3/29/2024
Today from Hiiraan Online:  _
Wararka Maanta- Jimco, Oct 26, 2012
Soomaalida iyo Muslimiinta kale ee ku nool Magaalada Cape Town ee dalka Koonfurta Afrika oo Maanta si weyn u ciiday
Jimco, Oktoobar 26, 2012 (HOL) — Magaalada Cape Town ee dalka Koonfur Afrika ayaa si weyn loogu soo baxay salaadda ciidda iyadoo muslimiin aad u fara badan ay buux dhaafiyeen barxadaha lagu dukado salaadaha ciidda ee ku kala yaalla gudaha iyo duleedada magaalada.

Soomaalida iyo muslimiin kale oo fara badan ayaa waxay isugu soo baxeen barxadda weyn ee ku taalla xaafadda Bellville ee duleedka magaalada Cape Town, halkaasoo ay ku tukadeen salaadda ciidda, waxaana dadku ay isugu hambalyeynayeen ciidda.

Jawiga ayaa waxa uu ahaa mid aad u wanaagsan oo dadka wajiyadooda ay farxadi ka muuqaneeysay rag iyo dumarba, waxaana la xiray dhammaan goobihii ganacsiga Soomaalida xiligii la tukanayay salaadda ciidda.

"Aad ayaan ugu faraxsannahay inaan ciiddan ku ciidno innagoo caafimaad qabna, waxaana u rajeynayaa qof walba oo Soomaaliyeed barwaaqo iyo baraare," ayay u sheegeen dadkaas qaarkood warbaahinta.

Waxaa kaloo jira Soomaali kale oo ku kala nool xaafado halkaasi ka fog kuwaasoo iyagu dhexda ka raacay muslimiinta kale ee ku nool deegaannadaas oo ay ka mid yihiin Johannesberg iyo deegaanno kale oo dalkaas ka tirsan.

Ciiddan ayaa waxa ay ahayd mid dadku ay si weyn ugu soo baxeen sababta oo ah xiliga ay kusoo beegantay ayaa wuxuu yahay xili ay cimmiladu ay tahay mid aad u wanaagsan marka la eego dalka Koonfur Afrika.

Inta aanan salaadda la dukan ayaa waxa halkaasi muxaadarooyin kasoo jeediyay culummada diinta oo dadweynihii halkaasi isugu yimid ku baraarujiyay muhiimada ay leedahay ciidul adxada iyo sida ay tahay in loo guto.

Faarax Daahir, Hiiraan Online
[email protected]
Cape-town, Koonfur Afrika












Click here
10/26/2012 8:05 AM EST
Jimco, October 26, 2012(HOL): Magaalada Eskilstuna ee Gobolka Sörmaland eedalka Sweden ayaa maanta si weyn looga xusay munaasabadda Ciidul-Adxa, iyadoo dadka Muslimiinta ah ee magaalada ku noolna ay meel ku wada tukadeen salaadda.

10/26/2012 7:26 AM EST
Jimco, October 26, 2012(HOL): Madaxweynaha Jamhuuriyadda Federaalka Soomaaliya Xasan Sheekh Maxamuud ayaa saaka xarunta Madaxtooyadda marti qaad manaasabadda ciida darteed ah ugu sameeyey Masuuliyiinta Dowladdda federaalka Soomaaliya iyo marti sharaf kale.

10/26/2012 7:01 AM EST
Jimco, Oktoobar, 26, 2012 (HOL) -Muslimiinta ku dhaqan magaalada Nairobi ee caasimadda dalka Kenya ayaa maanta siweyn ugu dabaaldegay munaasabadda Ciidda Barakeysan ee Ciidul Adxa , iyadoona la arkayay kumannaan dadweeyne ah oo saladda ciidda ku oogaya fagaareyaal kala duwan.

10/26/2012 6:03 AM EST
Jimco, October, 26, 2012 (HOL)- Guud ahaan gobolada Somaliland, ayaa maanta si weyn loogu soo baxay munaasibadda Ciidal Adxa awgeed oo muslimimiintu si weyn u weyneeyaan, isla markaana salaala si balaaadhan loo oogo.

10/26/2012 5:50 AM EST
Jimco, Oktoobar, 26, 2012 (HOL) -- Guud ahaan marka la eego dunida muslimka maanta waxaa si isku mid ah looga dabaal-dagayaa munaasabada Ciidul-adxaa, gaar ahaan dalka Soomaaliya gobollada dalka ay ka socdaan fantisyo kala duwan oo loo dhigay maalinta weyn ee Ciidda.

10/26/2012 5:43 AM EST
Dadweynaha ku nool magaalada Muqdisho ayaa si weyn u ciidaya maanta oo ay tahay maalintii koowaad ee Ciidul Adxa oo ka mid ah labada ciidood ee ay dadka muslimiinta ah ciidaan halkii sanaba, iyadoo madaxda dowladda Soomaaliya ay hambalyo ciiddan ku aaddan u direen shacabka Soomaaliyeed mee walba oo uu joogo.

10/26/2012 4:26 AM EST
Jimco, Oktoobar 26, 2012 (HOL) — Diyaarado dagaal ayaa hakad ka geliyay dadka ku nool degmada Baardheere ee gobolka Gedo inay saakay tukadayaan salaaddii Ciidul Adxa, kaddib markii ay cabsi lasoo daristay dadka ku nool degmadaas oo ay ka taliso Al-shabaab.

10/26/2012 4:12 AM EST
Jimco, Oktoobar 26, 2012 (HOL) — Madaxweynaha Soomaaliya, Xasan Sheekh ayaa ugu baaqay Xarakada Al-shabaab inay hubka dhigaan ayna ka qayb-qaataan dib u soo celinta nabadda Soomaaliya, isagoo sheegay inaan dagaal wax faa'iido ah lagu gaarayn.

10/26/2012 3:21 AM EST
Jimco, Oktoobar 26, 2012 (HOL) — Ciidanka Milatariga Somaliland, ayaa hawlgalo ay sameeyeen deegaanka galbeedka Somaliland ku soo qabqabtay dad ka baayac mushtareeya tahriibiinta dadka, kuwaas oo isku xidhnaa ilaa magaalada Muqdisho, oo dadka tahriibaya soo anbabixiye, ahaydna sil silid dheer oo magalooyinka la marayo dadka soo dhaafiya, waxaana la sheegay in bilihii u dambeeyey si xawli ah ay u isticmaalaan dadka tabriibka ahi jidka Lawyo-cado una gudba xaga Jabuuti.