9/23/2019
Today from Hiiraan Online:  _
Wararka Maanta- Arbaco, Jun 20, 2012
Booliis ka socda Uganda oo ka howlgalaya Muqdisho si ay u xaqiijiyaan Ammaanka Caasimadda Soomaaliya


Arbaco, June 20, 2012 (HOL) — Booliis gaar ah oo ka socda dalka Uganda ayaa lagu wadaa in Muqdisho ay soo gaaraan maalmaha soo socda, kuwaasoo gacan ka geysan doona xasilinta ammaanka gobolka Banaadir.

Ciidamadan oo tiradoodu gaarayso 140-askari ayaa ka howgeli doona saldhigyada booliiska ee degmooyinka Muqdisho qaarkood, iyagoo gacan ku siinaya booliiska DKMG ah sidii ammaanka caasimada lagu xaqiijin lahaa.

"Waxaan siinnahay booliiskaan gaarka ah oo loo yaqaan (FPU) tababarro gaar ah si ay uga howlgalaan magaalada dalka Soomaaliya oo dagaallo ka socdaan, waxayna qayb ka yihiin howlgalka AMISOM," ayuu yiri ku xigeenka afhayeenka booliiska dalka Uganda, Judith Nabakooba.

Sarkaaladan waxay intaas ku dartay, in ciidamadan ay qabaan tababarro ay uga shaqeyn karaan goobo ay colaado ka jiraan, waxayna howshooda gaarka ah noqon doontaa ka hortagga dambiyada iyo dadku inay sharciga ilaaliyaan.

"Ciidamadan waxay kaalin mug leh ka ciyaari doonaan howlgalka nabad ilaalinta ee ka socda Soomaaliya," ayay tiri afhayeenadda booliiska Uganda Asuman Mugyenyi oo iyaduna saxaafadda la hadashay.

Sidoo kale, ciidammo ka socda dalka Nigeria oo tiradoodu tahay 140-askari ayaa lagu wadaa inay iyaguna soo gaaraan Muqdisho, si ay uga qaybqaataan howlaha lagu xaqiijinayo ammaanka Muqdisho.

Magaalada Muqdisho oo ay Al-shabaab isaga baxday bishii Ogoosto ee sannadkii hore ayaa waxaa weli ka dhacaya qaraxyo ay geysanayaan xoogag taabacsan Al-shabaab iyo dilal qorsheysan, iyadoo aan la ogeyn kaalinta ay ka qaadan karaan ciidankan booliiska ah ee ka socda Uganda iyo Nigeria.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/20/2012 9:25 AM EST
Araca, June 20, 2012-Waxaa magaalada Örebro ee dalka Sweden lagu qabtay koob Kubadda Cagta ah oo ay ka qeybgaleen Caruur Soomaaliyeed oo magaaladaas ku nool, kuwasi oo da’dooda ay u dhaxeyso 8—9 sano jir.

6/20/2012 8:36 AM EST
Arbaco, June 20, 2012 (HOL) — Madaxweyne ku xigeenka Somaliland, C/raxmaan Cabdillaahi Ismaaciil (Saylici) ayaa maanta ka qaybgalay kulan ay isugu yimaadeen dhakhaatiirta Somaliland ee gobolladda iyo degmooyinka ku kala sugan, kaasoo ka qabsoomay hoteelka Maansoor ee magaalada Hargeysa.

6/20/2012 8:07 AM EST
Arbaco, June 20, 2012 (HOL) — Odayaasha-dhaqanka ee ku shirsan Muqdisho ayaa isku raacay labo qodob oo kasoo baxay shir maalmahan uga socday Muqdisho, iyadoo sheegay inay goa'anka ay gaareen ay u gudbinayaan beesha caalamka iyo Soomaaliya.

6/20/2012 7:39 AM EST
Arbaco, June 20, 2012 (HOL) — Shirkan oo looga hadlayo mustaqbalka Soomaaliya ee ay yeelanayaan xubnaha ka socda Soomaaliya iyo Somaliland oo socon doona laba maalmood ayaa looga hadli doonaa sidii labada dhinac ay u yeelan lahaayeen iskaashi dhinac walba ah.

6/20/2012 7:31 AM EST
Arbaco, June 20, 2012 (HOL) — Musharraxa madaxweynenimada C/raxmaan Baadiyow oo xaflad kamid ah kaambaynkiisa ku qabtay Nairobi.

6/20/2012 7:29 AM EST
Arbaco, June 20, 2012 (HOL) — Guddoomiyaha Ahlusunna Waljamaaca ee gobolka Galguduud, Axmed Yuusuf Xasan Ciyoow ayaa maanta soo gaaray Muqdisho isagoo sheegay in sababta socdaalkiisa ay tahay sidii uu wadahadallo ula yeelan lahaayeen inay u yimaadeen Muqdisho sidii ay wadahadallo ugala yeelan lahaayeen DKMG ah iyo UNPOS, sidii mashaariic horumarineed looga fulin lahaa gobolka Galguduud.

6/20/2012 7:00 AM EST
Arbaco, June 20, 2012 (HOL) — Magaalada Nairobi ee dalka Kenya ayaa waxaa maanta oo Arbaco ah ka furmay shir ay leeyihiin saxiixayaasha Roadmap-ka Soomaaliya kaasoo socon doona laba maalmood, iyadoo looga hadlayo waxyaabihii ka hirgalay heshiiskaas oo ay madaxda Soomaalidu sannadkii hore ku gaareen Muqdisho.

6/20/2012 6:53 AM EST
Arbaco, June 20, 2012 (HOL) — Kooxda Raaskambooni oo ka barbar dagaalanta ciidamada DKMG ah iyo kuwa Kenya ee ku sugan Koonfurta Soomaaliya ayaa ugu baaqay hay'adaha gargaarka inay howlahooda ka billaabaan deegaannadii laga saaray Al-shabaab.

6/20/2012 4:33 AM EST
Arbaco, June 20, 2012 (HOL) — Dhallinyaro tiradoodu gaarayso 250 ayaa xaflad loogu qabtay Muqdisho Talaadadii shalay ahayd waxay kusoo bandhigeen wixii ay barteen, waxaana kasoo qaybgalay bandhiggaas mas'uuliyiin degmooyinka gobolka Banaadir qaarkood.

6/20/2012 2:56 AM EST
Arbaco, June 20, 2012 (HOL) — Ururka Ahlusunna Waljamaaca oo ah urur taageera dowaldda KMG ah ee Soomaaliya ayaa wuxuu dowladda ku eedeeyay dowladda inay jartay xiriirkii wadashaqeyneed ee kala dhexeeyay ururkooda.

6/20/2012 2:25 AM EST
Arbaco, June 20, 2012 (HOL) — Magaalada London ee xarunta dalka Britain ayaa lagu wadaa inuu maanta ka furmo shirkii ugu horreeyay oo Soomaaliya iyo Somaliland ay uga hadlayaan mustaqbalkooda, kaasoo socon doona laba maalmood.

6/20/2012 1:28 AM EST
Waxaa maalintii axada ahayd oo ay taariikhduna ahayd June 17, 2012, magaalada Toronto, CIDER SINIA CENTRE ka dhacay shir wayn oo lagu taageerayay musharaxnimada madaxtinimada dowled goboleedka Galmudug G/le sare Cali-baashi Maxamed Xaji Cumar Fiqi, waxaa shirkaasi soo qabanqaabiyay Cali Shiddo iyo Cabdullahi Warsame, waxaana daadihinayay Cabdirashiid Salad Farah (keyton), iyo Bashir.