5/27/2019
Today from Hiiraan Online:  _
Wararka Maanta- Talaado, Jun 12, 2012
Madaxweynaha DKMG Soomaaliya oo Waxgaradka Degmada Afgooye la kulmay kana dalbaday inay ka shaqeeyaan Horumarka dalka


Talaado, June 12, 2012 (HOL) — Madaxweynaha DKMG Soomaaliya Shariif Sheekh Axmad iyo xubno ka tirsan dowladda oo socdaal shaqo ku jooga degmada Afgooye ee gobolka Shabeellada Hoose ayaa la kulmay waxgaradka degmadaas.

Shariif Sheekh iyo xubnaha safarka ku wehlinaya ayaa kala hadlay waxgaradka sidii wax looga qaban lahaa amaanka degmada iyo sidii ay gacan uga geysan lahaayeen in dowladu ay dajiso degmada loona sameeyo maamul.

"Waxaa la idin kaga baahan yahay inaad qayb ka qaadataan hormarka dalka kaasoo ay dadaal ugu jirto dowladda iyo sidii aad gacan u siin lahaydeen ciidamada DKMG iyo kuwa AMISOM oo naftooda u huray soo celinta ammaanka iyo xasilloonida degmada," ayuu madaxweynuhu u sheegay odayaashii uu la kulamay.

Sidoo kale, madaxweynuhu wuxuu ku booriyay odayaasha degmada in ciidamada DKMG ah loo tababaray inay difaacaan dalka; balse ay maqleen in dhibaatooyin ay ka dhaceen degmada taasna ay tahay midda ay degmada u joogaan.

"Looma baahna in ciidamada dowladdu ay ay dhibaateeyaan dadka shacabka ah, askarigii lagu arka isagoo dhibaateynaya shacabka maxkamad ayaa la horgeyn doonaa," ayuu madaxweynuhu ku sheegay hadalkii uu ka jeediyay kulanka.

Mudane Shariif mar uu ka hadlay kaalinta waxgaradka kaga aaddan xasilinta dalka ayuu sheegay inay yihiin kuwii go’aamin lahaa hogaanka dalka laga doonay inay ka shaqeeyaan nabada, hormarka, midnimada, iyo dowladnimo waarto si dalku uu u helo xasilooni iyo kala dambeyn waarta.

Madaxweynaha ayaa sheegay in dadka ay isku mid yihiin oo aan la kala soocnayn, isagoo mar uu ka hadlayay xaaladda ammaan ee dalka sheegay dalka inay dib u soo laabanayso, isagoo shacabka ugu baaqay inay ka qayb-qaataan hormarinta dalka iyo wax-soo-saarka maadaama dalku uu yahay mid leh wax-soo-saar ballaaran.

Gabagabadii hadalkiisa ayuu madaxweynuhu ku sheegay in Al-shabaab ay dhibaato ku haysay shacabka ku nool degmada Afgooye iyaguna ay ka dul-qaadeen isagoo xusay in dowladu ay adkeynayso amaanka Afgooye.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/13/2012 2:58 AM EST
Arbaco, June 13, 2012 (HOL) — Kulan wada-tashi ah oo ay iska kaashadeen hay'adda Cilmi-baarista iyo wada-tashiga CRD iyo wakaalada murtida, madadaalada iyo farashaxanka Soomaaliyeed ayaa maanta lagu qabtay magaalada Muqdisho ee xarunta Soomaaliya, iyadoo kulankan looga hadlayay kobcinta iyo tayeynta fanka Soomaaliyeed.

6/12/2012 4:45 PM EST
Talaado, Juun 12, 2012 (HOL) - Xaflad qalinjabin oo si caalami ah loo soo agaasimey ayaa ka dhacdey Satadiumka weyn ee “Century link Field”oo ku yaala magaalada Seattle. Hadaba munaasabadan oo aheyd mid aad iyo aad u balaaran ayaa waxaa lagu gudoonsiinayay shahoodooyin ardayda ka qalinjabisey jaamacada Washington,

6/12/2012 9:50 AM EST
Talaado, June 12, 2012 (HOL) — Wasiirka wasaaradda Cadaaladda, Gudidda Cadaaladda, ururka Qareenadda iyo madax dhaqameed, ayaa cambaareeyey dhaawacii loo geystay gudoomiyihii maxkamadda gobolka Hargeysa Cabdirashiid Maxamed Duraan oo shalay dablay hubaysani ku weerareen mar uu ka soo baxay salaadii subax masaajid u dhow gurigiisa oo ku yaala Xaafadda News Hargeysa ee Bariga Magaaladda Hargeysa.

6/12/2012 8:02 AM EST
Talaado, June 12, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan oo dib ugu soo laabtay Muqdisho maanta ayaa sheegtay inuu soo dhaweynayo hadalkii kasoo yeeray dowladda Mareykanka ee ahaa in tallaabo laga qaadi doono ciddii ka hortimaadda heshiiska tubta nabadda iyo dastuurka.

6/12/2012 7:40 AM EST
Talaado, June 12, 2012 (HOL) — Ra'iisul wasaaraha dalka Kenya, Raila Odinga ayaa sheegay maanta in xukuumaddiisu ay weydiisatay Mareykanka iyo ururka Midowga Yurub inay ka caawiyaan qorshaheeda dagaal ee ay ku doonayso inay ku qabsato magaalada dekedda leh ee Kismaayo oo xarun u ah gobolka Jubbada Hoose.

6/12/2012 7:01 AM EST
Talaado, June 12, 2012 (HOL) — Maamulka Ahlusunna Waljamaaca ayaa sheegay inay maxkamad soo taagayaan laba wariye oo ay saakay xireen, kuwaasoo ay ku eedeeyeen inay dambiyo shaqsi ah ka galeen Ahlusunna, gaar ahaan maamulka ka jira degmada Dhuuso-mareeb.

6/12/2012 6:31 AM EST
Talaado, June 12, 2012 (HOL) — Marwada ra’iisul wasaaraha Soomaaliya, Hodon Saciid Ciise ayaa xalay kulan xog-wareysi ah kula yeelatay magaalada Muqdisho ururada haweenka Soomaaliyeed, iyadoona kulanka looga hadlay sidii haweenka ay door muhiim ah uga qaadan lahaayeen dadaallada lagu raadinayo xalka Soomaaliya.

6/12/2012 5:15 AM EST
Talaado, June 12, 2012 (HOL) — Wararka aynu ka heleyno gobolka Jubada Hoose ayaa sheegaya in xalay dagaallo culus ay ka dhaceen degmada Afmadow iyo deegaanka Qooqaani, kadib markii dagaalyahanno katirsan Al-shabaab ay weerar ku qaadeen saldhigyo ay halkaasi ku lahaayeen ciidamada Huwanta ah.

6/12/2012 5:13 AM EST
Talaado, June 12, 2012 (HOL) — Kooxo bastoolado ku hubeysan ayaa xalay ku toogtay xafadda Howl-wadaag ee magaalada Beledweyne nabadoon caan ka ah magaalada, iyadoo mas’uuliyiinta maamulka gobollka dilka nabadoonka ay ku eedeeyeen Xarrakada Al-shabaab.

6/12/2012 3:13 AM EST
Talaado, June 12, 2012 (HOL) — Ciidamada Itoobiya iyo kuwa Ahlusunna ayaa saakay isaga baxay deegaanka Wabxo ee gobolka Galguduud iyadoo ay gudaha u galeen deegaankaas xoogagga Al-shabaab oo horay looga qabsaday.

6/12/2012 2:59 AM EST
Talaado, June 12, 2012 (HOL) — Degmada Dhuuso-mareeb ee gobolka Galguduud ayaa xalay laga dareemay cabsi weyn, iyadoo dadka qaarkood ay isaga baxeen halkaas, sidoo kalena laga raray deegaankaas idaacaddii ka howgeli jirtay inkastoo sakaay dib loogu soo celiyay.

6/12/2012 2:44 AM EST
Talaado, June 12, 2012 (HOL) — Madaxweynaha Soomaaliya, Shariif Sheekh Axmed oo xalay ku hoyday degmada Afgooye ee gobolka Shabeellada hoose oo bishii hore ay ciidamada dowladda KMG ah iyo kuwa AMISOM kala wareegeen Al-shabaab ayaa sheegay in cid walba oo kasoo baxda Al-shabaab ay soo dhaweynayaan.