12/6/2021
Today from Hiiraan Online:  _
Wararka Maanta- Talaado, Jun 19, 2012
Ciidamadda la-dagaalanka Argagixisadda Somaliland oo xilli habeen-barkii ah howlgal ka sameeyay guri ku yaalla Magaalada Hargeysa

Talaado, June 19, 2012 (HOL) — Ciidamadda gaarka u Tobabaran ee la Dagaalanka Argagixisadda (RRU) ayaa habeen hore Galalafay Guri ku yaalla xaafadda Jig-jiga yar ee degmadda IbraahimKoodbuur, kuwaas oo Dadkii ku noollaa dhamaan dibadda uga soo saaray, isla markaana qol qol u baadhay.

Ciidamada guriga bartilmaameedsaday ayaa guriga Dayrka Sare uga soo daatay habeen badhkii, waxaanay xoog ku jabiyeen albaabadii guriga, kuwaas oo dhamaan dadkii Hurday oo caruur iyo Haween u badnaa dibadda uga soo saaray ilaa inta ay dhamaystiranayeen baadhitaankoodda.

Ilaa hadda lama garanayo sababta dhabta ah ee Qoyskaasi loo bartilmaasaday, waxaanay ciidamaddu soo galeen iyadoo aan haysan wax Waaran maxkamadeed ah oo ay ku baadhaan guriga, taas oo keentay inay caruurtii yaryarayd sasto oo qaylo ku dhuftaan sida ay noo sheegeen waalidka qoyskan.

Haseyeeshee, waxa ay ciidankii guriga ka kaxaysteen saddex qof oo uu ku jira waashmaankii guriga ilaalinayey iyo laba qof oo marti ahaa, inkastoo markii dambe la siidaayey.

" Xilli habeen badh ah ayey guriga u soo daateen waxaanu moodnay Tuug waxaanu u qaylinay saldhiga Booliska, ismaan lahayn waa askar , markii ay guriga soo galeen waa na soo wada saareen aniga iyo laba hablood oo kale , Waashmaankii iyo laba wiil oo kale, gurigii waa rigaaxeen sariirihii, kabadhadii, muraayadihii waa ay jajabiyeen" ayay tidhi Khadra Cabdi oo ka mid ah dadkii deganaa gurigan.

Hodan Xasan Aw Libaax oo ka mid ah qoyska guri leh ayaa sheegtay in si arxandaro ah oo aan wanaagsanayn ay u soo galeen ciidanka wakhti la hurdo " Dumarkii oo aad garanysaan qof hurda oo sariitooda dhex jiifa oo aan Xijaab iyo asturaad wadan ayay albaabaduu nagu wada jabiyeen , waxa aan caqli gal ahayn in dadkii waxaa sameeyay sababtii ay noo baadheen aanay noo sheegin , maxay naga rabaan illa hadda ma garanayno" ayey Hodan Xasan oo sharaxaad ka bixisay hawlka Booliska ku sameeyeen gurigoodda.

"marnaba kumaan seexanin Somaliland oo waxaad ogtahay soo martay,waxaynu wada ognahay soo martay Xaqoodii iyo Noloshoodii iyo Sharafkoodii wax walba u huray ayaa Dulmiga halkaa maanta ka dhacay oo kale gudaheeda ka dhacaya, dulmigaana haddii la qaato kaa I qabsadayna barri ayuu heli doonaa qof kale"ayuu yidhi masuulkii guriga Xasan Aw Libaax. Waxaanu intaas Raaciyey "Habeen badh baa gurigayga loo soo dhacay, Caruurta saamayn badan ayey ku samaysay oo muddo ayey ku jiraysaa, saldhigii booliska ee aan gacantayda ku dhisay lama waydiin waxna "ayuu raaciyey Xasan Aw Libaax oo nin muwaadin ganacsade ah.

Masuulka guriga ay ciidanku habeen badhka baadheen ayaa sheegay in aanu intaas kaga hadheen, haddii ay maxkamaduhu wax ka qaban waydo uu la tiigsan doono maxkamadaha caalamiga ah.

Axmed Ismaaciil Ibraahim (Dheggo) oo ka mid ah qaraabadda qoyskan ayaa sheegay in alaab badani ka maqan yahay guriga, isla markaana saddexdii nin ee la xidhay laba ka mid ah ay maqan yihiin baasabooradoodii iyo cumpurkoodii.

Sidoo kale, Axmed Dhego waxa uu sheegay in Taliyeyaasha ciidanka waydiiyeen sababta guriga loo bartilmaamsaday gurigooda ay kolba wax ku sheegayaan, iyagoo mar sheegay inay ka baadhayeen dad lagu tuhmayo dadkii dhowaan toogtay guddomiyihii maxkamadda gobolka, mar kalena sheegeen in nin Maraykanka ka yimid oo guriga marti ku ahaa looga shakiyey ururadda Xag-jirka ah, haseyeeshee Taliyaha Ciidanka Bileyska Gen: Cabdilaahi Fadal ayaa arrintaasi ku soo koobay hawl-gal Ciidan, isagoo xusay in toddobaadyadii u dambeeyey ay hawl-galadaasi socdeen.

Barkhad-Ladiif M. Cumar
[email protected]
Hargeysa, Somaliland













Click here
6/19/2012 8:33 AM EST
Talaado, June 19, 2012 (HOL) — Wasaaradda gaashaandhigga ee dalka Yemen ayaa sheegtay in ruuxii fuliyay qarax ismiidaamin ah oo lagu dilay taliyaha ciidamada Yemen ee Koonfurta Yemen uu ahaa Soomaali waxyaabaha qarxay isku soo xiray.

6/19/2012 8:16 AM EST
Talaado, June 19, 2012 (HOL) — Madaxda Soomaalida ayaa waxay ku qulqulayaan magaalada Nairobi ee dalka Kenya, halkaasoo lagu wado inuu maalinta Berri ah uga furmo shir ay uga hadlayaan waxyaabihii ka qabsoomay Roadmap-ka iyo sidoo kale heshiiskii ay bishii hore ku gaareen magaalada Addis Ababa ee dalka Itoobiya.

6/19/2012 7:58 AM EST
Talaado, June 19, 2012 (HOL) — Kaddib howlgal ay si wadajira ah uga sameeyeen saacadihii ugu dambeeyay qaybo ka mid ah xaafadaha magaalada Beledweyne ee gobolka Hiiraan ciidamada maamulka iyo kuwa gacanta siinaya ee Itoobiya ayay sheegeen inay kusoo qabqabteen walxaha qarxa iyo rag la tuhunsan yahay inay ka tirsan yihiin Al-shabaab.

6/19/2012 7:37 AM EST
Talaado, June 19, 2012 (HOL) — Ugu yaraan hal qof ayaa ku dhintay iska-horimaad ciidammo kawada tirsan dowladda KMG ah ku dhexmaray maanta degmada Hodan ee gobolka Banaadir, iyadoo sidoo kale maydka qof rayid ah laga helay xaafadda Wajeer ee degmada Kaaraan.

6/19/2012 7:14 AM EST
Talaado, June 19, 2012 (HOL) — Maxkamadda ciidamada DKMG Soomaaliya ayaa ku xukuntay dil toogasho ah askari ka tirsan ciidamada dowladda KMG ah, kaddib markii maxkamadeyntiisu ay ka dhacday degmada Afgooye ee gobolka Shabeellada hoose.

6/19/2012 4:46 AM EST
Talaado, June 19, 2012 (HOL) — Wararka aynu ka heleyno gobolka Gedo ayaa sheegaya in shalay gelinkii danbe dagaal aad u culus oo la isku adeegsaday hubka noocyadiisa kala duwan uu ka qarxay deegaanka Tuulo Barwaaqo oo hoostaga degmada Garbahaareey ee gobolka Gedo.

6/19/2012 4:44 AM EST
Talaado, June 19, 2012 (HOL) — Golaha wasiirrada DKMG ah ee Soomaaliya oo ku yeeshay Muqdisho gallinkii dambe ee shalay kulan aan caadi ahayn ayaa waxay kasoo saareen qodobbo ay ka mid yihiin in maamullo loo sameeyay goobihii laga qabsaday Xarakada Al-shabaab.

6/19/2012 4:26 AM EST
Talaado, June 19, 2012 (HOL) — Madaxweynaha dalka Kenya, Mwai Kibaki ayaa u magacaabay wasiirka gaashaandhigga Kenya, Maxamed Yuusuf Xaaji inuu noqdo sii hayaha xilka wasaaradda ammaanka gudaha iyo xiriirka gobollada ee Kenya, kaddib markii wasiirkii hore ee wasaaraddan uu ku dhintay shil diyaaradeed.

6/19/2012 4:07 AM EST
Talaado, June 19, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, Cabdisamad Macallin Maxamuud oo ah madaxa guddiga ay u saartay dowladda Soomaaliya wadahadallada Somaliland lala yeelanayo ayaa rajo wanaagsan ka muujiyay waxyaabaha laga filayo inay shirkaas kasoo baxaan.

6/19/2012 3:59 AM EST
Talaado, June 19, 2012 (HOL) — Munaasibad lagu xusayey afartan guuradii ka soo wareegtay markii la qoray farta Soomaaliga ayaa xalay lagu qabtay magaalada Minneapolis ee gobolka Minnesota, taasi oo ay ka soo qeybgaleen dad weyne aad u fara badan oo ka kala yimid qeybaha Gobolka, iyadoo sidoo kalana ay goob-joog ka ahaayeen abwaano, hal-abuuro iyo qoraayaal caan ah oo Soomaaliyeed.