8/18/2019
Today from Hiiraan Online:  _
Wararka Maanta- Talaado, Jun 12, 2012
MADAXWEYNAHA SOOMAALIYA: "Cid walba oo kasoo baxaysa Kooxda Al-shabaab waan soo dhaweynaynaa"


Talaado, June 12, 2012 (HOL) — Madaxweynaha Soomaaliya, Shariif Sheekh Axmed oo xalay ku hoyday degmada Afgooye ee gobolka Shabeellada hoose oo bishii hore ay ciidamada dowladda KMG ah iyo kuwa AMISOM kala wareegeen Al-shabaab ayaa sheegay in cid walba oo kasoo baxda Al-shabaab ay soo dhaweynayaan.

Sheekh Shariif ayaa sheegay inuu ku celinayo hadalkan oo uu dhowr jeer oo hore ka sheegay warbaahinta, isagoo ugu baaqay saraakiisha iyo ciidamada Al-shabaab inay kasoo laabtaan dariiqa ay hadda ku socdaan.

"Qof walba oo kasoo laabata jidka qaldan waan soo dhaweynaynaa. Saraakiisha dowladduna waxay ku howlan yihiin sidii ay u soo gudbin lahaayeen qof walba oo doonaya inuu kasoo goosto Al-shabaab," ayuu yiri Sheekh Shariif.

Madaxweynaha ayaa sidoo kale sheegay in degmada Afgooye uu u joogo sidii lagu xaqiijin lahaa ammaanka degmadaas, iyadoo ay noqonayso markii ugu horreysay oo Sheekh Shariif uu ku hoydo meel ka baxsan Muqdisho tan iyo markii xilkan loo doortay sannadkii 2009.

"Aad ayaan ugu faraxsanahay inaan Afgooye imaado mar kale, waxaana dadaal u geli doonaa sidii ammaanka degmada lagu sugi lahaa, waayo howl marka la qabanayo waxaa wanaagsan in la dhameystiro oo aan meelo-meelo wax looga tegin," ayuu yiri Sheekh Shariif.

Waa markii labaad oo madaxweynaha Soomaaliya uu tago degmada Afgooye, iyadoo xalay uu duleedka degmadaas ka dhacay dagaal culus oo u dhexeeya ciidamada DKMG ah oo garabsanaya AMISOM iyo xoogagga Al-shabaab.

Lama oga khasaaraha ka dhashay dagaalkaas inta uu le'eg yahay, waxaana la maqlayay hugunka madaafiicda iyo rasaasta fudud ee ay dhinacyada dagaalamaya is-dhaafsanayeen, inkastoo xaaladdu ay saakay tahay mid deggen.

Madaxweynaha Soomaaliya ayaa socdaalkan waxaa ku wehlinaya saraakiil ciidan iyo wasiirro ka tirsan xukuumadda KMG ah, iyadoo la xusuusto in booqashadii middan ka horreysay ay xoogaga Al-shabaab ku weerareen madaxweynaha jidka u dhexeysa Muqdisho iyo Afgooye kaasoo uu ka badbaaday.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/13/2012 2:58 AM EST
Arbaco, June 13, 2012 (HOL) — Kulan wada-tashi ah oo ay iska kaashadeen hay'adda Cilmi-baarista iyo wada-tashiga CRD iyo wakaalada murtida, madadaalada iyo farashaxanka Soomaaliyeed ayaa maanta lagu qabtay magaalada Muqdisho ee xarunta Soomaaliya, iyadoo kulankan looga hadlayay kobcinta iyo tayeynta fanka Soomaaliyeed.

6/12/2012 4:45 PM EST
Talaado, Juun 12, 2012 (HOL) - Xaflad qalinjabin oo si caalami ah loo soo agaasimey ayaa ka dhacdey Satadiumka weyn ee “Century link Field”oo ku yaala magaalada Seattle. Hadaba munaasabadan oo aheyd mid aad iyo aad u balaaran ayaa waxaa lagu gudoonsiinayay shahoodooyin ardayda ka qalinjabisey jaamacada Washington,

6/12/2012 9:50 AM EST
Talaado, June 12, 2012 (HOL) — Wasiirka wasaaradda Cadaaladda, Gudidda Cadaaladda, ururka Qareenadda iyo madax dhaqameed, ayaa cambaareeyey dhaawacii loo geystay gudoomiyihii maxkamadda gobolka Hargeysa Cabdirashiid Maxamed Duraan oo shalay dablay hubaysani ku weerareen mar uu ka soo baxay salaadii subax masaajid u dhow gurigiisa oo ku yaala Xaafadda News Hargeysa ee Bariga Magaaladda Hargeysa.

6/12/2012 9:08 AM EST
Talaado, June 12, 2012 (HOL) — Madaxweynaha DKMG Soomaaliya Shariif Sheekh Axmad iyo xubno ka tirsan dowladda oo socdaal shaqo ku jooga degmada Afgooye ee gobolka Shabeellada Hoose ayaa la kulmay waxgaradka degmadaas.

6/12/2012 8:02 AM EST
Talaado, June 12, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan oo dib ugu soo laabtay Muqdisho maanta ayaa sheegtay inuu soo dhaweynayo hadalkii kasoo yeeray dowladda Mareykanka ee ahaa in tallaabo laga qaadi doono ciddii ka hortimaadda heshiiska tubta nabadda iyo dastuurka.

6/12/2012 7:40 AM EST
Talaado, June 12, 2012 (HOL) — Ra'iisul wasaaraha dalka Kenya, Raila Odinga ayaa sheegay maanta in xukuumaddiisu ay weydiisatay Mareykanka iyo ururka Midowga Yurub inay ka caawiyaan qorshaheeda dagaal ee ay ku doonayso inay ku qabsato magaalada dekedda leh ee Kismaayo oo xarun u ah gobolka Jubbada Hoose.

6/12/2012 7:01 AM EST
Talaado, June 12, 2012 (HOL) — Maamulka Ahlusunna Waljamaaca ayaa sheegay inay maxkamad soo taagayaan laba wariye oo ay saakay xireen, kuwaasoo ay ku eedeeyeen inay dambiyo shaqsi ah ka galeen Ahlusunna, gaar ahaan maamulka ka jira degmada Dhuuso-mareeb.

6/12/2012 6:31 AM EST
Talaado, June 12, 2012 (HOL) — Marwada ra’iisul wasaaraha Soomaaliya, Hodon Saciid Ciise ayaa xalay kulan xog-wareysi ah kula yeelatay magaalada Muqdisho ururada haweenka Soomaaliyeed, iyadoona kulanka looga hadlay sidii haweenka ay door muhiim ah uga qaadan lahaayeen dadaallada lagu raadinayo xalka Soomaaliya.

6/12/2012 5:15 AM EST
Talaado, June 12, 2012 (HOL) — Wararka aynu ka heleyno gobolka Jubada Hoose ayaa sheegaya in xalay dagaallo culus ay ka dhaceen degmada Afmadow iyo deegaanka Qooqaani, kadib markii dagaalyahanno katirsan Al-shabaab ay weerar ku qaadeen saldhigyo ay halkaasi ku lahaayeen ciidamada Huwanta ah.

6/12/2012 5:13 AM EST
Talaado, June 12, 2012 (HOL) — Kooxo bastoolado ku hubeysan ayaa xalay ku toogtay xafadda Howl-wadaag ee magaalada Beledweyne nabadoon caan ka ah magaalada, iyadoo mas’uuliyiinta maamulka gobollka dilka nabadoonka ay ku eedeeyeen Xarrakada Al-shabaab.

6/12/2012 3:13 AM EST
Talaado, June 12, 2012 (HOL) — Ciidamada Itoobiya iyo kuwa Ahlusunna ayaa saakay isaga baxay deegaanka Wabxo ee gobolka Galguduud iyadoo ay gudaha u galeen deegaankaas xoogagga Al-shabaab oo horay looga qabsaday.

6/12/2012 2:59 AM EST
Talaado, June 12, 2012 (HOL) — Degmada Dhuuso-mareeb ee gobolka Galguduud ayaa xalay laga dareemay cabsi weyn, iyadoo dadka qaarkood ay isaga baxeen halkaas, sidoo kalena laga raray deegaankaas idaacaddii ka howgeli jirtay inkastoo sakaay dib loogu soo celiyay.