9/19/2018
Today from Hiiraan Online:  _
Wararka Maanta- Jimco, Jun 1 , 2012
Shirka Soomaalida uga socda Turkiga oo maanta looga hadlayo Siyaasadda iyo Somaliland oo ka baxday


Jimco, June 01, 2012 (HOL) — Shirka Soomaalida ee dalka Turkiga ka socda oo maanta galay maalintiisii labaad ayaa looga hadlayaa arrimaha siyaasadda iyadoo lagu soo qaadi doono Roadmap-ka, waxaana shirka isaga baxay ergadii ka socotay Somaliland.

Maanta ayaa waxay siyaasiyiinta Soomaalida ka doodayaan sidii lagu dhameyn lahaa xiliga KMG-ka ah, sidoo kalena dalka uu uga bixi lahaa qalalaasaha dhinaca siyaasadda ah ee uu muddada dheer kusoo jiray.

Gabgabada shirka ayaa lagu wadaa in lasoo saaro qariidad cusub oo loo asteyn doono sidii wax looga qaban lahaa Soomaaliya illaa 2015-ka, iyadoo lagu wado inay dalalka ka qaybgalaya ballanqaadaan in Soomaaliya la samata-bixiyo.

Ergadii ka socotay Somaliland oo ahaa afar wasiir goobjoogna ka ahaa shirkii shalay ee looga hadlay dhaqaalaha Soomaaliya iyo dib u dhiska ayaa waxay ku dhawaaqeen maanta inay isaga baxeen shirkaas.

"Shirka maanta ma ahan mid innaga na quseeysa, sidaa daraadeed way ka baxeen eradii noo joogtay Istanbuul," ayuu yiri sarkaal sare oo Somaliland ka tirsan, iyadoo shirkan uu noqonayo kii labaad oo looga hadlayo arrimaha Soomalaiya oo ay ka qaybgasho Somaliland.

Xubno ka socda 54-waddan oo dunida ka tirsan ayaa shirkaas ka qaybgalaya, sidoo kale waxaa ku sugan goobta madaxda Soomaalida, iyadoo dunidu ay u muuqato inay isku dayayso in Soomaaliya loo xaalad ka duwan kii ay 20-sano ka badan kusoo jirtay.

Maxmaed Xaaji Xuseen, Hiiraan Online
[email protected]
Muqdisho, Soomaaliya







Click here
6/1/2012 8:02 AM EST
Jimco, June 01, 2012(HOL): Waxaa maanta xaaladda deganaan ah laga dareemayaa magaalada Afmadow oo ay shalay la wareegeen ciidmaada dowladda KMG, Raaskaambooni iyo Militariga Kenya oo iskaashanaya, kadib markii ay isaga baxeen xoogagga Al-shabaab oo iyagu in mudo ah gacanta ku hayay degmadaasi.

6/1/2012 7:59 AM EST
Ururka Ahlu Sunna Waljamaaca oo ka taliya qaybo kamid ah deegaannada gobollada dhexe ayaa kasoo horjeestay shirka dhinacyada Soomaalida iyo beesha caalamka uga soconaya magaalada Istanbuul ee dalka Turkiga.

6/1/2012 7:39 AM EST
Jimco, Jun, 01, 2012 (HOL) – Waxaa maanta ka degay garoonka diyaaradaha Ugaas Khaliif ee magaalada Beledweyne cutubkii ugu horeeyay ciidamo ka soda dowladda Jabuuti kuwaasoo qeyb ka noqon doona howlgalka midowgga Africa ‘’AMISOM’’ ee dalka Soomaliya.

6/1/2012 5:18 AM EST
Jimco, June 01, 2012 (HOL) — Afhayeenka Xarakada Al-Shabaab, Sheekh Cali Maxamuud Raage (Sheekh Cali Dheere) ayaa sheegay in qabsashadii degmada Afgooye ee gobolka Shabellaha Hoose ay ku timid isbaysi uu sheegay inay ku doonayaan dalalka masiixiyiinta ah inay ku qabsadaan dhulka muslimiinta.

6/1/2012 5:09 AM EST
Jimco, June 01, 2012 (HOL) — D ay ciidamadu ka joogaan Soomaaliya ayaa laug wadaa inay maalinta berri ah uu shir uga furmo magaalada Addis Ababa ee dalka Itoobiya, kaasoo ay uga hadli doonaan wejiga labaad ee howgalka ay Soomaaliya ka wadaan.