11/21/2018
Today from Hiiraan Online:  _
Wararka Maanta- Khamiis, Jun 7 , 2012
Munaasabad qalab Isboorti lagu guddoonsiiyay xulka kubada cagta Gobolka Hiiraan oo lagu qabtay Beledweyne



Khamiis, June 07, 2012 (HOL) — Munasabad kooban oo ay ka soo qeyb-galeen guddiga ciyaaraha gobolka Hiiraan ayaa markii ugu horeysay waxaa agab Sport lagu guddoonsiiyay xulka kubada cagta gobolka Hiiraan.

Agabka la guddoonsiiyay xulka kubada cagta gobollka Hiiraan oo isugu jiray Funaanado dhameystiran, iyo kubadaha lagu cayaaro ayaa ka timid koox lagu magacaabo White Star oo ka dhisan dalka Britian.

Xusseen Aadan Tooxow oo ka wakiil ahaa kooxda agabka soo dhiibtay oo ka hadllay munaasabada ayaa ugu siweyn uga mahad celiyay guddiga Sportiga gobollka Hiiraan dadaalka dheeraad ah oo ay ku bixinayaan sidii dib loogu soo nooleyn lahaa Sportigii gobollka Hiiraan, isaga oo sheegay in qalabkan dhiirigalin weyn u noqon doono xulka kubada cagta gobollka Hiiraan.

"Kaliya ma’aha in kaalmadu intan ku ekaan doonto, sidoo kale waxaa dhawaan soo gaari doona kooxda kubada cagta gobollka Hiiraan qalab kale oo Sport oo hadaba gacanta lagu hayox,’’ ayuu yiri Xuseen Muumin Tooxow.


Waxaa kaloo uu sheegay in qorshuhu yahay dhismaha xarun lagu tababaro sida uu hadalka u dhigay dhalinyarrada da’doodu ka hooseyso ilaa 18 sano, kuwaasoo u baahan in lagu soo bar baraayo cayaaraha.

Max’ed C/llaahi Buraalle ‘Raaxeeye’’ oo ah macalinka xulka kubada cagta gobollka Hiiraan oo agabka guddoomay ayaa uga mahad celiyay kooxda White Star ee ka dhisan dalka Britian deeqda ay soo gaarsiiyeen, waxaana uu intaa ku darray in qalab ay heleen wax weyn ka tiri karo diyaar garow adag oo ay kooxdu ugu jirto sida uu sheegay cayaaraha gobollada la filayo in ay ka furmaan magaalada Muqdisho.

Xassan Xaaji Cumar oo ah guddoomiyaha kubada cagta degmada Beledweyne oo isagana ka hadllay munaasabada ayaa sheegay in qurba joogta looga baahan yahay dhiiri-galin ay u sameeyaan xulka kubada cagta gobollka, si dib loogu soo nooleeyo ayuu yiri taariikhdii uu gobollku ku lahaa guud ahaanba Sprotiga dalka.

Munaasabada oo aheyd mid siweyn looga mahad celiyay kooxda agabka soo dhiibtay ee White Star ayaa qeybihii kale ee ka hadllay waxaa ka mid ahaa odayaal Sport oo uu ka mid ahaa Axmed Warsame C/dulle, waxaana ay dhamaantooda sheegeen in kaalmooyinka noocan oo kale ah sare u qaadi karaan mooralka iyo niyada cayaartooyada iyo gudiga ku howlan dib u soo nooleynta Sportigii gobollka Hiiraan.





C/raxmaan Diini, Hiiraan Online
[email protected]
Beledweyne, Soomaaliya







Click here
6/7/2012 9:29 AM EST
Khamiis, June 07, 2012 (HOL) — Haweeney ayaa ku dhimatay saddex qof oo kalena dhaawacyo ayaa kasoo gaaray qarax goor-dhaweyd ka dhacay bartamaha suuqa degmada Baydhabo ee gobolka Bay.

6/7/2012 9:27 AM EST
Khamiis, June 07, 2012 (HOL) — La-taliyihii hore ee Madaxweyne ku xigeenka Somaliland, Cismaan Siciid Jaamac, ayaa sheegay in cadaalad daro lagula kacay saddexda masuul ee lagu eedeeyey musuqmaasuqa, isla markaana 19 markhaati oo u badnaa booliska aanu midkoona ku cadayn inay kiiskaasi galeen, isagoo xusay in sideedii jireer ee maxkamaddu fadhisatay aan marna lagu sheegin in uu isagu qayb ka ahaa qof sheegayna aanu jirin in lunsigaa raashinka uu isagu ku jiray, xeer ilaalinta lafteeduna sheegtay in aanu ku jirin, waxaanu sheegay in uu aad uga xun yahay xukunka nasiib darada ah ee rajadii laga qabay cadaaladda Somaliland hoos u dhigtay.

6/7/2012 7:21 AM EST
Khamiis, June 07, 2012 (HOL) — Taliyaha guud ee ciidamada AMISOM, Jen. Andrew Gutti ayaa maalintii Talaadada ahayd booqasho gaaban ku tagay degmada Afgooye ee gobolka Shabeellada, halkasoo laba todobaad ka hor ay ciidamada DKMG ah iyo kuwa AMISOM kala wareegeen Al-shabaab.

6/7/2012 7:16 AM EST
Khamiis, June 07, 2012 (HOL) — Sarkaal sare oo u hadlay maamulka Puntland ayaa sheegtay inay weerareen deegaan ay ku xooggan yihiin kooxaha burcadbadeedda ah, ayna halkaas ku dhaawacmeen hoggaamiyihii kooxdaas.

6/7/2012 6:41 AM EST
Khamiis, June 07, 2012 (HOL) — Wararka aynu ka heleyno deegaanada ku yaal galbeedka gobolka Jubada Hoose ayaa sheegaya in diyaaradaha nooca dagaalka ee Helicopterska loo yaqaan oo ay leedahay dowladda Kenya ay duqeymo xooggan ka geysteen deegaano dhowr ah oo hoostaga degmooyinka Badhaadhe iyo Kismaayo ee gobolka Jubada Hoose.

6/7/2012 3:53 AM EST
Khamiis, June 07, 2012 (HOL) — Shirkada isgaarsiinta Hormuud Telecom oo ka mid ah shirkada isgaarsiinta ee ka howlgala Soomaaliya ayaa shalay deeq isugu jirta shidaal iyo jodariyaal gaarsiisay qaar ka mid ah isbitaalada magaalada Muqdisho.

6/7/2012 3:40 AM EST
Khamiis, June 07, 2012 (HOL) — Maamulka Isbitaalka deegaanka Dhoobley ee gobbolka Jubbada Hoose ayaa qeylo dhaan xooggan ka soo saaray adeegyada dhanka caafimaadka ah ee uu isbitaalku u hayo qeybaha kala duwan ee bulshada ku dhaqan magaalada Dhoobley iyo deegaanada ku xeeran.

6/7/2012 3:33 AM EST
Khamiis, June 07, 2012 (HOL) — Danjiraha Soomaaliya ee Midowga Yurub iyo dalka Talyaaniga Nuur Xasan Xuseen (Nuur Cadde) ayaa ku dhaawacmay shil gaari oo ka dhacay magaalada Baraasilis ee xarunta dalka Belgium, kaddib markii gaarigii uu watay uu ku dhacay gaari kale.

6/7/2012 3:24 AM EST
Khamiis, June 07, 2012 (HOL) — Madaxweynaha Soomaaliya, Shariif Sheekh Axmed ayaa sheegay in Soomaaliya ay u baahan tahay nabad iyo dowlad ay shacabku soo doorteen, taasoo uu ku sheegay inay tahay mid lala xisaabtami karo.

6/7/2012 3:09 AM EST
Khamiis, June 07, 2012 (HOL) — Dowladda Mareykanka ayaa sheegtay in 33-milyan oo doollar ay ku bixinayso warbixinnada ku saabsan toddoba sarkaal oo ka tirsan hoggaanka sare ee Al-shabaab, iyadoo tani ay noqonayso markii ugu horreysay oo Mareykanka uu saraakiil Al-shabaab ka tirsan dul-dhigo abaal-marin lacageed.