5/19/2019
Today from Hiiraan Online:  _
Wararka Maanta- Axad, Jun 10, 2012
Ciidamada Itoobiya iyo kuwa Ururka Ahlusunna oo isaga baxay degmada Ceelbuur iyo Xoogagga Al-shabaab oo gudaha u galay


Axad, June 10, 2012 (HOL) — Wararka laga helayo degmada Ceelbuur ee gobolka Galguduud ayaa waxay sheegayaan in ciidamadii Itoobiya iyo kuwii Ahlusunna ee ku sugnaa ay saakay isaga baxeen degmadaas, iyadoo ay gudaha u galeen xoogagga Al-shabaab.

Goobjoogayaal ku sugan degmada Ceelbuur ayaa sheegaya in dagaalyahannada Al-shabaab ay ku sugan yihiin xilligan saldhigga degmada, xarunta mamulka iyo goobo kale, waxaana gudaha degmada la maqlayaa rasaas dhacaysa, taasoo la sheegay in xoogagga Al-shabaab ay ku muujinayaan gelitaanka degmadaas.

"Xaaladdu waa daggan tahay, waxaana degmada ku sugan xoogagga Al-shabaab, dadku waxay muujinayaa cabsi," ayuu yiri goobjooge ku sugan degmada, iyadoo la sheegay in xoogaggii horay ugu sugnaa degmadaas ay kala aadeen degmooyinka Dhuuso-mareeb iyo Guriceel.

Inkastoo aan si dhab ah loo ogeyn sababta keentay in ciidamada Itoobiya iyo kuwa Ahlusunna ay isaga baxaan degmada Ceelbuur oo ay laba bilood ka hor Al-shabaab ka qabsadeen ayaa haddana wararka hoose ee la helayo waxay sheegayaan inay uga baxeen saad la'aan.

Guddoomiyaha guddiga sare ee Ahlusunna Waljamaaca, Sheekh Ibraahim Xasan Guureeye ayaa xaqiijiyay inay ciidamadooda iyo kuwa Itoobiya isaga baxeen degmada Ceelbuur ee gobolka Galguduud, isagoo sheegay inay uga baxeen xaalad dagaal.

"Ciidamadeena iyo kuwa Itoobiya kuma laabanayaan degmada Ceelbuur," ayuu yiri Sheekh Ibaahim Guureeye oo ku sugan gobolka Galguduud, isagoo aan sheegin sababta keentay inay dib ugu laaban waayaan.

Mas'uuliyiin ka tirsan Al-shabaab ayaa waxay sheegeen in ciidamadii Itoobiya iyo kuwii Ahlusunna ee degmada Ceelbuur ku sugnaa ay jabeen, ayna wadaan qorshe ay dadka degmadaas kula hadlayaan.

Degmada Ceelbuur oo qiyaastii 100-km dhinaca bari kaga aaddan degmada Dhuuso-mareeb ee xarunta gobolka Galguduud ayaa waxaa sannado badan ka talinaysay Al-shabaab, iyadoo tani ay ka dhigayso in laba bilood kaddib ay gacantooda dib ugu laabato gacanta Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/10/2012 10:07 AM EST
Axad, June 10, 2012(HOL): Shirkii looga hadlayay arrimaha ammaanka iy o nabadgelyada dalalka Geeska Afrika ee ka socday Magaalada Lund ee dalka Sweden ayaa maanta la soo gebagebeeyay, iyadoo uu socday muddo seddex maalmood ah.

6/10/2012 9:36 AM EST
Kulan ay soo qabanqaabisay wasaarada dastuurka Soomaaliya ayaa waxaa isugu yimid gudiga loo saaray dib u habaynta dastuurka oo ay xubno ka yahiin wakiilo ka kala socda saxiixayaasha Roadmapka.

6/10/2012 8:41 AM EST
Axad, June 10, 2012 (HOL) — Guddiga madaxa-bannaan ee dastuur u sameynta Soomaaliya ayaa warsaxaafadeed ay maanta kasoo saareen kulan ay ku yeesheen Muqdisho waxay ku sheegeen in dastuurka uu weli gacantooda ku jiro, ayna bishan 16-keeda u gudbin doonaan qaybaha bulshada si ay talooyin uga bixiyaan.

6/10/2012 8:12 AM EST
Axad, June 10, 2012 (HOL) — Madax dhaqameedka iyo waxgaradka gobolka Awdal, ayaa ku baaqay shir Qaadhaan ururin ah oo loogu gurmanayo dadka ay abaaruhu saameeyeen ee ku dhaqan gobolada Awdal iyo Selel, kuwaas oo bilihii u dambeeyey laga soo sheegayey in xaalad aad u adag oo dad iyo duunyaba ku jiraan ay ka jirto deegaanadaasi.

6/10/2012 7:09 AM EST
Axad, June 10, 2012 (HOL) — Xukuumadda Somaliland, ayaa iska fogaysay inay wax lug ah ku lahayd go’aankii maxkamadda gobolka Hargeysa ka soo baxay ee lagu xukumay masuuliyiintii lagu eedeeyey lunsiga Raashinka Mucaawimadda, taas oo baryihii u dambeeyey xildhibaano ka tirsan Baarlamaanka Somaliland ku eedeeyeen inay xukuumaddu farogalisay kiiskaasi.

6/10/2012 7:07 AM EST
Axad, June 10, 2012 (HOL) — Wafdi uu hoggaaminayo kaaliyaha xogyaha arrimaha dibadda Mareykanka ee arrimaha Afrika, Johnnie Carson ayaa soo gaaray Muqdisho iyagoo kulammo la leh madaxda dowladda KMG Soomaaliya.

6/10/2012 6:40 AM EST
Axad, June 10, 2012 (HOL) — Mas’uuliyiinta ka tirsan maamulka gobollka Hiiraan iyo xubno isugu jira qeybaha bulshada oo ay ka mid yihiin odayaal dhaqameed, ayaa maanta ka dhoofay magaalada Beledweyne ee xarunta gobolka Hiiraan.

6/10/2012 6:35 AM EST
Axad, June 10, 2012 (HOL) — Wasiirka amniga gudaha Kenya Prof George Saitoti iyo kuxigeenkiisa Orda Ojode iyo afar kale ayaa maanta ku dhintay shil diyaaradeed oo ka dhacay Duleedka magaalada Nairobi ee caasimadda dalka Kenya.

6/10/2012 3:45 AM EST
Axad, June 10, 2012 (HOL) — Dowladda Jabuuti ayaa sheegtay inay qayb weyn ka qaadanayso dadaallada caalamka ee lagu doonayo in dib loogu soo celiyo nabaddii iyo kala dambeyntii ka jirtay Soomaaliya kaddib 21-sano oo dagaallo ay ka jireen.

6/10/2012 3:40 AM EST
Axad, June 10, 2012 (HOL) — Saraakiisha hogaamineysa ciidmaada dowladda KMG ee gobolka Gedo ayaa sheegay in dhawaan ay duulaan ku yihiin magaalooyinka Buurdhuubo iyo Baardheere oo ay gacanta ku hayaan xoogagga Al-shabaab.