8/22/2019
Today from Hiiraan Online:  _
Wararka Maanta- Arbaco, Jun 20, 2012
Dhallinyaro lix bilood tababarro la siinayay oo Magaalada Muqdisho kusoo bandhigay waxyaabhihii ay barteen


YOUTH6.jpg

Arbaco, June 20, 2012 (HOL) — Dhallinyaro tiradoodu gaarayso 250 ayaa xaflad loogu qabtay Muqdisho Talaadadii shalay ahayd waxay kusoo bandhigeen wixii ay barteen, waxaana kasoo qaybgalay bandhiggaas mas'uuliyiin degmooyinka gobolka Banaadir qaarkood.

Hay'adda Qaramada Midoobay u qaabilsan dhinaca horumarinta ee UNDP ayaa maal-gelisay barnaamijkan wax lagu baranayo dhallinyarada, waxaana fulinaysa hay'adda wadaniga ah ee CPD.

Bandhiggan oo ahaa bandhig-dhaqameed ayaa waxyaabihii ay ardaydan kusoo bandhigeen waxaa ka mid ahaa: heeso, gabayo, ciyaaro hiddaha iyo dhaqanka ah iyo ruwaayad ka tarjumaysan isbedelka ku dhacay noloshooda muddo ku siman lix bilood.

Dhallinyaradan ayaa waxay ahaayeen kuwo noloshoodu ay khatar ku jirtay, lagana soo ururiyay degmooyinka Xamarjajab, Xamarweyne, Shibbis iyo Shingaani oo ka tirsan gobolka Banaadir, waxaana wax-bartay hay'adda CPD.

"Mashruucan waa mid lagu bedelayo nolosha dhallinyarada, wuxuuna socday muddo lix bilood ah, bandhigga maantana waa mid aan ugu talogalnay inay dhallintu kusoo bandhigaan waxyaabihii ay barteen," ayuu yiri Maxamed Caabbi Xasan oo ah madaxa mashaariicda ee hay'adda CPD iyo madaxa mashruucan lagu dhaqan-celinayo dhallinyarada.

YOUTH.jpg

Suugaantii ay dhallinyaradan soo bandhigeen ayaa waxay cajab-gelisay dhammaan dadkii xafladda kasoo qaybgalay, waxaana ay halkaas ka qaadeen heeso soo jiitay dareenka dadka iyo gabayo ay ku cabirayaan isbedelka ku dhacay noloshooda.

Guddoomiyaha degmada Xamarweyne ee gobolka Banaadir, C/llaahi Ibraahim Sahal (Gardhuub) oo xafladda hadal ka jeediyay ayaa sheegay in tallaabadan ay tahay mid loo baahan yahay, isagoo ku boorriyay hay'adda CPD inay sii waddo dadaalka ay dhallinyarada Soomaaliyeed ugu abuurayso fursadaha shaqo.

Qaar ka mid ah dhallinyaradaan ayaa madasha ka sheegay lix bilood ka hor waxa ay qaban jireen iyo hadda sida ay u arkaan heerka noloshooda. Ayagoo ku faanay in ay ka soo gudbeen xaalad dhib badan iminka ay ka mid noqdeen bulshada.

Ugu dambeyn, dhallinyaradii wax ka bartay mashruucan ayaa sheegay inay hadda u jeedaan isbedel ku dhacay noloshooda, iyagoo sheegay inay markii hore khatar ku jireen, balse ay hadda arkaan mustaqbal nololeed oo ifaya.

YOUTH2.jpg
YOUTH3.jpg
YOUTH4.jpg
YOUTH5.jpg
YOUTH7.jpg

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/20/2012 9:25 AM EST
Araca, June 20, 2012-Waxaa magaalada Örebro ee dalka Sweden lagu qabtay koob Kubadda Cagta ah oo ay ka qeybgaleen Caruur Soomaaliyeed oo magaaladaas ku nool, kuwasi oo da’dooda ay u dhaxeyso 8—9 sano jir.

6/20/2012 8:36 AM EST
Arbaco, June 20, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa maanta ka qaybgalay kulan ay isugu yimaadeen dhakhaatiirta Somaliland ee gobolladda iyo degmooyinka ku kala sugan, kaasoo ka qabsoomay hoteelka Maansoor ee magaalada Hargeysa.

6/20/2012 8:07 AM EST
Arbaco, June 20, 2012 (HOL) — Odayaasha-dhaqanka ee ku shirsan Muqdisho ayaa isku raacay labo qodob oo kasoo baxay shir maalmahan uga socday Muqdisho, iyadoo sheegay inay goa'anka ay gaareen ay u gudbinayaan beesha caalamka iyo Soomaaliya.

6/20/2012 7:39 AM EST
Arbaco, June 20, 2012 (HOL) — Shirkan oo looga hadlayo mustaqbalka Soomaaliya ee ay yeelanayaan xubnaha ka socda Soomaaliya iyo Somaliland oo socon doona laba maalmood ayaa looga hadli doonaa sidii labada dhinac ay u yeelan lahaayeen iskaashi dhinac walba ah.

6/20/2012 7:31 AM EST
Arbaco, June 20, 2012 (HOL) — Musharraxa madaxweynenimada C/raxmaan Baadiyow oo xaflad kamid ah kaambaynkiisa ku qabtay Nairobi.

6/20/2012 7:29 AM EST
Arbaco, June 20, 2012 (HOL) — Guddoomiyaha Ahlusunna Waljamaaca ee gobolka Galguduud, Axmed Yuusuf Xasan Ciyoow ayaa maanta soo gaaray Muqdisho isagoo sheegay in sababta socdaalkiisa ay tahay sidii uu wadahadallo ula yeelan lahaayeen inay u yimaadeen Muqdisho sidii ay wadahadallo ugala yeelan lahaayeen DKMG ah iyo UNPOS, sidii mashaariic horumarineed looga fulin lahaa gobolka Galguduud.

6/20/2012 7:00 AM EST
Arbaco, June 20, 2012 (HOL) — Magaalada Nairobi ee dalka Kenya ayaa waxaa maanta oo Arbaco ah ka furmay shir ay leeyihiin saxiixayaasha Roadmap-ka Soomaaliya kaasoo socon doona laba maalmood, iyadoo looga hadlayo waxyaabihii ka hirgalay heshiiskaas oo ay madaxda Soomaalidu sannadkii hore ku gaareen Muqdisho.

6/20/2012 6:53 AM EST
Arbaco, June 20, 2012 (HOL) — Kooxda Raaskambooni oo ka barbar dagaalanta ciidamada DKMG ah iyo kuwa Kenya ee ku sugan Koonfurta Soomaaliya ayaa ugu baaqay hay'adaha gargaarka inay howlahooda ka billaabaan deegaannadii laga saaray Al-shabaab.

6/20/2012 6:24 AM EST
Arbaco, June 20, 2012 (HOL) — Booliis gaar ah oo ka socda dalka Uganda ayaa lagu wadaa in Muqdisho ay soo gaaraan maalmaha soo socda, kuwaasoo gacan ka geysan doona xasilinta ammaanka gobolka Banaadir.

6/20/2012 2:56 AM EST
Arbaco, June 20, 2012 (HOL) — Ururka Ahlusunna Waljamaaca oo ah urur taageera dowaldda KMG ah ee Soomaaliya ayaa wuxuu dowladda ku eedeeyay dowladda inay jartay xiriirkii wadashaqeyneed ee kala dhexeeyay ururkooda.

6/20/2012 2:25 AM EST
Arbaco, June 20, 2012 (HOL) — Magaalada London ee xarunta dalka Britain ayaa lagu wadaa inuu maanta ka furmo shirkii ugu horreeyay oo Soomaaliya iyo Somaliland ay uga hadlayaan mustaqbalkooda, kaasoo socon doona laba maalmood.

6/20/2012 1:28 AM EST
Waxaa maalintii axada ahayd oo ay taariikhduna ahayd June 17, 2012, magaalada Toronto, CIDER SINIA CENTRE ka dhacay shir wayn oo lagu taageerayay musharaxnimada madaxtinimada dowled goboleedka Galmudug G/le sare Cali-baashi Maxamed Xaji Cumar Fiqi, waxaa shirkaasi soo qabanqaabiyay Cali Shiddo iyo Cabdullahi Warsame, waxaana daadihinayay Cabdirashiid Salad Farah (keyton), iyo Bashir.