3/28/2024
Today from Hiiraan Online:  _
Wararka Maanta- Talaado, Jun 19, 2012
Dowladda Soomaaliya oo ka hadashay Wadahadallada ay la yeelanayso Somaliland ee berri ka furmaya London

Talaado, June 19, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, Cabdisamad Macallin Maxamuud oo ah madaxa guddiga ay u saartay dowladda Soomaaliya wadahadallada Somaliland lala yeelanayo ayaa rajo wanaagsan ka muujiyay waxyaabaha laga filayo inay shirkaas kasoo baxaan.

Dowladda Soomaaliya ayaa u magacowday shirkan inay uga qaybgalaan shan xubnood oo ay ku jiraan saddex wasiir oo kala ah: wasiirka arrimaha gudaha iyo amniga Qaranka, wasiirka arrimaha dibadda, wasiirka hidda iyo tacliinta sare iyo laba xildhibaan.

"Waxaan rajeynayaan in wadahadallada ay kasoo baxaan natiijooyin wanaagsan oo dan u ah Soomaaliya, guddiga aan madaxda u ahay waxay diyaar u yihiin inay London u ambabaxaan," ayuu yiri wasiirka arrimaha dibadda ee Soomaaliya.

Shirkan ayaa waxaa looga hadlayaa arrimo ay ka mid yihiin: siyaasadda, nabadgalyada iyo sidii xiriirka Soomaaliya iyo Somaliland loo hagaajin lahaa, waxaana lagu wadaa inuu maalinta berri ah ka furmo magaalada London ee xarunta dalka Britain.

Guddigii Somaliland ay u saartay inay shirkaas ka qaybgalaan ayaa iyaguna maalin ka hor u ambabaxay London, waxaana guddigaas oo uu guddoominayo wasiirka arrimaha dibadda ee Somaliland, Maxamed Cabdullaahi Cumar ay sheegeen inaysan kala hadli doonin wafdiga dowladda KMG ah la socda arrimo la xiriira midowga dalka Soomaaliya.

Xubnahan dowladda KMG ah u matalaya wadahadallada ayaa la bedelay, iyagoo horay u ahaa toddoba xubnood oo ay ku jireen laba xubnood oo Puntland ka socday balse markii ay diidday Somaliland inay xubnahaas la fariisato ayaa la bedelay, lamana oga go'aanka ay Puntland qaadan doonto.

Wadahadalladan dhexmaraya dowladda Soomaaliya iyo Somaliland ayaa noqonaya kuwii ugu horreeyay oo labada dhinac dhexmara muddo 20-sano ka badan, iyadoo lagu go'aamiyay shirkii bishii Feberaayo ee sannadkan ka dhacay London in DKMG ah iyo Somaliland ay ka hadlaan mustaqbalkooda.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/19/2012 8:33 AM EST
Talaado, June 19, 2012 (HOL) — Wasaaradda gaashaandhigga ee dalka Yemen ayaa sheegtay in ruuxii fuliyay qarax ismiidaamin ah oo lagu dilay taliyaha ciidamada Yemen ee Koonfurta Yemen uu ahaa Soomaali waxyaabaha qarxay isku soo xiray.

6/19/2012 8:16 AM EST
Talaado, June 19, 2012 (HOL) — Madaxda Soomaalida ayaa waxay ku qulqulayaan magaalada Nairobi ee dalka Kenya, halkaasoo lagu wado inuu maalinta Berri ah uga furmo shir ay uga hadlayaan waxyaabihii ka qabsoomay Roadmap-ka iyo sidoo kale heshiiskii ay bishii hore ku gaareen magaalada Addis Ababa ee dalka Itoobiya.

6/19/2012 7:58 AM EST
Talaado, June 19, 2012 (HOL) — Kaddib howlgal ay si wadajira ah uga sameeyeen saacadihii ugu dambeeyay qaybo ka mid ah xaafadaha magaalada Beledweyne ee gobolka Hiiraan ciidamada maamulka iyo kuwa gacanta siinaya ee Itoobiya ayay sheegeen inay kusoo qabqabteen walxaha qarxa iyo rag la tuhunsan yahay inay ka tirsan yihiin Al-shabaab.

6/19/2012 7:37 AM EST
Talaado, June 19, 2012 (HOL) — Ugu yaraan hal qof ayaa ku dhintay iska-horimaad ciidammo kawada tirsan dowladda KMG ah ku dhexmaray maanta degmada Hodan ee gobolka Banaadir, iyadoo sidoo kale maydka qof rayid ah laga helay xaafadda Wajeer ee degmada Kaaraan.

6/19/2012 7:14 AM EST
Talaado, June 19, 2012 (HOL) — Maxkamadda ciidamada DKMG Soomaaliya ayaa ku xukuntay dil toogasho ah askari ka tirsan ciidamada dowladda KMG ah, kaddib markii maxkamadeyntiisu ay ka dhacday degmada Afgooye ee gobolka Shabeellada hoose.

6/19/2012 4:51 AM EST
Talaado, June 19, 2012 (HOL) — Ciidamadda gaarka u Tobabaran ee la Dagaalanka Argagixisadda (RRU) ayaa habeen hore Galalafay Guri ku yaalla xaafadda Jig-jiga yar ee degmadda IbraahimKoodbuur, kuwaas oo Dadkii ku noollaa dhamaan dibadda uga soo saaray, isla markaana qol qol u baadhay.

6/19/2012 4:46 AM EST
Talaado, June 19, 2012 (HOL) — Wararka aynu ka heleyno gobolka Gedo ayaa sheegaya in shalay gelinkii danbe dagaal aad u culus oo la isku adeegsaday hubka noocyadiisa kala duwan uu ka qarxay deegaanka Tuulo Barwaaqo oo hoostaga degmada Garbahaareey ee gobolka Gedo.

6/19/2012 4:44 AM EST
Talaado, June 19, 2012 (HOL) — Golaha wasiirrada DKMG ah ee Soomaaliya oo ku yeeshay Muqdisho gallinkii dambe ee shalay kulan aan caadi ahayn ayaa waxay kasoo saareen qodobbo ay ka mid yihiin in maamullo loo sameeyay goobihii laga qabsaday Xarakada Al-shabaab.

6/19/2012 4:26 AM EST
Talaado, June 19, 2012 (HOL) — Madaxweynaha dalka Kenya, Mwai Kibaki ayaa u magacaabay wasiirka gaashaandhigga Kenya, Maxamed Yuusuf Xaaji inuu noqdo sii hayaha xilka wasaaradda ammaanka gudaha iyo xiriirka gobollada ee Kenya, kaddib markii wasiirkii hore ee wasaaraddan uu ku dhintay shil diyaaradeed.

6/19/2012 3:59 AM EST
Talaado, June 19, 2012 (HOL) — Munaasibad lagu xusayey afartan guuradii ka soo wareegtay markii la qoray farta Soomaaliga ayaa xalay lagu qabtay magaalada Minneapolis ee gobolka Minnesota, taasi oo ay ka soo qeybgaleen dad weyne aad u fara badan oo ka kala yimid qeybaha Gobolka, iyadoo sidoo kalana ay goob-joog ka ahaayeen abwaano, hal-abuuro iyo qoraayaal caan ah oo Soomaaliyeed.