9/23/2019
Today from Hiiraan Online:  _
Wararka Maanta- Arbaco, Jun 13, 2012
Ra’iisul Wasaaraha Soomaaliya oo la kulmay Madaxweynaha & Ra’iisul Wasaaraha Kenya



Arbaco, June 13, 2012(HOL):-Ra’iisul Wasaaraha Soomaaliya Professor Cabdiweli Maxamed Cali oo booqasho rasmi ah ku jooga Kenya ayaa maanta kulamo la kala qaatay Madaxweynaha Dalka Kenya Mudane Mwai Kibaki iyo Ra’iisul Wasaaraha Kenya Raila Odenga. Kulanka Madaxweynaha Kibaki ayaa ahaa kii ugu horreeyey ee dhex mara Ra’iisul Wasaare Cabdiweli iyo Madaxweyne Kibaki.

Ra’iisul Wasaaraha ayaa labadan mas’uul kala hadlay xiriirka labada dal, howlgaladda AMISOM iyo Ciidamada Dowladda ee gobolada jubbooyinka, iyo qorshaha dhameystirka Roadmap-ka.

Ugu horreyntii Ra’iisul Wasaare Abdiweli ayaa u mahadceliyey Madaxweynaha iyo Ra’iisul Wasaaraha Kenya sida sharafta badan oo ay qaabilaadda u dhacday iyo soo dhoweyntaba, isla markaana uu uga tacsiyeeyey geeridii naxdinta laheyd ee dhowaan ku timid Wasiirkii Amniga Kenya Prof Saitoti iyo mas’uuliyiintii la saarneyd diyaaradda helikobter-ka. Ra’iisul Wasaaraha Soomaaliya isagoo ku hadlaya magaca Dowladda iyo kan shacabka Soomaaliyeed waxuu tacsi u direy eheladii, qaraabadii iyo dhammaan shacabka Kenya, isagoo sheegay in Prof Saitoti uu ahaa shaqsi ruug cadaa siyaasi ah isla markaana kaalin weyn ka qaatay howlgaladda looga soo horjeedo kooxaha Al-Shabaab.


Ra’iisul Wasaaraha Soomaaliya ayaa xaaladda dalka ka warbixiyey isla markaana uga mahadceliyey Madaxweyne Kibaki iyo dowladdiisa sida ay gacanta uga geysanayaan howlgaladda looga soo jorjeedo Al-Shabaab oo lagu soo celinayo amnigii iyo kala danbeyntii dalka Soomaaliya. Waxuuna sheegay in Dowladdu ay horumar ballaaran ka sameysey dhanka amniga, iyo dhammaan dhaqangelintii Roadmap-ka. Ra’iisul Wasaarahu waxuu sheegay in Dastuurka la filayo in dhowaan 825 Ergo ka kooban dhammaan qeybaha bulshada Soomaaliyeed ay ku ansixin doonaan Muqdisho, isla markaana ay Madax Dhaqameedka Soomaaliyeed soo xuli doonaan xubnihii Baarlamaanka cusub si bisha Augusto loo doorto Guddoomiyaha Barlamaanka iyo Madaxweynaha Dalka oo halkaas lagu soo afjaro Xilliga KMG ah.

Madaxweyne Kibaki iyo Ra’iisul Wasaare Raila ayaa soo dhoweeyey Ra’iisul Wasaaraha Soomaaliya kuna ammaanay dadaalada horumarka leh ee socda ee lagu soo afjarayo xilliga KMG ah iyo dhameystirka dhaqangelinta Roadmap-ka. Madaxweyne Kibaki iyo Ra’iisul Wasaare Raila waxey sheegeen in Dowladda Kenya ay marwalba diyaar u tahay sidii Soomaaliya looga saacidi lahaa oo ay cagaheeda isu taagi laheyd oo uu sheegay in dan ugu wada jirto dhammaan deegaanka.

Madaxweyne Kibaki ayaa sheegay in rajada maanta laga qabo Soomaaliya ay aad u ballaarantahay loona baahanyahay in si wadajir ah la isaga kaashado sii dhameystirka howlaha muhiimka ah. Waxuuna sheegay in beesha caalamka looga baahanyahay inay gacan buuxda ka geystaan dadaalada socda si loo soo afjaro collaadaha oo loo helo dowlad Soomaaliyeed oo hanata amniga iyo kala danbeynta.


Ra’iisul Wasaaraha Soomaaliya Prof Cabdiweli Maxamed Cali ayaa wada dadaalo uu beesha caalamka uga dhaadhicinayo sidii ay gacan buuxda uga geysan lahaayeen dhameystirka dhaqangelinta Roadmap-ka. 10kii bilood ee ugu danbeysey waxaa lagu guuleystay arrimo dhowr ah oo ay ka mid yihiin sugidda amniga, xiriirka dowladda iyo maamulada dalka, dhameystirka Dastuurka, iyo xiriirka beesha caalamka oo maanta u soo jeeda arrimaha Soomaaliya. Waxaa dhowaan la filayaa in bisha July la ansaxiyo dastuurka, isla markaana la soo xulo baarlamaanka cusub si August loo soo afjaro KMG ka oo loo helo dowlad rasmi ah oo taam ah oo u adeegta bulshada Soomaaliyeed.











Click here
6/13/2012 8:35 AM EST
Arbaco, June 13, 2012 (HOL) — Tababar lagu baranayay sida dadku isugu xirmaan iyo sida ay bulsho caddaalad wax ugu qeybsato ayaa Muqdisho loogu soo gaba-gabeeyay odayaasha dhaqanka qaarkood.

6/13/2012 7:42 AM EST
Arbaco, June 13, 2012 (HOL) — Afhayeenkii baarlamaanka Soomaaliya ee sannadihii 1966-kii illaa 1969-kii, Sheekh Mukhtaar Maxamed Xuseen ayaa shalay ku geeriyooday magaalada Nairobi ee dalka Kenya, iyadoo dowladda KMG ah ay sheegtay in loo sameynayo aas Qaran iyo baroor-diiq.

6/13/2012 7:26 AM EST
Arbaco, June 13, 2012 (HOL) — Guddoomiyaha golaha fulinta ee Ururka Ahlusunna Waljamaaca, Sheekh Maxamed Yuusuf Xeefow ayaa sheegay kasoo bixitaankoodii degmada Ceelbuur iyo deegaanka Wabxo ee gobolka Galguudud ay ahayd mar ay bixiyeen saraakiisha ciidamadaas hoggaaminayay.

6/13/2012 6:42 AM EST
Arbaco, June 13, 2012 (HOL) — Ergayga xogyahaha guud ee Qaramada Midoobay u qaabilsan arrimaha Soomaaliya, Danjire Augustine Mahiga ayaa sheegay maanta in uu booqanayo degmada Afgooye ee gobolka Shabeellada hoose.

6/13/2012 6:27 AM EST
Arbaco, June 13, 2012 (HOL) — Madaxweynaha Soomaaliya, Shariif Sheekh Axmed oo ay wehliyaan saraakiisha ciidamada DKMG ah iyo kuwa AMISOM ayaa maanta ku tagay booqasho deegaanka Mareereey oo 15-km u jira degmada Afgooye e gobolka Shabeellada hoose.

6/13/2012 3:01 AM EST
Arbaco, June 13, 2012 (HOL) — Xukuumadda Washington ayaa toddobadkii hore ka qaadday jasiiradda Malta 20-ruux oo qoxooti ah kuwaasoo isuguna jira Soomaali iyo Eritrean, waxaana la dajiyay dalka Mareykanka.