9/20/2018
Today from Hiiraan Online:  _
Wararka Maanta- Isniin, May 7 , 2012
Xilka Madaxweynenimo ee Ruushka oo markii saddexaad loo dhaariyay Madaxweynihii hore ee dalkaas Vladimir Putin


Isniin, May 07, 2012 (HOL) — Madaxweynihii hore ee dalka Ruushka Vladimir Putin ayaa markii saddexaad loo dhaariyay xilka madaxnimo ee dalkaas, kaddib markii uu ku guuleystay doorashooyinkii madaxweynenimo ee Ruushka.

Xaflad weyn oo ka dhacday xarunta dalkaas looga taliyo ee Karimilinka oo ku taalla baratmaha magaalada Moscow ayaa lagu dhaafiyay Putin Axaddii shalay, iasgoo ku maray wacad inuu si wanaagsan ugu shaqeynayo dadkiisa iyo dalkiisa inta muddada uu xilka hayo.

"Waxaan ku dhaaranayaa inaan howl wanaagsan qaban doono muddada cusub ee aan xilka hayo, dalkana aan gaarsiinayo horumar wanaagsan. Waxaan rajeynayaa in sannadaha soo socda ay noqon doonaan kuwo uu Ruushku kaga dhibkii haystay mudada dheer," ayuu yiri Putin oo ku dhaaranayay nuqullo ka mid ah dastuurka dalkaas.

Vladimir Putin ayaa laba jeer oo xilka madaxweynimo ee Ruushka loo dhaariyay, iyadoo xilligii lasoo dhaafay uu doorashooyinkii dhacay kaga guuleystay Dmitry Medvedev, kaasoo uu hadda ka guuleystay.

Ruushka ayaa wuxuu tan iyo markii uu burburay isbahaysigii midowga sofiyeeti ee uu majaraha u hayay waxaa soo maray shan madaxweyne, iyadoo intii aysan dhicin dharta Putin ay isku dhaceen dadweyne careysan iyo booliiska.

"Waxaan tixgelin doonaa dadkeyga iyo dalkeyga hooyo," ayuu yiri Putin oo intaas ku daray. "Waxaan ku guuleysan doonnaa hadafyadeenna oo dhan, sida inaan mideyno dadkeenna isla markaana aan xoojinno dimuqraadiyadda Ruushka,"

Mr. Putin ayaa wuxuu xilligii lasoo dhaafay ka ahaa dalka Ruushka ra'iisul wasaare iyadoo lagu xanto inuu yahay mas'uul adeegsada awood ka badan midda uu u ogol yahay dastuurka dalkaas.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/7/2012 5:08 PM EST
Isniin, May 07, 2012 (HOL): Xaflad si seer sare ah loo soo agaasimay oo markii ugu horreysay mideysay Soomaalida ku nool gobollada laysku yiraahdo New England ee dalka Maraykanka ayaa ka dhacday magaalada Boston ee Gobolka Massachusetts.

5/7/2012 4:24 PM EST
Isniin, May 07, 2012— Dowladda Japan ayaa maanta ku wareejisay Dowlada KMG deeq ay ugu tala gashay Ciidanka Booliska Soomaalyeed. Deeqdaan ayaa ka koobanayd 16 Land Cruiser, 2 Ambulance 2 gaari oo kuwa ciidanka lagu qaado ah iyo jaakadaha laga xirto xabadda ( Bullet proof Jackets ) iyo koofiyadaha aan xabaddu karin.

5/7/2012 4:05 PM EST
Isniin, May 07, 2012 (HOL)- Munaasibad balaadhan ayaa loo sameeyey dhisme cusub oo saddex dabaq ka kooban oo loo dhisay guddida doorashooyinka Somaliland, waxaana xadhiga ka jaray Madaxweyne ku-xigeeenka Somaliland Md. CabdiRaxmaan Cabdilaahi Ismaaciil (Saylici).

5/7/2012 9:28 AM EST
Isniin, May 07, 2012 (HOL) — Kulan ay ka soo qeyb-galeen mas’uuliyiinta maamulka gobollka Hiiraan ayaa waxaa maanta ku yeeshay magaalada Beledweyne gollaha deegaannka, kuwaasoo markii ugu horeysay doortay Duqa magaalada Beledweyne.

5/7/2012 8:36 AM EST
Isniin, May 07, 2012 (HOL) — Kulankan ayaa waxaa looga hadlay sidii odayaasha dhaqanka ay qayb uga qaadan lahaayeen ansixinta dastuurka cusub ee dalka oo ay dowladdu doonayso in la meel mariyo si looga gudbo xilliga KMG ah ee lagu jiro.

5/7/2012 8:17 AM EST
Isniin, May 07, 2012 (HOL) — Arday tiradoodu ahayd 29-ruux oo ka bogsaday xanuunka dhimirka ayaa waxbarasho ka dhamaystay xarunta lagu xanaaneeyo xanuunka maskaxda ee SAHAN, kuwaas oo ka qalinjabiyey waxbarashadda farsamooyinka Dawaarka iyo Laydhka,waxaana shahadooyinkii waxbarashadda lagu gudoonsiiyey xaruntoodda SAHAN oo ku taalla duleedka galbeed ee magaaladda Hargeysa.

5/7/2012 8:13 AM EST
Isniin, May 07, 2012 (HOL) — Dajiraha Soomaaliya ee dalka Zambia Shirwac C/llaahi Ibraahim oo la hadlay wargeys lagu magacaabo The Post Zambia ayaa iska diiday eedeymo kaga yimid wasaaradda arrimaha dibadda dalkaas, taasoo ku saabsanayd inuu mas'uul ka ahaa rabshad ka dhacday safaaradda Soomaaliya ee dalka Zambia taasoo keentay in la xiro safaaradda.

5/7/2012 7:18 AM EST
Isniin, May 07, 2012 (HOL) — Shir ay soo abaabuleen ururka Hiilqaran oo ah urur waddani ah oo ka mid ah xisbiyadda isbedeldoonka ah ee u tartamaya qabashada hogaanka dalka Soomaaliya, oo ay horkacyaaan shaqsiyaad qurba-joog ah ayaa maanta lagu qabtay Magaalada Apeldoorn ee dalka Holland, waxaana kulankan oo ay ka soo qeybgaleen bulshadda Soomaalida ee ku dhaqan magaaladaas, & gobolo kale ayaa waxaa khudbado kala duwan ka jeediyey Guddoomiyaha Guud ee Xisbiga Qaran Ibraahim Macalin Mursal, Prof Axmed Ismaaciil Samatar oo ka mid ah xubnaha ugu firfircoon ee xabsiga, Guddoomiyaha KMG ah ee faraca Holland Cali Cabdi Waare, Avv. Muuse Xersi & xubno kale oo fara badan.

5/7/2012 6:33 AM EST
Isniin, May 07, 2012 (HOL) — Waxaa Isbitalka magaalada Kismaayo ee xarunta gobolka Jubada Hoose la gaarsiiyay dad gaaraya ilaa 20 qof kuwaa oo la ildarnaa xanuuno kala duwan, waxaana dadkani kamid ah dad ay aad u liidato xaaladooda caafimaad.

5/7/2012 6:30 AM EST
Isniin, May 07, 2012 (HOL) — Maamulka Dowladda KMG Soomaaliya ee gobolka Gedo ayaa maanta fuliyay xukun dil ah, kaasoo lagu fuliyay askari ka tirsan ciidamada dowladda oo ku eedeysnaa in uu dil u geystay askari kale.

5/7/2012 3:37 AM EST
Isniin, May 07, 2012 (HOL) — Dood-cilmiyeed looga hadlayay xiriirka ka dhaxeeya hooyada iyo gabadheeda ayaa lagu qabtay Muqdisho, kaasoo ay ka qeyb-galeen in ka badan 150-haween, saraakiil ciidan iyo arday dhigta iskuulladai yo jaamacadaha Muqdisho.

5/7/2012 3:09 AM EST
Isniin, May 07, 2012 (HOL) — Dadka ku dhaqan magaalada Beledweyne ayaa xalay saqdii dhexe mar kaliya ku soo toosay dhawaaqa hubka noocyadiisa kala duwan oo ay is weydaarsanayaan ciidamada maamulka gobollka Hiiraan iyo xoogagga Xarrakada Al-shabaab kadib dagaal culus oo labada dhinac ku dhaxmaray xaafadda howl-wadaag ee magaalada Beledweyne.