11/19/2018
Today from Hiiraan Online:  _
Wararka Maanta- Isniin, May 7 , 2012
Danjiraha Soomaaliya u fadhiya dalka Zambia oo iska fogeeyay eedeymo uga yimid Wasaaradda Arrimaha dibadda Zambia


Isniin, May 07, 2012 (HOL) — Dajiraha Soomaaliya ee dalka Zambia Shirwac C/llaahi Ibraahim oo la hadlay wargeys lagu magacaabo The Post Zambia ayaa iska diiday eedeymo kaga yimid wasaaradda arrimaha dibadda dalkaas, taasoo ku saabsanayd inuu mas'uul ka ahaa rabshad ka dhacday safaaradda Soomaaliya ee dalka Zambia taasoo keentay in la xiro safaaradda.

Safaaradda Soomaalida ee magaalada Luusaka ayaa waxaa Jimcihii hadallo kulul ay ku dhexmareen dajiraha Soomaaliya u jooga dalkaas, Shirwac Ibraahim iyo weliba siyaasi magaciisa lagu sheegay Maxamed oo sheegay inuu madaxweyne Shariif u soo magacaabay inuu safaaradda Soomaaliya ee Zambia kala wareegto safiirkii hore.

Wasaaradda arrimaha dibadda ee Zambia ayaa weydiisatay in danjire Shirwac uu ka bixiyo raalligelin murankii saxaafadda ka dhacay, kaasoo sababay in safaaradda la xiro lana joojiyo howlaheedii, balse dajiraha oo xilkan loo magacaabay saddex bilood ka hor ayaa ku gacan-sayray arrintaas.

Dajire Shirwac iyo danjira jagada ay isku haystaan ee Maxamed ayaa waxaa su'aalo weydiiyay booliiska Luusaaka, waxaana murankoodii lagu sheegay in mid sharaf dhac ku ah dowladda Soomaaliya.

"Aad ayaan uga xumahay wixii dhacay oo dhan, gaar ahaan in nala geeyo saldhig booliis innagoo dublamaasiyiin ah," ayuu yiri Shirwac oo sheegay inuusan ahayn mid u wanaagsan sawirka Soomaaliya iyo safaaraddaba.

Danjire Shirwac oo wargeyska uu la hadlay ugu warramayay dhismaha safaaradda ayaa wuxuu sheegay inuu isagu u yeeray booliiska, kaddib markii uu isku dayay Maxamed inuu xafiiska ka saaro, taasoo uu ku sheegay inay ahayd mid uu ku saxan yahay.

"Waxaan wasaaradda arrimaha dibadda ee dalka Zambia ku boorrinayaa inay joojiso heshiisyo hoosaadyada ay la galayso shaqsiyaadka ka tirsan bulshada Soomaalida ee ku nool halkan. Khamiistii waxaan arkay madaxa anshaha ee wasaaradda iyo xoghayihiisa wuxuuna ii sheegay inuu la kulmay siyaasi Soomaaliyeed," ayuu yiri Shirwac oo ku doodaya in magacaabista safiirka cusub ay tahay mid been ah.

Safiirku wuxuu intaas ku daray inuu la yaabay maqalka in isaga laga bedelayo safaaradda Soomaaliya ee Lusaka. Isagoo is weydiiyay sida ay ugu suurogeli karto shaqsi Soomaaliyeed oo aanay safaaraddu ka warhayn inuu awood u helo inuu kulan la qaato mas'uul sare oo ka tisran wasaaradda arrimaha dibadda.

Ugu dambeyn, danjire Shirwac wuxuu ku celiyay inuusan mas'uul ka ahayn wixii ka dhacay safaaradda Soomaalida ee Lusaka maalintii Jimcaha ahayd, isagoo hadalka kasoo baxay wasaaradda arrimaha dibadda ee Zambia ku tilmaamay been ah oo uusan u dulqaadanayn.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/7/2012 5:08 PM EST
Isniin, May 07, 2012 (HOL): Xaflad si seer sare ah loo soo agaasimay oo markii ugu horreysay mideysay Soomaalida ku nool gobollada laysku yiraahdo New England ee dalka Maraykanka ayaa ka dhacday magaalada Boston ee Gobolka Massachusetts.

5/7/2012 4:24 PM EST
Isniin, May 07, 2012— Dowladda Japan ayaa maanta ku wareejisay Dowlada KMG deeq ay ugu tala gashay Ciidanka Booliska Soomaalyeed. Deeqdaan ayaa ka koobanayd 16 Land Cruiser, 2 Ambulance 2 gaari oo kuwa ciidanka lagu qaado ah iyo jaakadaha laga xirto xabadda ( Bullet proof Jackets ) iyo koofiyadaha aan xabaddu karin.

5/7/2012 4:05 PM EST
Isniin, May 07, 2012 (HOL)- Munaasibad balaadhan ayaa loo sameeyey dhisme cusub oo saddex dabaq ka kooban oo loo dhisay guddida doorashooyinka Somaliland, waxaana xadhiga ka jaray Madaxweyne ku-xigeeenka Somaliland Md. CabdiRaxmaan Cabdilaahi Ismaaciil (Saylici).

5/7/2012 9:28 AM EST
Isniin, May 07, 2012 (HOL) — Kulan ay ka soo qeyb-galeen mas’uuliyiinta maamulka gobollka Hiiraan ayaa waxaa maanta ku yeeshay magaalada Beledweyne gollaha deegaannka, kuwaasoo markii ugu horeysay doortay Duqa magaalada Beledweyne.

5/7/2012 9:05 AM EST
Isniin, May 07, 2012 (HOL) — Madaxweynihii hore ee dalka Ruushka Vladimir Putin ayaa markii saddexaad loo dhaariyay xilka madaxnimo ee dalkaas, kaddib markii uu ku guuleystay doorashooyinkii madaxweynenimo ee Ruushka.

5/7/2012 8:36 AM EST
Isniin, May 07, 2012 (HOL) — Kulankan ayaa waxaa looga hadlay sidii odayaasha dhaqanka ay qayb uga qaadan lahaayeen ansixinta dastuurka cusub ee dalka oo ay dowladdu doonayso in la meel mariyo si looga gudbo xilliga KMG ah ee lagu jiro.

5/7/2012 8:17 AM EST
Isniin, May 07, 2012 (HOL) — Arday tiradoodu ahayd 29-ruux oo ka bogsaday xanuunka dhimirka ayaa waxbarasho ka dhamaystay xarunta lagu xanaaneeyo xanuunka maskaxda ee SAHAN, kuwaas oo ka qalinjabiyey waxbarashadda farsamooyinka Dawaarka iyo Laydhka,waxaana shahadooyinkii waxbarashadda lagu gudoonsiiyey xaruntoodda SAHAN oo ku taalla duleedka galbeed ee magaaladda Hargeysa.

5/7/2012 7:18 AM EST
Isniin, May 07, 2012 (HOL) — Shir ay soo abaabuleen ururka Hiilqaran oo ah urur waddani ah oo ka mid ah xisbiyadda isbedeldoonka ah ee u tartamaya qabashada hogaanka dalka Soomaaliya, oo ay horkacyaaan shaqsiyaad qurba-joog ah ayaa maanta lagu qabtay Magaalada Apeldoorn ee dalka Holland, waxaana kulankan oo ay ka soo qeybgaleen bulshadda Soomaalida ee ku dhaqan magaaladaas, & gobolo kale ayaa waxaa khudbado kala duwan ka jeediyey Guddoomiyaha Guud ee Xisbiga Qaran Ibraahim Macalin Mursal, Prof Axmed Ismaaciil Samatar oo ka mid ah xubnaha ugu firfircoon ee xabsiga, Guddoomiyaha KMG ah ee faraca Holland Cali Cabdi Waare, Avv. Muuse Xersi & xubno kale oo fara badan.

5/7/2012 6:33 AM EST
Isniin, May 07, 2012 (HOL) — Waxaa Isbitalka magaalada Kismaayo ee xarunta gobolka Jubada Hoose la gaarsiiyay dad gaaraya ilaa 20 qof kuwaa oo la ildarnaa xanuuno kala duwan, waxaana dadkani kamid ah dad ay aad u liidato xaaladooda caafimaad.

5/7/2012 6:30 AM EST
Isniin, May 07, 2012 (HOL) — Maamulka Dowladda KMG Soomaaliya ee gobolka Gedo ayaa maanta fuliyay xukun dil ah, kaasoo lagu fuliyay askari ka tirsan ciidamada dowladda oo ku eedeysnaa in uu dil u geystay askari kale.

5/7/2012 3:37 AM EST
Isniin, May 07, 2012 (HOL) — Dood-cilmiyeed looga hadlayay xiriirka ka dhaxeeya hooyada iyo gabadheeda ayaa lagu qabtay Muqdisho, kaasoo ay ka qeyb-galeen in ka badan 150-haween, saraakiil ciidan iyo arday dhigta iskuulladai yo jaamacadaha Muqdisho.

5/7/2012 3:09 AM EST
Isniin, May 07, 2012 (HOL) — Dadka ku dhaqan magaalada Beledweyne ayaa xalay saqdii dhexe mar kaliya ku soo toosay dhawaaqa hubka noocyadiisa kala duwan oo ay is weydaarsanayaan ciidamada maamulka gobollka Hiiraan iyo xoogagga Xarrakada Al-shabaab kadib dagaal culus oo labada dhinac ku dhaxmaray xaafadda howl-wadaag ee magaalada Beledweyne.