9/20/2018
Today from Hiiraan Online:  _
Wararka Maanta- Khamiis, Jun 7 , 2012
Talyaha AMISOM oo booqday Degmada Afgooye ee Gobolka Shabeellada Hoose lana hadlay ciidamada AMISOM (SAWIRRO)



Khamiis, June 07, 2012 (HOL) — Taliyaha guud ee ciidamada AMISOM, Jen. Andrew Gutti ayaa maalin ka hor booqasho gaaban ku tagay degmada Afgooye ee gobolka Shabeellada, halkasoo laba todobaad ka hor ay ciidamada DKMG ah iyo kuwa AMISOM kala wareegeen Al-shabaab.

Booqashadan oo ahayd mid saxaafadda laga qariyay ayaa ahayd mid uu taliyayhas AMISOM ugu kuur-galayay xaaladda ammaan ee degmadaas, kaddib markii laga qabsaday Al-shabaab ee ka talin jiray.

"Aad ayaan ugu faraxsanahay howsha aad qabateen waanan ujeedaan," ayuu yiri taliyaha AMISOM oo intaas ku daray. "Inkastoo howlo badan la qabtay hadana weli waxaa idin sugaya howlo kale oo cusub."

Taliyaha ayaa booqday saldhigyada ay ciidamada AMISOM ku leeyihiin duleedyada degmada Afgooye, halkaasoo ahayd goobtii uu ciidamada ku sugan degmadaas kula hadlay.

Degmada Afgooye oo 30-km waqooyi-galbeed kaga beegan Muqdisho ayaa waxaa si buuxda gacanta ugu haya ciidamada dowladda KMG ah iyo kuwa AMISOM, iyadoo dadka degmadaas ku nool ay ka cabanayaan dhac ay ciidamadu u geystaan.

Jen. Gutti ayaa noqonaya taliyihii ugu horreeyay AMISOM oo booqasho ku taga meel ka baxsan magaalada Muqdisho oo ay ciidamada Midowga Afrika gacanta ku hayaan.

Ugu dambeyn, taliyaha ayaa kula dardaarmay ciidamada AMISOM iyo kuwa DF ee ku sugan degmada Afgooye iyo daafaheeda inay adkeeyaan ammaanka, ayna u diyaar-garoobaan howgallo kale oo ka dhan ah Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/7/2012 9:30 AM EST
Khamiis, June 07, 2012 (HOL) — Munasabad kooban oo ay ka soo qeyb-galeen guddiga ciyaaraha gobolka Hiiraan ayaa markii ugu horeysay waxaa agab Sport lagu guddoonsiiyay xulka kubada cagta gobolka Hiiraan.

6/7/2012 9:29 AM EST
Khamiis, June 07, 2012 (HOL) — Haweeney ayaa ku dhimatay saddex qof oo kalena dhaawacyo ayaa kasoo gaaray qarax goor-dhaweyd ka dhacay bartamaha suuqa degmada Baydhabo ee gobolka Bay.

6/7/2012 9:27 AM EST
Khamiis, June 07, 2012 (HOL) — La-taliyihii hore ee Madaxweyne ku xigeenka Somaliland, Cismaan Siciid Jaamac, ayaa sheegay in cadaalad daro lagula kacay saddexda masuul ee lagu eedeeyey musuqmaasuqa, isla markaana 19 markhaati oo u badnaa booliska aanu midkoona ku cadayn inay kiiskaasi galeen, isagoo xusay in sideedii jireer ee maxkamaddu fadhisatay aan marna lagu sheegin in uu isagu qayb ka ahaa qof sheegayna aanu jirin in lunsigaa raashinka uu isagu ku jiray, xeer ilaalinta lafteeduna sheegtay in aanu ku jirin, waxaanu sheegay in uu aad uga xun yahay xukunka nasiib darada ah ee rajadii laga qabay cadaaladda Somaliland hoos u dhigtay.

6/7/2012 7:16 AM EST
Khamiis, June 07, 2012 (HOL) — Sarkaal sare oo u hadlay maamulka Puntland ayaa sheegtay inay weerareen deegaan ay ku xooggan yihiin kooxaha burcadbadeedda ah, ayna halkaas ku dhaawacmeen hoggaamiyihii kooxdaas.

6/7/2012 6:41 AM EST
Khamiis, June 07, 2012 (HOL) — Wararka aynu ka heleyno deegaanada ku yaal galbeedka gobolka Jubada Hoose ayaa sheegaya in diyaaradaha nooca dagaalka ee Helicopterska loo yaqaan oo ay leedahay dowladda Kenya ay duqeymo xooggan ka geysteen deegaano dhowr ah oo hoostaga degmooyinka Badhaadhe iyo Kismaayo ee gobolka Jubada Hoose.

6/7/2012 3:53 AM EST
Khamiis, June 07, 2012 (HOL) — Shirkada isgaarsiinta Hormuud Telecom oo ka mid ah shirkada isgaarsiinta ee ka howlgala Soomaaliya ayaa shalay deeq isugu jirta shidaal iyo jodariyaal gaarsiisay qaar ka mid ah isbitaalada magaalada Muqdisho.

6/7/2012 3:40 AM EST
Khamiis, June 07, 2012 (HOL) — Maamulka Isbitaalka deegaanka Dhoobley ee gobbolka Jubbada Hoose ayaa qeylo dhaan xooggan ka soo saaray adeegyada dhanka caafimaadka ah ee uu isbitaalku u hayo qeybaha kala duwan ee bulshada ku dhaqan magaalada Dhoobley iyo deegaanada ku xeeran.

6/7/2012 3:33 AM EST
Khamiis, June 07, 2012 (HOL) — Danjiraha Soomaaliya ee Midowga Yurub iyo dalka Talyaaniga Nuur Xasan Xuseen (Nuur Cadde) ayaa ku dhaawacmay shil gaari oo ka dhacay magaalada Baraasilis ee xarunta dalka Belgium, kaddib markii gaarigii uu watay uu ku dhacay gaari kale.

6/7/2012 3:24 AM EST
Khamiis, June 07, 2012 (HOL) — Madaxweynaha Soomaaliya, Shariif Sheekh Axmed ayaa sheegay in Soomaaliya ay u baahan tahay nabad iyo dowlad ay shacabku soo doorteen, taasoo uu ku sheegay inay tahay mid lala xisaabtami karo.

6/7/2012 3:09 AM EST
Khamiis, June 07, 2012 (HOL) — Dowladda Mareykanka ayaa sheegtay in 33-milyan oo doollar ay ku bixinayso warbixinnada ku saabsan toddoba sarkaal oo ka tirsan hoggaanka sare ee Al-shabaab, iyadoo tani ay noqonayso markii ugu horreysay oo Mareykanka uu saraakiil Al-shabaab ka tirsan dul-dhigo abaal-marin lacageed.