11/17/2018
Today from Hiiraan Online:  _
Wararka Maanta- Khamiis, Jun 7 , 2012
Diyaaradaha Dagaalka ee dalka Kenya oo duqeymo ka geystay deegaano ka tirsan Gobolka Jubada Hoose


Khamiis, June 07, 2012 (HOL) — Wararka aynu ka heleyno deegaanada ku yaalla galbeedka gobolka Jubada Hoose ayaa sheegaya in diyaaradaha nooca dagaalka ee Helicopterska loo yaqaan oo ay leedahay dowladda Kenya ay duqeymo xooggan ka geysteen deegaano dhowr ah oo hoostaga degmooyinka Badhaadhe iyo Kismaayo ee gobolka Jubada Hoose.

Goobaha ay diyaaraduhu duqeeyeen ayaa waxa kamid ah deegaanada Buuloxaaji, Sedex Lugood iyo Santaaro oo hoostaga degmooyinka Kismaayo iyo Badhaadhe, waxaana la sheegay in duqeymahani ay ahaayeen kuwo xooggan.

Illaa imika ma cada khasaaraha ka dhashay duqeymahaasi, mana jiraan masuuliyiin katirsan dowladda Kenya oo ka hadlay duqeymaha ay diyaaradahooda ka geysteen gobolka Jubada Hoose iyo weliba khasaaraha ka dhashay.

Dhanka Al-shabaab ilaa imika ma jiro wax war ah oo ku aadan duqeymahaasi oo kasoo baxay, waxayna duqeymahani kusoo beegmayaan xilli xiisado dagaal oo aad u xooggan ay ka jiraan gobolka Jubada Hoose.

Duqeymahani ay diyaaradaha Kenya ka geysteen gobolka Jubada Hoose ayaa qeyb ka ah howlgallo ballaaran oo ay iska kaashanayaan ciidamada dowladda KMG iyo kuwa Kenya oo ka socda gobollada Jubooyinka, kuwaasoo looga soo horjeedo xoogagga Al-shabaab ee iyagu gacanta ku haya inta badan degmooyinka Gobollada Jubooyinka.

Xasan Nuur, Hiiraan Online
[email protected]
Kismaayo, Soomaaliya







Click here
6/7/2012 9:30 AM EST
Khamiis, June 07, 2012 (HOL) — Munasabad kooban oo ay ka soo qeyb-galeen guddiga ciyaaraha gobolka Hiiraan ayaa markii ugu horeysay waxaa agab Sport lagu guddoonsiiyay xulka kubada cagta gobolka Hiiraan.

6/7/2012 9:29 AM EST
Khamiis, June 07, 2012 (HOL) — Haweeney ayaa ku dhimatay saddex qof oo kalena dhaawacyo ayaa kasoo gaaray qarax goor-dhaweyd ka dhacay bartamaha suuqa degmada Baydhabo ee gobolka Bay.

6/7/2012 9:27 AM EST
Khamiis, June 07, 2012 (HOL) — La-taliyihii hore ee Madaxweyne ku xigeenka Somaliland, Cismaan Siciid Jaamac, ayaa sheegay in cadaalad daro lagula kacay saddexda masuul ee lagu eedeeyey musuqmaasuqa, isla markaana 19 markhaati oo u badnaa booliska aanu midkoona ku cadayn inay kiiskaasi galeen, isagoo xusay in sideedii jireer ee maxkamaddu fadhisatay aan marna lagu sheegin in uu isagu qayb ka ahaa qof sheegayna aanu jirin in lunsigaa raashinka uu isagu ku jiray, xeer ilaalinta lafteeduna sheegtay in aanu ku jirin, waxaanu sheegay in uu aad uga xun yahay xukunka nasiib darada ah ee rajadii laga qabay cadaaladda Somaliland hoos u dhigtay.

6/7/2012 7:21 AM EST
Khamiis, June 07, 2012 (HOL) — Taliyaha guud ee ciidamada AMISOM, Jen. Andrew Gutti ayaa maalintii Talaadada ahayd booqasho gaaban ku tagay degmada Afgooye ee gobolka Shabeellada, halkasoo laba todobaad ka hor ay ciidamada DKMG ah iyo kuwa AMISOM kala wareegeen Al-shabaab.

6/7/2012 7:16 AM EST
Khamiis, June 07, 2012 (HOL) — Sarkaal sare oo u hadlay maamulka Puntland ayaa sheegtay inay weerareen deegaan ay ku xooggan yihiin kooxaha burcadbadeedda ah, ayna halkaas ku dhaawacmeen hoggaamiyihii kooxdaas.

6/7/2012 3:53 AM EST
Khamiis, June 07, 2012 (HOL) — Shirkada isgaarsiinta Hormuud Telecom oo ka mid ah shirkada isgaarsiinta ee ka howlgala Soomaaliya ayaa shalay deeq isugu jirta shidaal iyo jodariyaal gaarsiisay qaar ka mid ah isbitaalada magaalada Muqdisho.

6/7/2012 3:40 AM EST
Khamiis, June 07, 2012 (HOL) — Maamulka Isbitaalka deegaanka Dhoobley ee gobbolka Jubbada Hoose ayaa qeylo dhaan xooggan ka soo saaray adeegyada dhanka caafimaadka ah ee uu isbitaalku u hayo qeybaha kala duwan ee bulshada ku dhaqan magaalada Dhoobley iyo deegaanada ku xeeran.

6/7/2012 3:33 AM EST
Khamiis, June 07, 2012 (HOL) — Danjiraha Soomaaliya ee Midowga Yurub iyo dalka Talyaaniga Nuur Xasan Xuseen (Nuur Cadde) ayaa ku dhaawacmay shil gaari oo ka dhacay magaalada Baraasilis ee xarunta dalka Belgium, kaddib markii gaarigii uu watay uu ku dhacay gaari kale.

6/7/2012 3:24 AM EST
Khamiis, June 07, 2012 (HOL) — Madaxweynaha Soomaaliya, Shariif Sheekh Axmed ayaa sheegay in Soomaaliya ay u baahan tahay nabad iyo dowlad ay shacabku soo doorteen, taasoo uu ku sheegay inay tahay mid lala xisaabtami karo.

6/7/2012 3:09 AM EST
Khamiis, June 07, 2012 (HOL) — Dowladda Mareykanka ayaa sheegtay in 33-milyan oo doollar ay ku bixinayso warbixinnada ku saabsan toddoba sarkaal oo ka tirsan hoggaanka sare ee Al-shabaab, iyadoo tani ay noqonayso markii ugu horreysay oo Mareykanka uu saraakiil Al-shabaab ka tirsan dul-dhigo abaal-marin lacageed.