9/19/2018
Today from Hiiraan Online:  _
Wararka Maanta- Sabti, May 5 , 2012
Madaxda Dowladda KMG ah ee Soomaaliya oo lagu wado inay daqiiqadaha soo socda furaan Shirka Waxgaradka Soomaaliyeed


Sabti, May 05, 2012 (HOL) — Madaxda DKMG ah ee Soomaaliya ayaa ku sugan dugsiga tababarka booliiska oo ay ka socdaan khudbadihii furitaanka shirkaas oo ay 135 oday dhaqameed oo beelaha Soomaalida ka socda ay ku xulayaan ergooyinkii ansixin lahaa dastuurka cusub ee Soomaaliya.

Madaxweynaha Soomaaliya, Sheekh Shariif Sheekh Axmed, ra'iisul wasaaraha C/weli Maxamed Cali iyo guddoomiyaha baarlamaanka Shariif Xasan Sheekh Aadan ayaa ku sugan iskool bulusiyo oo ah halka uu shirku ka furmayo, iyadoo ay socdaan khudbooyin ay jeedinayaan waxgaradka uu shirku u furmayo iyo marti sharafta kale ee goobjoogga ka ah furitaanka shirka.

Wasiirro ka tirsan dowladda ayaa iyaguna ku sugan goobahaas, waxaana ka mid ah wasiirka wasiirka dastuurka iyo arrimaha federaalka, C/raxmaan Xoosh Jabriil oo ka sheegay madasha shirka in dastuurka uu yahay mid ay Soomaaliya leedahay balse uusan ahayn mid uu shaqsi u gaar ah.

Mudane Xoosh Jabriil wuxuu beeniyay inay dastuurka ku jiraan qodobbo khalad ah isagoo ku tilmaamay kuwa wararkaas baahinaya fidno wadayaal aan laga yeelayn hadalkooda, wuxuuna ku baaqay in la taageero dastuurka cusub ee Soomaaliya.

Sidoo kale, waxaa kulanka oo lagu waday inuu saakay furmo uu dib u dhac ku yimid kaddib markii ay madaxda DKMG ah dib uga dhaceen xilligii loogu talogalay inay goobta tagaan uu shirku ka furayo tagaan.

Madasha shirka ayaa waxaa ku sugan safiirrada dalalka safaaradaha ku leh Soomaaliya iyo ergooyin kale oo ajnabi ah, kuwaasoo goobjoog ka noqonaya shirka, iyadoo maanta uu shirku noqonayo mid furitaan ah.

Shirkan oday-dhaqameedyada oo socon doona muddo lix casho ayaa waxaa intiisa badan looga hadli doonaa xulidda 825-ergay ee lagu wado inay dastuurka cusub ee dalka ay ansixiyaa inta aysan bishan dhammaan.

Iyadoo madaxda DKMG ah ay ka hadli doonaan shirka ayaa waxaa lagu wadaa inuu ugu dambeyn ku dhawaaqo in shirkaas uu furan yahay, waxaana wixii maanta ka dambeeya ay waxgaradku gudo-geli doonaan doodaha iyo xulidda ergooyinka loogu talogalay inay ansixiyaan dastuurka soona xulaan xildhibaannada cusub ee uu dalku yeelanayo.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/5/2012 3:31 PM EST
Sabti, May 05, 2012(HOL): Shirkii Odayaasha Dhaqanka Soomaaliyeed ee aayo-ka-talinta dalka Soomaaliya ayaa maanta ka furay xarunta dugsiga sare ee booliska ee magaalada Muqdisho.

5/5/2012 1:47 PM EST
Waxaa maanta si rasmi ah loo soo saaray magacyada odayaal dhaqameedka soo xulidoona xubnaha ansixindoonta Dastuurka Soomaaliyeed.

5/5/2012 8:21 AM EST
Sabti, May 05, 2012 (HOL) — Xukuumadda Somaliland ayaa sheegtay sababta wefti ka socda Jabuuti looga celiyey xadka ay ahayd Isfahan la’aan weftiga iyo maamulka gobolka Selel, waxaanu sheegay in aanay xukuumadda Somaliland ka war hayn imaanshaha weftiga, taasina ay keentay in laga horjoogsaddo inay gudaha xadka usoo gudbaan.

5/5/2012 8:12 AM EST
Sabti, May 05, 2012 (HOL) — Dajiraha Soomaaliya u fadhiya dalka Iiraan, Khaliif Kadiye Muuse ayaa madaxda dalka Iiraan ka dalbaday inay gacan ka geystaan sidii lagu xasilin lahaa Soomaaliya.

5/5/2012 7:15 AM EST
Sabti, May 05, 2012 (HOL) — Madaxweynaha Soomaaliya, Sheekh Shariif Sheekh Axmed ayaa la sheegay inuu xilkii ka qaaday maareeyaha dekedda Muqdisho, Sayid Cali Macallin Cabdulle oo muddo hal sano ah xilkaas hayay.

5/5/2012 4:30 AM EST
Sabti, May 05, 2012 (HOL) — Ra'iisul wasaaraha xukuumadda Soomaaliya, C/weli Maxamed Cali ayaa ka dalbaday guddoomiyaha maxkamadda ciidamada Qalabka sida ee DKMG ah inuu sida ugu dhaqsiyaha badan xorriyadooda ugu soo celiyo ilaaladiisa qaarkood kuwaasoo u xiran tuhun la xiriira qaraxii ka dhacay horraantii bishii hore Tiyaatarka Muqdisho.

5/5/2012 4:05 AM EST
Sabti, May 05, 2012 (HOL) — Afhayeenka ciidamada milateriga Uganda, Col. Flix Kulayigye ayaa sheegay inay ciidamadooda ku sugan Soomaaliya ee qaybta ka ah howgalka Midowga Afrika ee AMISOM ay ku biiriyeen 17,00 oo askair oo dheeraad ah, taasina ay tirada ciidamadooda ka dhigayso 8,000-askari.

5/5/2012 3:49 AM EST
Sabti, May 05, 2012 (HOL) — Taliyaha ciidamada booliiska Kenya, Mathew Iteera oo Jimcihii shalay saxaafadda kula hadlay magaalada Nairobi ayaa sheegay in amaanka dalkiisa ay khatar ku hayaan boqolaal dhallinyaro Kenyan ah oo lagu soo tababaray Soomaaliya.

5/5/2012 3:26 AM EST
Sabti, May 05, 2012 (HOL) — Ugu yaraan sagaal qof oo dhinacyadii dagaalamay ka tirsan ayaa ku dhintay tiro intaas ka badanna way ku dhaawacmeen dagaal culus oo xalay saqdii dhexe ku dhexmaray degmada Ceelbuur xoogagga Al-shabaab iyo kuwa Ahlusunna Waljamaaca oo ay taageerayaan ciidamada Itoobiya.

5/5/2012 3:16 AM EST
Sabti, May 05, 2012 (HOL) — Xildhibaan Sheekh Aadan Maxamed Nuur (Madoobe) oo shalay kasoo laabtay dalka Itoobiya oo ay safar ku joogeen isaga iyo xildhibaan Maxamed Ibraahim Xaabsade haddana ku sugan degmada Xudur ee gobolka Bakool ayaa sheegay inay wadahadallo hoose kula jiraan xubno ka tirsan Xarakada Al-shabaab.

5/5/2012 3:05 AM EST
Sabti, May 05, 2012 (HOL) — Waxaa lagu wadaa in saacaha soo socda uu ka furmo dugsiga tababarka booliiska ee iskool bulusiyo shir looga hadlayo musqtablka dalka Soomaaliya, kaasoo ay ka qaybgalayaan 135 oday-dhaqameed oo soo xuli doona guddiga ansixinta dastuurka iyo guddiga xulidda xildhibaannada cusub ee baarlamaanka.