9/24/2018
Today from Hiiraan Online:  _
Wararka Maanta- Jimco, Jun 1 , 2012
Afhayeenka Al-shabaab oo sheegay in qabsashadii Afgooye ay qayb ka tahay Duulaan lagu soo qaaday Soomaaliya


Jimco, June 01, 2012 (HOL) — Afhayeenka Xarakada Al-Shabaab, Sheekh Cali Maxamuud Raage (Sheekh Cali Dheere) ayaa sheegay in qabsashadii degmada Afgooye ee gobolka Shabellaha Hoose ay ku timid isbaysi uu sheegay inay ku doonayaan dalalka masiixiyiinta ah inay ku qabsadaan dhulka muslimiinta.

Sheekh Cali Dheere ayaa sheegay in ciidamada AMISOM wixii awood ay hayeen ay isugu geeyeen wax ka yar 10-KM, isla markaana ay ku qabsadeen muddo hal todobaad ah, taasoo uu ku sheegay inay muujinayso awood yaridooda.

"Haddii Soomaaliya loo bar-bar dhigo waqtiga ay ciidamada AMISOM ku qabsadeen Afgooye waxay la micno noqonaysaa in wixii gaal ahaa ay Soomaaliya kusoo duuleen," ayuu yiri Afhayeenka.

Sidoo kale, afhayeenku wuxuu hadalkiisa ku daray in Al-shabaab ay dagaal kula jirto ciidammo Afrikaan ah, Yuhuud iyo NATO, isagoo dagaalkan ku sheegay mid ay dalalka aan islaamka ahayn isugu keeneen awooddooda sidii ay Soomaaliya u qabsan lahaayeen.

"Dagaalladii maalmihii lasoo dhaafay ka dhacay Soomaaliya waxay ka mid yihiin duullaano muddo boqolaal sano ay gaaladu maleegayeen sidii ay Soomaaliya ku qabsan lahaayeen, weerarkan wuxuu ahaa mid lagu doonayo in lagu dumiyo in la isku maamulo diinta Islaamka, hadafkaasna waa fashilmay," ayuu sii Sheekh Cali Dheere.

Ugu dambeyn, wuxuu sheegay in magaalooyinka ay ciidamada AMISOM iyo kuwa Kenya ay kala wareegeen Al-shabaab inaysan isaga gudbi karin, isagoo xusay in ay mar walba ku qaadaan weerarro gaadmo ah oo jidadka ay u galaan si ay u tusaan inaysan guuleysan.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/1/2012 8:02 AM EST
Jimco, June 01, 2012(HOL): Waxaa maanta xaaladda deganaan ah laga dareemayaa magaalada Afmadow oo ay shalay la wareegeen ciidmaada dowladda KMG, Raaskaambooni iyo Militariga Kenya oo iskaashanaya, kadib markii ay isaga baxeen xoogagga Al-shabaab oo iyagu in mudo ah gacanta ku hayay degmadaasi.

6/1/2012 7:59 AM EST
Ururka Ahlu Sunna Waljamaaca oo ka taliya qaybo kamid ah deegaannada gobollada dhexe ayaa kasoo horjeestay shirka dhinacyada Soomaalida iyo beesha caalamka uga soconaya magaalada Istanbuul ee dalka Turkiga.

6/1/2012 7:39 AM EST
Jimco, Jun, 01, 2012 (HOL) – Waxaa maanta ka degay garoonka diyaaradaha Ugaas Khaliif ee magaalada Beledweyne cutubkii ugu horeeyay ciidamo ka soda dowladda Jabuuti kuwaasoo qeyb ka noqon doona howlgalka midowgga Africa ‘’AMISOM’’ ee dalka Soomaliya.

6/1/2012 5:09 AM EST
Jimco, June 01, 2012 (HOL) — D ay ciidamadu ka joogaan Soomaaliya ayaa laug wadaa inay maalinta berri ah uu shir uga furmo magaalada Addis Ababa ee dalka Itoobiya, kaasoo ay uga hadli doonaan wejiga labaad ee howgalka ay Soomaaliya ka wadaan.

6/1/2012 4:55 AM EST
Jimco, June 01, 2012 (HOL) — Shirka Soomaalida ee dalka Turkiga ka socda oo maanta galay maalintiisii labaad ayaa looga hadlayaa arrimaha siyaasadda iyadoo lagu soo qaadi doono Roadmap-ka, waxaana shirka isaga baxay ergadii ka socotay Somaliland.