanta afka Soomaaliga ah ee VOA-da, C/raxmaan Yarabroow Wehliye ayaa sheegay inay aad ugu adkaatay inay helaan dadka ku nool deegaannada ay Al-shabaab ka taliso, wuxuuna xusay in dadkii ay la xiriireen ay intooda badan baqdin ku jirtay.

"Baqdintu waa jirtaa, waayo nimankan Al-shabaab la yimaahdo ma ahan kuwo ciyaaraya... waxaana dhici karta in taleefoonno badan marka aad wacdo aad qof keliya fikir ka hesho," ayuu yiri C/raxmaan Yabarow.

Fikradaha la ururiyayay ayaa waxay sidoo kale dadku si weyn ugu taageereen inay Soomaaliya yeelato dowlad dhexe oo awood leh, waxayna sidoo kale taageereen in xuquuqda aadanaha la dhowro.

Aragtiyadan ayaa ururintooda waxaa lagu soo beegay iyadoo lagu wado in 10-ka bisha soo socota ee July la ansixiyo dastuurka cusub ee Soomaaliya iyo in xilliga KMG ah laga baxo marka la gaaro bisha Ogoosto ee isla sannadkan.

Inkastoo shacabka Soomaaliyeed intooda badan ay taageereen dastuurka ayaa haddana waxaa ka taagan muran ku saabsan qodobbo ka mid ah, waxaana markii la sheegay in dastuurka la ansixiyo aad uga soo horjeestay dadweynaha iyadoo uu isbedel ku yimid fikirkaas.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/21/2012 5:36 PM EST
Khamiis, June 21, 2012(HOL): Shirkii Somalia iyo Somaliland uga socday Magaalada London ee dalka Britain ayaa la soo gebagebeeyay, iyadoo shirkana ay soo baxeen qodobbo dhowr ah, kuwaasi oo ay labada dhinac ku heshiiyeen.

6/21/2012 11:14 AM EST
Khamiis, June 21, 2012(HOL): Madaxweynaha Dowladda Puntland eeSomalia Dr. Cabdiraxman Maxamad Maxamud (Faroole) ayaa booqasho rasmi ah ku tegay Magaalada Jigjiga ee caasimadda Dowladda Deegaanka Somalida ee dalkaEthiopia, iyadoo uu kulamo muhiim ah la yeeshay madaxda Dowladda DeegaankaSomalida (DDS) ee dalka Ethiopia.

6/21/2012 8:42 AM EST
Khamiis, June 21, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa ka warbixiyay safarkii shaqo oo uu kusoo maray dalalka Sweden, Jabuuti iyo Itoobiya.

6/21/2012 8:31 AM EST
Khamiis, June 21, 2012 (HOL) — Qoraal ay soo saareen waxgaradka degmada Buur-hakaba ee gobolka Bay ayay ku dhaliileen doorka samafal ee NGO-ga maxalliga ah ee lagu magacaabo SARDO oo xiriir wadashaqeyneed la leh hay’ada Qaramada Midoobay u qaabilsan dhinacyada cunnada iyo beeraha ee FAO.

6/21/2012 8:09 AM EST
Khamiis, June 21, 2012 (HOL) — Booliiska dalka Malawi ayaa sheegay in 47 ruux oo Soomaali ah ay maydadkooda kasoo saareen harada Malawi (Lake Malawi) welina ay ku maqan yihiin kuwo kale oo doonida la socday.

6/21/2012 7:54 AM EST
Khamiis, June 21, 2012 (HOL) — Saakay waabarigii hore ayaa waxaa magaalada Beledweyne ee xarunta gobolka Hiiraan ka dhacay qarax illaa hadda aan la kala ogeyn inuu ahaa bam kuwa gacanta laga tuuro ah iyo miinooyinka meelaha fog laga hago.

6/21/2012 7:48 AM EST
Khamiis, June 21, 2012 (HOL) — Idiris Siciid Maxamed oo muwaadin Qurbo-joog ah oo marti ku ahaa guri habeen dhawayd Ciidamadda Boolisku baaray ayaa sheegay in illaa hadda alaabtiisa ay bari maqan tahay, isla markaana meel uu u dacwooda iyo cid haysa aanu garanayn, kaddib markii qoloba-qolo ku tuurtay.

6/21/2012 7:42 AM EST
Khamiis, June 21, 2012 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay maanta oo Khamiis ah waxay ku sheegtay in xeryaha qoxootiga Dhadhaab ee dalka Kenya ahayn goob magangalyo ahaan loo joogi karo.

6/21/2012 7:01 AM EST
Khamiis, June 21, 2012 (HOL) — Wasiirka difaaca Soomaalia ayaa sheegay maanta in lamaane u dhashay dalka Koonfur Afrika oo kooxo burcad-badeed Soomaaliyeed ah ay afduubeen ku qabsadeen muddo 20-bilood laga joogo ayaa xorriyadooda dib loogu soo celiyay, waxayna labadan lamaane ay noqonayaan kuwii ugu waqtiga dheeraa oo Soomaaliya lagu haysto.

6/21/2012 6:35 AM EST
Khamiis, June 21, 2012 (HOL) — Dagaalyahanno katirsan xoogagga Al-shabaab ayaa xalay 3:30 aroornimo waxa ay weerar isugu jira madaafiic iyo hub fudfudud ku qaadeen degmada Beledxaawo oo ay gacanta ku hayaan ciidamada dowladda KMG ee Soomaaliya.

6/21/2012 3:47 AM EST
Khamiis, June 21, 2012 (HOL) — Ugu yaraan saddex wiil oo dhallinyaro ah ayaa ku dhintay mid kalena dhaawac halis ah ayaa kasoo gaaray weerar ay koox hubeysan xalay ku qaadeen guri ku yaalla xaafadda Suuqa Xoolaha ee degmada Huriwaa.

6/21/2012 3:42 AM EST
Khamiis, June 21, 2012 (HOL) — Afhayeenka Xarakada Al-Shabaab Sheekh Cali Maxamuud Raage (Sheekh Cali Dheere) ayaa ka sheegay in Soomaaliya ay xiligan ka jiraan laba dowladood oo kala madax-bannaan.

6/21/2012 3:09 AM EST
Khamiis, June 21, 2012 (HOL) — Ehellada askari ka tirsan ciidamada dowladda KMG ah oo maxkamadda ciidamada dowladdu ay ku xukuntay dil toogasho ayaa ka cabanaya qaabka uu xukunku u dhacay, iyagoo sheegay in xukunkaas uu ahaa mid aan cadaaladda waafaqsanayn.

6/21/2012 2:38 AM EST
Khamiis, June 21, 2012 (HOL) — Wararka laga helayo magaalada London ee dalka Britain ayaa sheegaya in shirkii uga furmay ergooyinka ka socday Soomaaliya iyo Somaliland ee ka furmay duleedka bari ee magaaldaas aan wax natiijo ah weli laga gaarin.

6/21/2012 2:36 AM EST
Khamiis, June 21, 2012 (HOL) — Saxiixayaasha khariidadda nabadda ama Roadmap-ka Soomaaliya oo shir ku leh magaalada Nairobi ee dalka Kenya ayaa waxay si aad ah uga doodeen dastuurka oo dhowr jeer ay horay isugu khilaafeen.