9/19/2018
Today from Hiiraan Online:  _
Wararka Maanta- Jimco, Jun 1 , 2012
Xaaladda Afmadow oo maanta deggan iyo Isgaarsiinta oo hawada ka maqan


Jimco, June 01, 2012(HOL): Waxaa maanta xaaladda deganaan ah laga dareemayaa magaalada Afmadow oo ay shalay la wareegeen ciidmaada dowladda KMG, Raaskaambooni iyo Militariga Kenya oo iskaashanaya, kadib markii ay isaga baxeen xoogagga Al-shabaab oo iyagu in mudo ah gacanta ku hayay degmadaasi.

Wararka aynu ka heleyno Afmadow ayaa sheegaya in xaaladda ay maanta tahay mid dagan, iyadoona ay gabi ahaanba furanyihiin dhaqdhaqaaqii bulshada, sida ganacsiga, waxbarashada iyo weliba isu socodka dadweeynaha.

Inkastoo xaaladda degmada ay maanta tahay mid dagan ayaa hadana waxaa gabi ahaanba hawada ka maqan isgaarsiintii, oo ay shalay jareen xoogagga isbaheysiga ah ee shalay qabsaday magaalada.

Sidoo kale wararka aynu ka heleyno Afmadow ayaa sheegaya in magaalada ay ka socdaan howlgallo baaritaanno ay oo ay wadaan ciidamada dowladda KMG iyo kuwa Raaskaambooni, waxaana howlgalladaasi ay ciidamadu kusooqabqabteen dhalinyaro fara badan oo lagu eedeeyay in ay la shaqeyn jireen maamulkii Al-shabaab ee ka arimin jiray degmada Afmadow.

Afhayeenka ciidamada dowladda KMG ee Jubooyinka Max'ed Faarax oo warbaahinta la hadlay ayaa sheegay in ay sii socon doonaan howlgallada ka dhanka ah Al-shabaab ee ka soconaya Jubooyinka, isagoona intaa ku daray in hadafkooda uu yahay in ay gacanta ku dhigaan degmooyinka harsan ee gobollada Jubooyinka sida Bu'aale, Jilib, Jamaame iyo Magaalada Kismaayo ee xarunta u ah gobolka Jubada Hoose.

Xasan Nuur, Hiiraan Online
[email protected]
Kismaayo, Soomaaliya







Click here
6/1/2012 7:59 AM EST
Ururka Ahlu Sunna Waljamaaca oo ka taliya qaybo kamid ah deegaannada gobollada dhexe ayaa kasoo horjeestay shirka dhinacyada Soomaalida iyo beesha caalamka uga soconaya magaalada Istanbuul ee dalka Turkiga.

6/1/2012 7:39 AM EST
Jimco, Jun, 01, 2012 (HOL) – Waxaa maanta ka degay garoonka diyaaradaha Ugaas Khaliif ee magaalada Beledweyne cutubkii ugu horeeyay ciidamo ka soda dowladda Jabuuti kuwaasoo qeyb ka noqon doona howlgalka midowgga Africa ‘’AMISOM’’ ee dalka Soomaliya.

6/1/2012 5:18 AM EST
Jimco, June 01, 2012 (HOL) — Afhayeenka Xarakada Al-Shabaab, Sheekh Cali Maxamuud Raage (Sheekh Cali Dheere) ayaa sheegay in qabsashadii degmada Afgooye ee gobolka Shabellaha Hoose ay ku timid isbaysi uu sheegay inay ku doonayaan dalalka masiixiyiinta ah inay ku qabsadaan dhulka muslimiinta.

6/1/2012 5:09 AM EST
Jimco, June 01, 2012 (HOL) — D ay ciidamadu ka joogaan Soomaaliya ayaa laug wadaa inay maalinta berri ah uu shir uga furmo magaalada Addis Ababa ee dalka Itoobiya, kaasoo ay uga hadli doonaan wejiga labaad ee howgalka ay Soomaaliya ka wadaan.

6/1/2012 4:55 AM EST
Jimco, June 01, 2012 (HOL) — Shirka Soomaalida ee dalka Turkiga ka socda oo maanta galay maalintiisii labaad ayaa looga hadlayaa arrimaha siyaasadda iyadoo lagu soo qaadi doono Roadmap-ka, waxaana shirka isaga baxay ergadii ka socotay Somaliland.