9/22/2019
Today from Hiiraan Online:  _
Wararka Maanta- Talaado, Jun 12, 2012
Wasiirka Cadaaladda, Gudidda Cadaaladda, Ururka Qareennadda Somaliland oo cambaareeyey dhaawacii loo geystay gudoomiyihii Maxkamadda Hargeysa


Talaado, June 12, 2012 (HOL) — Wasiirka wasaaradda Cadaaladda, Gudidda Cadaaladda, ururka Qareenadda iyo madax dhaqameed, ayaa cambaareeyey dhaawacii loo geystay gudoomiyihii maxkamadda gobolka Hargeysa Cabdirashiid Maxamed Duraan oo shalay dablay hubaysani ku weerareen mar uu ka soo baxay salaadii subax masaajid u dhow gurigiisa oo ku yaala Xaafadda News Hargeysa ee Bariga Magaaladda Hargeysa.

Wasiirka wasaaradda Cadaaladda Somaliland, Mr:Xuseen Axmed Caydiid, ayaa sheegay in falkii lagu beegsaday guddoomiyihii maxkamadda gobolka Hargeysa uu ahaa mid bahalnimo ah, isla markaana uu aad uga xun yahay, isagoo dhinaca kalana sheegay in aan garsoorka waxba laga sheegin, isla markaana xildhibaano xukunkii dhowaan ka soo baxay maxkamadda gobolka Hargeysa dhaliilay ku tilmaamay kuwa wax u dhimaya kalsooniddii lagu qabay cadaaladda, sidaa darteed digniin usoo jeediyey masuuliyiintii dhaliilay cadaaladda Somaliland inay ka waantoobaan.

"waxaan leeyahay falkaasi waa dhagar cida gashay , cidda ku abaabushay iyo cidda kaga raali noqotaaba waa dhagar ay Qarankan ka gashay"ayuu yidhi wasiirka Cadaaladda Xuseen Axmed Caydiid, waxaanu intaas ku daray "shirarka jaraa’id ee la qabanayo ee lagu cambaaraynayo garsoorka, waxyeelo ayuu ku yahay badbaaddada iyo nabadgalyadda iyo horumarka dalkan wax alla wixii dhiirigalinaya in aan garsoorkaasi la aaminin, ceeb ha lahaado ama yaanu lahaane ee dibadda u saarayaa xaaraan bay tahay "ayuu yidhi isagoo u digay xildhibaano cambaareeyey xukun ka soo baxay Maxkamadda gobolka Hargeysa oo xukuno kala duwan ku riday masuuliyiin lagu eedeeyey lunsi Raashin mucaawimo ah.

Sidoo kale, waxa iyana falkan lagu dhaawacay Gudoomiyaha Maxkamadda gobolka Hargeysa cambaareeyey guddoomiyaha maxkamadda sare, ahna guddoomiyaha guddidda Cadaaladda Somaliland Garyaqaan:Yuusuf Ismaaciil Cali, waxaanu sheegay in aanay wax cabsi ah ku beereen waaxda garsoorka falkan lagula kacay gudoomiyaha maxkamadda Gobolka Hargeysa, waxaanu weerarkaasi ku tilmaamay mid lagu qaaday garsoorka Somaliland.

Guddoomiyaha Ururka Qareenada Somaliland (SOLLA), Garyaqaan Jaamac Cilmi Xaashi iyo qaar ka mid ah madax dhaqameedka Somaliland ayaa iyaguna cambaareeyey falkan lagu beegsaday garsooraha oo ay ku tilmaamay mid aad u fool-xun, isla markaana cidii falkaasi ka dambaysay sharciga la hor keeno.

Guddoomiyihii maxkamadda gobolka Hargeysa Cabdirashiid Durraan ayaa dhaawaciisa shalayba loo qaaday dalka Jabuuti oo lagu dawaynayo, waxaana wararka aanu ka helayno caafimaadkiisu sheegayaan inuu aad u fiican yahay, isla markaana uu dhaawaciisu fudud yahay.

Si kataba ha ha ahaatee, falkan shalay ka dhacay magaaladda Hargeysa ayaa dadweynaha aad uga yaabiyey, iyadoo ay tahay markii ugu horaysay ee dablay hubaysani ay weerar ku qaado garsoore, waxaanay arrintan ku hawlan ciidanka Amaanka oo baadhaya cidii ka dambaysay falkan, iyadoo ilaa hadda ay u xidhan yihiin laba qof oo la baadhayo kiiskoodda.

Barkhad-Ladiif M. Cumar
[email protected]
Hargeysa, Somaliland










Click here
6/13/2012 2:58 AM EST
Arbaco, June 13, 2012 (HOL) — Kulan wada-tashi ah oo ay iska kaashadeen hay'adda Cilmi-baarista iyo wada-tashiga CRD iyo wakaalada murtida, madadaalada iyo farashaxanka Soomaaliyeed ayaa maanta lagu qabtay magaalada Muqdisho ee xarunta Soomaaliya, iyadoo kulankan looga hadlayay kobcinta iyo tayeynta fanka Soomaaliyeed.

6/12/2012 4:45 PM EST
Talaado, Juun 12, 2012 (HOL) - Xaflad qalinjabin oo si caalami ah loo soo agaasimey ayaa ka dhacdey Satadiumka weyn ee “Century link Field”oo ku yaala magaalada Seattle. Hadaba munaasabadan oo aheyd mid aad iyo aad u balaaran ayaa waxaa lagu gudoonsiinayay shahoodooyin ardayda ka qalinjabisey jaamacada Washington,

6/12/2012 9:08 AM EST
Talaado, June 12, 2012 (HOL) — Madaxweynaha DKMG Soomaaliya Shariif Sheekh Axmad iyo xubno ka tirsan dowladda oo socdaal shaqo ku jooga degmada Afgooye ee gobolka Shabeellada Hoose ayaa la kulmay waxgaradka degmadaas.

6/12/2012 8:02 AM EST
Talaado, June 12, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan oo dib ugu soo laabtay Muqdisho maanta ayaa sheegtay inuu soo dhaweynayo hadalkii kasoo yeeray dowladda Mareykanka ee ahaa in tallaabo laga qaadi doono ciddii ka hortimaadda heshiiska tubta nabadda iyo dastuurka.

6/12/2012 7:40 AM EST
Talaado, June 12, 2012 (HOL) — Ra'iisul wasaaraha dalka Kenya, Raila Odinga ayaa sheegay maanta in xukuumaddiisu ay weydiisatay Mareykanka iyo ururka Midowga Yurub inay ka caawiyaan qorshaheeda dagaal ee ay ku doonayso inay ku qabsato magaalada dekedda leh ee Kismaayo oo xarun u ah gobolka Jubbada Hoose.

6/12/2012 7:01 AM EST
Talaado, June 12, 2012 (HOL) — Maamulka Ahlusunna Waljamaaca ayaa sheegay inay maxkamad soo taagayaan laba wariye oo ay saakay xireen, kuwaasoo ay ku eedeeyeen inay dambiyo shaqsi ah ka galeen Ahlusunna, gaar ahaan maamulka ka jira degmada Dhuuso-mareeb.

6/12/2012 6:31 AM EST
Talaado, June 12, 2012 (HOL) — Marwada ra’iisul wasaaraha Soomaaliya, Hodon Saciid Ciise ayaa xalay kulan xog-wareysi ah kula yeelatay magaalada Muqdisho ururada haweenka Soomaaliyeed, iyadoona kulanka looga hadlay sidii haweenka ay door muhiim ah uga qaadan lahaayeen dadaallada lagu raadinayo xalka Soomaaliya.

6/12/2012 5:15 AM EST
Talaado, June 12, 2012 (HOL) — Wararka aynu ka heleyno gobolka Jubada Hoose ayaa sheegaya in xalay dagaallo culus ay ka dhaceen degmada Afmadow iyo deegaanka Qooqaani, kadib markii dagaalyahanno katirsan Al-shabaab ay weerar ku qaadeen saldhigyo ay halkaasi ku lahaayeen ciidamada Huwanta ah.

6/12/2012 5:13 AM EST
Talaado, June 12, 2012 (HOL) — Kooxo bastoolado ku hubeysan ayaa xalay ku toogtay xafadda Howl-wadaag ee magaalada Beledweyne nabadoon caan ka ah magaalada, iyadoo mas’uuliyiinta maamulka gobollka dilka nabadoonka ay ku eedeeyeen Xarrakada Al-shabaab.

6/12/2012 3:13 AM EST
Talaado, June 12, 2012 (HOL) — Ciidamada Itoobiya iyo kuwa Ahlusunna ayaa saakay isaga baxay deegaanka Wabxo ee gobolka Galguduud iyadoo ay gudaha u galeen deegaankaas xoogagga Al-shabaab oo horay looga qabsaday.

6/12/2012 2:59 AM EST
Talaado, June 12, 2012 (HOL) — Degmada Dhuuso-mareeb ee gobolka Galguduud ayaa xalay laga dareemay cabsi weyn, iyadoo dadka qaarkood ay isaga baxeen halkaas, sidoo kalena laga raray deegaankaas idaacaddii ka howgeli jirtay inkastoo sakaay dib loogu soo celiyay.

6/12/2012 2:44 AM EST
Talaado, June 12, 2012 (HOL) — Madaxweynaha Soomaaliya, Shariif Sheekh Axmed oo xalay ku hoyday degmada Afgooye ee gobolka Shabeellada hoose oo bishii hore ay ciidamada dowladda KMG ah iyo kuwa AMISOM kala wareegeen Al-shabaab ayaa sheegay in cid walba oo kasoo baxda Al-shabaab ay soo dhaweynayaan.