10/22/2019
Today from Hiiraan Online:  _
Wararka Maanta- Sabti, July 7 , 2012
Madaxweynaha Puntland oo sheegay inuu welwel ka qabo in heshiiska Roadmap-ka lagu dhameystiro xilligii loogu talo-galay


Sabti, July 07, 2012 (HOL) — Madaxweynaha maamulka Puntland, Cabdiraxmaan Sheekh Maxamed Faroole ayaa sheegay inuu walwal weyn ka qabo dhameystirka heshiiska Roadmap-ka oo uu wax ka saxiixay, isagoo sheegay in shirarka odayaasha ee Xamar ka socda ay xagal-daacin karaan dhameystirka khariidadda nabadda.

C/raxmaan Faroole, wuxuu sheegay in shirarka odayaasha ee Muqdisho ka socda aysan ku qornayn heshiisyadii la gaaray, isagoo intaas ku daray in arrintan ay wataan murashaxiinta u taagan xilka madaxnimo ee Soomaaliya, gaar ahaan madaxda dowladda KMG Soomaaliya.

"Heshiisyadii ka dhacay Garoowe iyo Gaalkacyo waxaa lagu heshiiyay in odayaasha dhaqanku ay ku laabtaan deegaannadooda, lana tashadaan bulshada rayidka ah iyo qabaa'ilkooda si ay u soo xulaan dadkii ansixin lahaa dastuurka iyo kuwii noqon lahaa xildhibaanno. Hase yeesheen taasi ma dhicin waxayna u muuqtaa mid aan u hiillinayn wixii lagu ballamay," ayuu yiri madaxweynaha Puntland oo u warramayay B BBC-da.

Madaxweynaha Puntland wuxuu sheegay in wixii iyagu ay qaban lahaayeen oo ay ka mid tahay dhameystirka dastuurka ay qabteen, isagoo xusay in haddii uu dhameystirmi waayo qorshaha Roadmap-ka ay mas'uulyadda qaadanayso Qaramada Midoobay oo ballanqaaday dhameystirka howshan.

Sidoo kale, madaxweynaha Puntland oo ka jawaabayay su'aal ahayd waxa geliyay cabsida weyn ee uu ka qabo inaan lagu dhameystirin heshiiska khariidadda nabadda waqtigii loogu talo-galay ayaa sheegay in isaga oo keliya uusan cabsida qabin, balse ay jiraan siyaasiyiin badan oo ku nool dibadda iyo gudaha dalka iyo beesha caalamkuba oo iyaguna qaban cabsi middan la mid ah.

"Wel-wel weyn baan ka qabnaa in waqtigii loogu talogay uu ku dhammaan waayo heshiiska; waayo waqtiga waa ciriiri," ayuu yiri madaxweynaha Puntlnad oo intaas ku daray in odayaasha dhaqanka la gaarsiiyay heer ka sarreeya howshooda, qaar ka mid ahna ay hami ka qabaan siyaasadda dalka.

Ugu dambeyn, madaxewynaha Puntland wuxuu sheegay in sababta keentay inuu aad uga welwelo dhametirka Roadmap-ka ay tahay inuu ka waaya-aragsan yahay mas'uuliyiinta kale ee heshiiskaas la saxiixay, isagoo xusay inuusan isagu ka mid ahayd dadka xilka u tartamaya.

Maxamed Xaaji Xuseen, Hiiraan Online
[email protected]
Muqdisho, Soomaaliya








Click here
7/7/2012 8:22 PM EST
Sabti, July 08, 2012(HOL): Shirkii sanadlaha ahaa ee Jabhadda xoreynta ONLF ayaa maalintii Jimcaha ahayd ka furmay magaalada Toronto ee dalka Canada. Shirkan oo ay martigelisay taageerayaasha jabhadda ONLF ee dalka Kanada ayaa waxaa ka soo qayb-galay wafuud ka kala yimid qaaradaha Yurub, North America, Australia iyo Bariga dhexe.

7/7/2012 8:54 AM EST
Sabti, July,7, 2012 (HOL)-Guddoomiyaha ururka Suxufiyiinta Somaliland ee (SOLJA), Xasan Maxamed Yuusuf ayaa cambaareeyey falal guracan oo uu sheegay in badhasaabka gobolka Saaxil kula kacay wariyeyaasha ka hawlgalla gobolkaasi.

7/7/2012 8:32 AM EST
Sabti, July 07, 2012 (HOL) — Mas'uuliyiinta Ahlusunna Waljamaaca ayaa sheegay inay wadaan qorshe ay ku doonayaan inay dib ugu laabtaan degmada Ceelbuur iyadoo Al-shabaabna ay sheegtay inay ka hortagayso weerar walba oo lagu soo qaado degmadaas.

7/7/2012 8:06 AM EST
Sabti, July 07, 2012 (HOL) — Xiriiriyaha Qaramada Midoobay u qaabilsan gargaarka bani'aadamnimo ee Soomaaliya, Mark Bowden ayaa sheegay in xaalado aadamnimo oo khatar ah ay ka jiraan Soomaaliya, isagoo sheegay inay ku ogaadeen xog-ururin dhawaan ka sameeyeen Soomaaliya.

7/7/2012 7:56 AM EST
Sabti, July 07, 2012 (HOL) — Magaalada Baladweyne ee xarunta u ah gobollka Hiiraan waxaa ku sii kordhaya xeryaha ay degan yihiin ama ku nool yihiin dad barakacayaasha ah, kuwaasoo in badan rajo ka qaba in ay gargaar ka heleen hay’addaha samafalka oo bilihii ugu danbeeyay saraakiil ka tirsan si is daba joog ah kormeer ugu tagayeen magaalada.

7/7/2012 7:22 AM EST
Sabti, July 07, 2012 (HOL) — Kooxo bastoolado ku hubeysan ayaa askari ka tirsan waaxda canshuuraha ee dowladda KMG ah ku toogtay xaafadda Laba-dhagax ee degmada Wardhiigley, iyadoo kooxihii dilka geystay ay u suurogashay inay goobta ka baxsadaan.

7/7/2012 7:13 AM EST
Sabti, July 07, 2012 (HOL) — Howgallo ay wadajir uga sameeyeen degmooyin ka tirsan magaalada Muqdisho ayay kusoo qabqabteen boqolaal dhallinyaro ah oo loo haysto inay Al-shabaab xiriir la leeyihiin, waxaana saraakiisha dowladdu KMG ay sheegeen in howgalladan ay yihiin lagu sugayo ammaanka.

7/7/2012 7:04 AM EST
Sabti, July 07, 2012 (HOL) — Diyaarado dagaal oo la aaminsyahay in ay leedahay dowladda Kenya ayaa duqeymo xooggan ka geeystay deegaano ka tirsan gobolka Jubada Hoose, iyadoona la sheegay in diyaaraduhu ay bartilmaameedsanayeen saldhigyo ay xoogagga Al-shabaab ku lahaayeen deegaanadaasi.

7/7/2012 6:57 AM EST
Sabti, July 07, 2012 (HOL) — Madaxweynaha Puntland, Cabdiraxmaan Maxamed Faroole ayaa maanta oo Sabti ah saxiixay xeerka ururada siyaasada Puntland oo ay soo diyaariyeen guddiga doorashada Puntland, toddobaadyo ka horna ay ansixiyeen xildhibaannada maamulkaas.

7/7/2012 6:54 AM EST
Sabti, July 07, 2012 (HOL) — Laba qof ayaa ku geeriyootay qof kalena dhaawac ayaa kasoo gaaray kaddib markii ciidamada dowladda KMG ah ay rasaas ku fureen gaari noociisu ahaa MARK II oo ku socday degmada Baydhabo ee gobolka Bay.

7/7/2012 3:55 AM EST
Sabti, July 07, 2012 (HOL) — Dowladda KMG ah ee Soomaaliya ayaa ku eedeeysay Kenya inay si sharci-daro ah baaritaano shidaal uga sameynayso xeebaha ku yaalla dhinaca Konfureed ee Soomaaliya.

7/7/2012 3:12 AM EST
Sabti, July 07, 2012 (HOL) — Taliska ciidamada Midowga Afrika ee (AMISOM) ayaa si rasmi ah ula wareegay hoggaanka ciidamada Kenya ee ku sugan Koonfurta Soomaaliya kaddib munaasabad Jimcihii shalay ka dhacday magaalada Nairobi ee xarunta dalka Kenya.

7/7/2012 2:48 AM EST
Sabti, July 07, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay in qodobka ku saabsan maqaamka ay yeelanayso magaalada Muqdisho dib u eegis lagu sameynayo, isagoo xusay in sharci gaar ah laga soo saarayo.