3/28/2024
Today from Hiiraan Online:  _
Wararka Maanta- Talaado, July 3 , 2012
Safaarada Soomaalida ee magaalada Nairobi oo cambaaraysay weeraradii lagu qaaday Gaarissa
Talaado, July 03, 2012 (HOL) - Danjiraha Soomaaliya u jooga dalka Kenya Maxamed Cali Nuur (Ameeriko) ayaa si kulul u cambaareeyay weeraradii lagu qaaday magaalada Gaarissa ee xarunta gobolka waqooyi bari ee Kenya.

Cali Ameeriko ayaa ku tilmaamay weeraradaas oo ay ku dhinteen 17 qof oo rayid ah, kuwo argagixiso oo ay dawlada Soomaaliya si kulul u cambaaraynayso.
Ameeriko.jpg
Safiirka Soomaaliya u fadhiya dalka Kenya Maxamed Cali Nuur (Ameeriko)


" Waxaan garab taagannahay dawlada Kenya, oo ciidankoodu u dhimanayaan sidii nabad loogu soo celin lahaa Soomaaliya, waxaanan tacsi u diraynaa dawlada Kenya iyo eheladii dadkii ay wax gaareen" ayuu yiri danjiraha Soomaaliya.

Isagoo maantay shir jaraa'id ku qabtay magaalada Nairobi ayaa Cali Ameeriko uu dhanka kalana soo dhaweeyay tallaabadii lagu soo badbaadiyay shaqaalihii ajnabiga ahaa ee laga afduubtay xerada Dhadhaab.

" Shaqaalahaas waxaa soo badbaadiyay ciidanka qalabka sida ee Soomaaliya, waana guul u soo hooyatay dawlada Soomaaliya iyo dadkeedaba.

Safiirka ayaa ballan qaaday in dawlada Soomaaliya ay sii wadayso la dagaallanka argagixisada iyo falalka halista ku ah ammaanka wadamada dariska ah, gaar ahaanna dawlada Kenya.

Axmed C/samad, Hiiraan Online
[email protected]
Nairobi , Kenya












Click here
7/3/2012 9:25 AM EST
Waxaa lagu soo gaba gabeeyay Xabsiga Dhexe ee Xamar Tartan loogu magac daray Todobaadka iyo Xornimada Soomaaliya, kaasoo ay ka qeyb galeen ilaa lix kooxood oo wada ciyaaray ciyaaro is arag ah.

7/3/2012 8:58 AM EST
Talaado, July 03, 2012 (HOL) — Maamulka degmada Yaaqshiid ee gobolka Banaadir ayaa soo bandhigay maanta oo Talaado ah saddex dhallinyaro rag ah oo laba ka mid ah ay xirnaayeen dharka dumarka dhacna u geysanayay dukaan ku yaalla suuqa labaad ee Muqdisho ugu weyn (Suuq Bacaad).

7/3/2012 8:37 AM EST
Talaado, July 03, 2012 (HOL) — Munaasabado si heer sare loosoo agaasimay ayaa si gooni-gooni ah uga kala dhacday degmooyinka degmooyinka Baydhaba, Berdaale, Qasax-dheere iyo deegaanka Daynuunaay oo dhammaantood ka tirsan gobolka Bay.

7/3/2012 7:25 AM EST
Talaado, July 03, 2012 (HOL) — Maamulka tuulada Xiriiro oo ka tirsan gobolka Bari ayaa sheegay in ciidamada badda Puntland ay deegaankaas ku dileen laba qof oo shacab ah, sideed kalena ay ku dhaawacyo u geysteen.

7/3/2012 7:09 AM EST
Talaado, July 03, 2012 (HOL) — Hoggaamiyaha Raas-kambooni oo ka dagaalanta gobollada Jubbooyinka, Sheekh Axmed Maxamed Islaam (Sheekh Axmed Madoobe) ayaa sheegay in ciidamada dowladda KMG, kuwa Raas-kambooni iyo militariga Kenya ay hadda ku jiraan diyaar-garow ballaaran oo ay ku doonayaan inay ku weeraraan goobaha ay ka taliso Xarakada Al-shabaab ee gobollada Jubbooyinka.

7/3/2012 4:19 AM EST
Talaado, July 03, 2012 (HOL) — Hay'adda caawisa qoxootiga ee fadhigeedu yahay dalka Norway (NRC) ayaa sheegtay inay joojinsay howlihii samafalka ahaa ee ay ka wadday xeryaha qoxootiga Dhadhaab ee dalka Kenya, kaddib afduubkii loo geystay afar shaqaalaheeda ka mid ah oo ciidamada DKMG ah iyo kuwa Kenya ay xoog kusoo furteen.

7/3/2012 3:52 AM EST
Talaado, July 03, 2012 (HOL) — Ra'iisul wasaaraha Kenya, Raila Odinga ayaa ku hanjabay in ciidamadooda ku sugan Soomaaliya ay xoojin doonaan dagaalka ay kula jiraan Xarakada Al-shabaab oo uu ku eedeeyay weerarro ka dhacay Gaarisa iyo afduubyada shaqaale gargaar oo ka tirsan hay'adda NRC.

7/3/2012 3:45 AM EST
Talaado, July 03, 2012 (HOL) — Kooxo hubeysan ayaa magaalada Garoowe ee xarunta Puntland ku toogtay xalay taliye ku xigeenkii ciidanka booliiska Puntland, G/sare Cabdullaahi Saalax Nadaalo, iyadoo aan si dhab ah loo ogeyn sababta loo dilay iyo cid dilkiisa ka dambeysay.