11/13/2018
Today from Hiiraan Online:  _
Wararka Maanta- Khamiis, Jun 7 , 2012
MADAXWEYNE SHEEKH SHARIIF: "Soomaaliya waxay u baahan tahay Nabad iyo Dowlad ay shacabku soo doorteen"


Khamiis, June 07, 2012 (HOL) — Madaxweynaha Soomaaliya, Shariif Sheekh Axmed ayaa sheegay in Soomaaliya ay u baahan tahay nabad iyo dowlad ay shacabku soo doorteen, taasoo uu ku sheegay inay tahay mid lala xisaabtami karo.

Hadalkan ayuu madaxweynuhu ku sheegay khudbad uu odayaasha dhaqaanka ugu jeediyay shalay oo Arbaco ahayd hoyga ay ka daggan yihiin Muqdisho, isagoo ku boorriyay inay hormuud u noqdaan in Soomaaliya ay fowdada ay ka baxdo.

"Soomaaliya waxay u baahan tahay nabad iyo dowlad ay shacabku soo doorteen, waana mid kusii xiran hadba sida aad idinku u shaqeysaan," ayuu madaxweynuhu u sheegay odayaashii uu la kulmay, isagoo dhinaca kalena sheegay inay xor u yihiin inay soo doortaan ergadii ansixin lahayd dastuurka soona xuli lahayd baarlamaanka cusub.

Madaxweynuhu wuxuu odayaasha ka dalbaday inay tixgelin siiyaan xildhibaanno uu sheegay inay dhaawacmeen, isagoo sidoo kale odayaasha ka codsaday inay tixgelin siiyaan beelaha yaryar ee Soomaaliyeed.

"Waxaa la idinka doonayaa inaad tixgelin siisaan xildhibaanadii la dhibaateeyay iyagoo danta dalka ku howlan, waxaad sidoo kale tixgelisaan beelaha yaryar, waayo ma wanaagsana inaan u kala badsanno sida aan u kala badannahay, waa inaan waxs u qaybsanno si walaalnimo ah," ayuu yiri Sheekh Shariif.

Sheekh Shariif wuxuu odayaasha-dhaqanka u sheegay inay saaran tahay mas’uuliyad weyn taasoo ah inay dalka badbaadiyaan maadaama faraha loo geliyay aayaha ummadda Soomaaliyeed.

Ugu dambeyn, madaxweynuhu wuxuu sheegay in lasoo dhameystiray dastuurka lagana sugayo inay soo xulaan ergadii ansixin lahayd, isagoo xusay in odayaasha aan laga doonayn inay ansixiyaan dastuurka ama ay soo xulaan xildhibaanno, balse ay howshaan qaban doonaan ergooyinka ay soo xulyaan oo noqon doona kuwo ay wakiisheen.

Dhanka kale; madaxweyne Shariif wuxuu ka dalbaday odayaasha inay iska soo xulaan 25-ergo oo noqon doona kuwa xallinaya khilaafaadyada soo dhexgalaya odayaasha, si aan loogu daahin xulidda ergada ansixinta dastuurka iyo soo xulidda baarlamaanka cusub.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/7/2012 9:30 AM EST
Khamiis, June 07, 2012 (HOL) — Munasabad kooban oo ay ka soo qeyb-galeen guddiga ciyaaraha gobolka Hiiraan ayaa markii ugu horeysay waxaa agab Sport lagu guddoonsiiyay xulka kubada cagta gobolka Hiiraan.

6/7/2012 9:29 AM EST
Khamiis, June 07, 2012 (HOL) — Haweeney ayaa ku dhimatay saddex qof oo kalena dhaawacyo ayaa kasoo gaaray qarax goor-dhaweyd ka dhacay bartamaha suuqa degmada Baydhabo ee gobolka Bay.

6/7/2012 9:27 AM EST
Khamiis, June 07, 2012 (HOL) — La-taliyihii hore ee Madaxweyne ku xigeenka Somaliland, Cismaan Siciid Jaamac, ayaa sheegay in cadaalad daro lagula kacay saddexda masuul ee lagu eedeeyey musuqmaasuqa, isla markaana 19 markhaati oo u badnaa booliska aanu midkoona ku cadayn inay kiiskaasi galeen, isagoo xusay in sideedii jireer ee maxkamaddu fadhisatay aan marna lagu sheegin in uu isagu qayb ka ahaa qof sheegayna aanu jirin in lunsigaa raashinka uu isagu ku jiray, xeer ilaalinta lafteeduna sheegtay in aanu ku jirin, waxaanu sheegay in uu aad uga xun yahay xukunka nasiib darada ah ee rajadii laga qabay cadaaladda Somaliland hoos u dhigtay.

6/7/2012 7:21 AM EST
Khamiis, June 07, 2012 (HOL) — Taliyaha guud ee ciidamada AMISOM, Jen. Andrew Gutti ayaa maalintii Talaadada ahayd booqasho gaaban ku tagay degmada Afgooye ee gobolka Shabeellada, halkasoo laba todobaad ka hor ay ciidamada DKMG ah iyo kuwa AMISOM kala wareegeen Al-shabaab.

6/7/2012 7:16 AM EST
Khamiis, June 07, 2012 (HOL) — Sarkaal sare oo u hadlay maamulka Puntland ayaa sheegtay inay weerareen deegaan ay ku xooggan yihiin kooxaha burcadbadeedda ah, ayna halkaas ku dhaawacmeen hoggaamiyihii kooxdaas.

6/7/2012 6:41 AM EST
Khamiis, June 07, 2012 (HOL) — Wararka aynu ka heleyno deegaanada ku yaal galbeedka gobolka Jubada Hoose ayaa sheegaya in diyaaradaha nooca dagaalka ee Helicopterska loo yaqaan oo ay leedahay dowladda Kenya ay duqeymo xooggan ka geysteen deegaano dhowr ah oo hoostaga degmooyinka Badhaadhe iyo Kismaayo ee gobolka Jubada Hoose.

6/7/2012 3:53 AM EST
Khamiis, June 07, 2012 (HOL) — Shirkada isgaarsiinta Hormuud Telecom oo ka mid ah shirkada isgaarsiinta ee ka howlgala Soomaaliya ayaa shalay deeq isugu jirta shidaal iyo jodariyaal gaarsiisay qaar ka mid ah isbitaalada magaalada Muqdisho.

6/7/2012 3:40 AM EST
Khamiis, June 07, 2012 (HOL) — Maamulka Isbitaalka deegaanka Dhoobley ee gobbolka Jubbada Hoose ayaa qeylo dhaan xooggan ka soo saaray adeegyada dhanka caafimaadka ah ee uu isbitaalku u hayo qeybaha kala duwan ee bulshada ku dhaqan magaalada Dhoobley iyo deegaanada ku xeeran.

6/7/2012 3:33 AM EST
Khamiis, June 07, 2012 (HOL) — Danjiraha Soomaaliya ee Midowga Yurub iyo dalka Talyaaniga Nuur Xasan Xuseen (Nuur Cadde) ayaa ku dhaawacmay shil gaari oo ka dhacay magaalada Baraasilis ee xarunta dalka Belgium, kaddib markii gaarigii uu watay uu ku dhacay gaari kale.

6/7/2012 3:09 AM EST
Khamiis, June 07, 2012 (HOL) — Dowladda Mareykanka ayaa sheegtay in 33-milyan oo doollar ay ku bixinayso warbixinnada ku saabsan toddoba sarkaal oo ka tirsan hoggaanka sare ee Al-shabaab, iyadoo tani ay noqonayso markii ugu horreysay oo Mareykanka uu saraakiil Al-shabaab ka tirsan dul-dhigo abaal-marin lacageed.