10/22/2019
Today from Hiiraan Online:  _
Wararka Maanta- Arbaco, Jun 20, 2012
Madaxweyne ku xigeenka Somaliland oo Dhakhaatiirta Somaliland ugu baaqay inay Gacan ka gaystaan Abaaraha ka jira Dalka


Arbaco, June 20, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa maanta ka qaybgalay kulan ay isugu yimaadeen dhakhaatiirta Somaliland ee gobolladda iyo degmooyinka ku kala sugan, kaasoo ka qabsoomay hoteelka Maansoor ee magaalada Hargeysa.

Kulankan Dhakhaatiirtu iskugu yimaadeen ayaa lagu lafa gurayey qaabkii loo horumarin lahaa Caafimaadka Bulshadda iyo sida loo ilaalin lahaa xirfadoodda caafimaad oo kaalin muhiim ah kaga jirta nolosha bani’aadamka, isla markaana dhakhaatiirtu u noqon lahayd goob caafimaadka laga helo.

Madaxweyne ku xigeenka Somaliland ayaa sheegay inuu ku faraxsan yahay in kulankan balaadhan ee dhakhaatiirtu iskugu timid uu ka soo qaybgalo, waxaanu tilmaamay inay jiraan dhaqamo xun xun oo luminaya xirfadda dhakhtarnimo, sidaa darteed loo baahan yahay in si wada jir ah looga baxo carqaladaasi aan u fiicnayn Dhakhtarnimadda.

"Qofka bukaan jiifka ah ama Buka waa in si fiican loo daryeelaa, Adigo qofka ka shaqaysanaya haddana waa in si wanaagsan loo daryeellaa, waxaan idinku boorinaya nadaafaddu waa muhiim markaa qofkasta halka loogu imanayaa waa inuu nadaafadeedda hagaajiyaa"ayuu yidhi madaxweyne ku xigeenka Somaliland Cabdiraxmaan Saylici, waxaanu intaas ku daray "waa in anshixii dhakhtarnimo la soo celiyaa oo la hagaajiyaa"ayuu raaciyey.

Madaxweyne ku xigeenku waxa kale oo uu ku booriyey dhakhaatiirta in Abaaraha ka jira dalka loo baahan yahay in dhakhaatiirtu qayb libaaxle ka qaataan oo ay tagaan Deegaanadda laga soo sheegayo Abaaraha oo dadka taagta daran daweeyaan.

"maanta dalka abaaraha ka jira, waa inaad itaalkiina ka qaybqaadataan oo si iskaa wax u qabso ah aad u tagtaan dadka tuulooyinka jooga ee dhibaataysan waxaad u qaban kartaa wax u qabataan"ayuu ku guubaabiyey madaxweyne ku xigeenku dhakhaatiirta Somaliland.

Sidoo kale, waxa iyana kulankaasi ka hadashay Wasiir ku xigeenka Caafimaadka Somaliland, Nimco Xuseen Qawdhan ayaa u mahad celisay qabanqaabadda uu ururka Dhakhaatiirta Somaliland soo qaban qaabisey, iyadoo sheegtay in loo baahan yahay in si wada jir ah looga shaqeeyo arrimaha caafimaadka ee Somaliland.

Sidoo kale, waxa ay eed usoo jeedisay xarumaha dhirta lagu daweeyo ee Cilaajka looyaqaan oo ay sheegtay inay dhibaato badan ku hayaan dadka loo geeyo, iyadoo xustay in loo baahan yahay 250 Xarumood ee dawo dhaqameedka ee ka jira Somaliland in wax laga qabto, waxa kale oo ay dhaliishay farmasiyaashu ay dadka siiyaan dawooyin aanu dhakhtar u qorin, taasina ay tahay khalad.

Shirkan oo uu soo qabanqaabiyey Ururka Dhakhaatiirka Somaliland ayaa waxa ka hadlay gudoomiyaha ururkaasi Dr:Axmed Cabdi Obolos oo sheegay in go’aamo laga soo saari doono waxyaalihii lidiga ku ah caafimaadka ee halkaas laga sheegay.

Barkhad-Ladiif M. Cumar
[email protected]
Hargeysa, Somaliland










Click here
6/20/2012 9:25 AM EST
Araca, June 20, 2012-Waxaa magaalada Örebro ee dalka Sweden lagu qabtay koob Kubadda Cagta ah oo ay ka qeybgaleen Caruur Soomaaliyeed oo magaaladaas ku nool, kuwasi oo da’dooda ay u dhaxeyso 8—9 sano jir.

6/20/2012 8:07 AM EST
Arbaco, June 20, 2012 (HOL) — Odayaasha-dhaqanka ee ku shirsan Muqdisho ayaa isku raacay labo qodob oo kasoo baxay shir maalmahan uga socday Muqdisho, iyadoo sheegay inay goa'anka ay gaareen ay u gudbinayaan beesha caalamka iyo Soomaaliya.

6/20/2012 7:39 AM EST
Arbaco, June 20, 2012 (HOL) — Shirkan oo looga hadlayo mustaqbalka Soomaaliya ee ay yeelanayaan xubnaha ka socda Soomaaliya iyo Somaliland oo socon doona laba maalmood ayaa looga hadli doonaa sidii labada dhinac ay u yeelan lahaayeen iskaashi dhinac walba ah.

6/20/2012 7:31 AM EST
Arbaco, June 20, 2012 (HOL) — Musharraxa madaxweynenimada C/raxmaan Baadiyow oo xaflad kamid ah kaambaynkiisa ku qabtay Nairobi.

6/20/2012 7:29 AM EST
Arbaco, June 20, 2012 (HOL) — Guddoomiyaha Ahlusunna Waljamaaca ee gobolka Galguduud, Axmed Yuusuf Xasan Ciyoow ayaa maanta soo gaaray Muqdisho isagoo sheegay in sababta socdaalkiisa ay tahay sidii uu wadahadallo ula yeelan lahaayeen inay u yimaadeen Muqdisho sidii ay wadahadallo ugala yeelan lahaayeen DKMG ah iyo UNPOS, sidii mashaariic horumarineed looga fulin lahaa gobolka Galguduud.

6/20/2012 7:00 AM EST
Arbaco, June 20, 2012 (HOL) — Magaalada Nairobi ee dalka Kenya ayaa waxaa maanta oo Arbaco ah ka furmay shir ay leeyihiin saxiixayaasha Roadmap-ka Soomaaliya kaasoo socon doona laba maalmood, iyadoo looga hadlayo waxyaabihii ka hirgalay heshiiskaas oo ay madaxda Soomaalidu sannadkii hore ku gaareen Muqdisho.

6/20/2012 6:53 AM EST
Arbaco, June 20, 2012 (HOL) — Kooxda Raaskambooni oo ka barbar dagaalanta ciidamada DKMG ah iyo kuwa Kenya ee ku sugan Koonfurta Soomaaliya ayaa ugu baaqay hay'adaha gargaarka inay howlahooda ka billaabaan deegaannadii laga saaray Al-shabaab.

6/20/2012 6:24 AM EST
Arbaco, June 20, 2012 (HOL) — Booliis gaar ah oo ka socda dalka Uganda ayaa lagu wadaa in Muqdisho ay soo gaaraan maalmaha soo socda, kuwaasoo gacan ka geysan doona xasilinta ammaanka gobolka Banaadir.

6/20/2012 4:33 AM EST
Arbaco, June 20, 2012 (HOL) — Dhallinyaro tiradoodu gaarayso 250 ayaa xaflad loogu qabtay Muqdisho Talaadadii shalay ahayd waxay kusoo bandhigeen wixii ay barteen, waxaana kasoo qaybgalay bandhiggaas mas'uuliyiin degmooyinka gobolka Banaadir qaarkood.

6/20/2012 2:56 AM EST
Arbaco, June 20, 2012 (HOL) — Ururka Ahlusunna Waljamaaca oo ah urur taageera dowaldda KMG ah ee Soomaaliya ayaa wuxuu dowladda ku eedeeyay dowladda inay jartay xiriirkii wadashaqeyneed ee kala dhexeeyay ururkooda.

6/20/2012 2:25 AM EST
Arbaco, June 20, 2012 (HOL) — Magaalada London ee xarunta dalka Britain ayaa lagu wadaa inuu maanta ka furmo shirkii ugu horreeyay oo Soomaaliya iyo Somaliland ay uga hadlayaan mustaqbalkooda, kaasoo socon doona laba maalmood.

6/20/2012 1:28 AM EST
Waxaa maalintii axada ahayd oo ay taariikhduna ahayd June 17, 2012, magaalada Toronto, CIDER SINIA CENTRE ka dhacay shir wayn oo lagu taageerayay musharaxnimada madaxtinimada dowled goboleedka Galmudug G/le sare Cali-baashi Maxamed Xaji Cumar Fiqi, waxaa shirkaasi soo qabanqaabiyay Cali Shiddo iyo Cabdullahi Warsame, waxaana daadihinayay Cabdirashiid Salad Farah (keyton), iyo Bashir.