10/22/2019
Today from Hiiraan Online:  _
Wararka Maanta- Talaado, Jun 12, 2012
Marwada Ra’iisul Wasaaraha DKMG Somalia oo Xalay kula kulantay Muqdisho Ururrada Haweenka Soomaaliyeed


Talaado, June 12, 2012 (HOL) — Marwada ra’iisul wasaaraha Soomaaliya, Hodon Saciid Ciise ayaa xalay kulan xog-wareysi ah kula yeelatay magaalada Muqdisho ururada haweenka Soomaaliyeed, iyadoona kulanka looga hadlay sidii haweenka ay door muhiim ah uga qaadan lahaayeen dadaallada lagu raadinayo xalka Soomaaliya.

"Ugu horreyn waxaan aad ugu faraxsanahay in caawa aan wada kulanno inagoona ka wada-tashanayna aayaheenna iyo doorka aan ku leenahay siyaasadda dalka," ayay tiri Hodan Siciid oo hadal ku furtay kulanka.

Marwada ra'iisul wasaaraha ayaa aad u amaantay ururada haweenka Soomaaliyeed doorka ay ka qaateen hormarka dalka iyo dadaallada socda, iyadoo sheegtay inay 30% ku leeyihiin xubna dowladda, taasna ay tahay guul isla markaana loo baahan yahay in haweenka Soomaaliyeed ay muujiyaan doorarkooda ku aaddan sidii xal loogu heli lahaa Soomaaliya.

Intaa kaddib waxaa warbixinno laga dhageystay qaar ka mid ah haweenkii kulanka ka qayb-galay, kuwaasoo sheegay in haweenka ay door muhiin ku leeyihiin xal u raadinta Soomaaliya maadaama ay dhibaatadii dalka ka dhacday inta badan soo gaaratay haweenka.

"Burburkii dalka ka dhacay waxaa dhibaatooyinkii ugu badnaa ay kasoo gaareen haweenka, waxaa loo geystay tacdiyo ay ka mid yihiin, dil, kufsi iyo dhac," ayay kulanka ka sheegeen haweenkii ka qaybgalay.

Sidoo kale, haweenkii kulanka ka qaybgalay ayaa soo dhaweeyay shira uga socda Muqdisho odoyaasha-dhaqanka, inkastoo ay haweenka qaarkood sheegeen in raggu aanay waxba u ogalayn haweenka; iyadoo kulanka lagu taageeray in haweenka ay ku yeeshaan hay'adaha dowladda 30%.

Ugu dambeyn, kulanka waxaa yimid ra’iisul wasaaraha Soomaaliya isagoo sheegay in haweenka Soomaaliyeed ay yihiin kuwa door muhiim ah ka qaatay horumarka dalka haddana looga baahan yahay inay xoojiyaan dadaallada.

Marwo Hodan Siciid ayaa ugu kulanka gunaanadkiisii sheegtay inay haweenka la tashadaan oday-dhaqameedkooda ayna si aan loo duudsiin xilalka ay dowladda ku leeyihiin, waxayna haweenka Soomaaliyeed ugu baaqday inay door muhiin ah ka qaataan dadaallada looga baxayo xilliga KMG ah.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/13/2012 2:58 AM EST
Arbaco, June 13, 2012 (HOL) — Kulan wada-tashi ah oo ay iska kaashadeen hay'adda Cilmi-baarista iyo wada-tashiga CRD iyo wakaalada murtida, madadaalada iyo farashaxanka Soomaaliyeed ayaa maanta lagu qabtay magaalada Muqdisho ee xarunta Soomaaliya, iyadoo kulankan looga hadlayay kobcinta iyo tayeynta fanka Soomaaliyeed.

6/12/2012 4:45 PM EST
Talaado, Juun 12, 2012 (HOL) - Xaflad qalinjabin oo si caalami ah loo soo agaasimey ayaa ka dhacdey Satadiumka weyn ee “Century link Field”oo ku yaala magaalada Seattle. Hadaba munaasabadan oo aheyd mid aad iyo aad u balaaran ayaa waxaa lagu gudoonsiinayay shahoodooyin ardayda ka qalinjabisey jaamacada Washington,

6/12/2012 9:50 AM EST
Talaado, June 12, 2012 (HOL) — Wasiirka wasaaradda Cadaaladda, Gudidda Cadaaladda, ururka Qareenadda iyo madax dhaqameed, ayaa cambaareeyey dhaawacii loo geystay gudoomiyihii maxkamadda gobolka Hargeysa Cabdirashiid Maxamed Duraan oo shalay dablay hubaysani ku weerareen mar uu ka soo baxay salaadii subax masaajid u dhow gurigiisa oo ku yaala Xaafadda News Hargeysa ee Bariga Magaaladda Hargeysa.

6/12/2012 9:08 AM EST
Talaado, June 12, 2012 (HOL) — Madaxweynaha DKMG Soomaaliya Shariif Sheekh Axmad iyo xubno ka tirsan dowladda oo socdaal shaqo ku jooga degmada Afgooye ee gobolka Shabeellada Hoose ayaa la kulmay waxgaradka degmadaas.

6/12/2012 8:02 AM EST
Talaado, June 12, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan oo dib ugu soo laabtay Muqdisho maanta ayaa sheegtay inuu soo dhaweynayo hadalkii kasoo yeeray dowladda Mareykanka ee ahaa in tallaabo laga qaadi doono ciddii ka hortimaadda heshiiska tubta nabadda iyo dastuurka.

6/12/2012 7:40 AM EST
Talaado, June 12, 2012 (HOL) — Ra'iisul wasaaraha dalka Kenya, Raila Odinga ayaa sheegay maanta in xukuumaddiisu ay weydiisatay Mareykanka iyo ururka Midowga Yurub inay ka caawiyaan qorshaheeda dagaal ee ay ku doonayso inay ku qabsato magaalada dekedda leh ee Kismaayo oo xarun u ah gobolka Jubbada Hoose.

6/12/2012 7:01 AM EST
Talaado, June 12, 2012 (HOL) — Maamulka Ahlusunna Waljamaaca ayaa sheegay inay maxkamad soo taagayaan laba wariye oo ay saakay xireen, kuwaasoo ay ku eedeeyeen inay dambiyo shaqsi ah ka galeen Ahlusunna, gaar ahaan maamulka ka jira degmada Dhuuso-mareeb.

6/12/2012 5:15 AM EST
Talaado, June 12, 2012 (HOL) — Wararka aynu ka heleyno gobolka Jubada Hoose ayaa sheegaya in xalay dagaallo culus ay ka dhaceen degmada Afmadow iyo deegaanka Qooqaani, kadib markii dagaalyahanno katirsan Al-shabaab ay weerar ku qaadeen saldhigyo ay halkaasi ku lahaayeen ciidamada Huwanta ah.

6/12/2012 5:13 AM EST
Talaado, June 12, 2012 (HOL) — Kooxo bastoolado ku hubeysan ayaa xalay ku toogtay xafadda Howl-wadaag ee magaalada Beledweyne nabadoon caan ka ah magaalada, iyadoo mas’uuliyiinta maamulka gobollka dilka nabadoonka ay ku eedeeyeen Xarrakada Al-shabaab.

6/12/2012 3:13 AM EST
Talaado, June 12, 2012 (HOL) — Ciidamada Itoobiya iyo kuwa Ahlusunna ayaa saakay isaga baxay deegaanka Wabxo ee gobolka Galguduud iyadoo ay gudaha u galeen deegaankaas xoogagga Al-shabaab oo horay looga qabsaday.

6/12/2012 2:59 AM EST
Talaado, June 12, 2012 (HOL) — Degmada Dhuuso-mareeb ee gobolka Galguduud ayaa xalay laga dareemay cabsi weyn, iyadoo dadka qaarkood ay isaga baxeen halkaas, sidoo kalena laga raray deegaankaas idaacaddii ka howgeli jirtay inkastoo sakaay dib loogu soo celiyay.

6/12/2012 2:44 AM EST
Talaado, June 12, 2012 (HOL) — Madaxweynaha Soomaaliya, Shariif Sheekh Axmed oo xalay ku hoyday degmada Afgooye ee gobolka Shabeellada hoose oo bishii hore ay ciidamada dowladda KMG ah iyo kuwa AMISOM kala wareegeen Al-shabaab ayaa sheegay in cid walba oo kasoo baxda Al-shabaab ay soo dhaweynayaan.