4/13/2021
Today from Hiiraan Online:  _
Wararka Maanta- Arbaco, Dec 26, 2012
Guddiga Diiwaan-gelinta oo ku dhawaaqay Xisbiyadii Qaran ee u soo gudbay Xisbinimo iyo kuwii tartanka ku haray


Arbaco, December 26, 2012 (HOL) — Guddida Diiwaan-gelinta ururada iyo ansixinta asxaabta, ayaa maanta si rasmi ah ugu dhawaaqay ururadda u gudbay xisbinimadda iyo ururada hadhay.

Xaflad si weyn loo agaasimay oo lagaga dhawaaqayey xisbiyada gudbay iyo kuwa hadhay, ayaa maanta lagu qabtay hoteel Maasnoor ee magaaladda Hargeysa, waxaana ay guddida diiwaangelinta ururadu sheegeen xisbiyada tobanka sanno ee soo socda doorashooyinka ka qaybgali doona oo ay noqdeen xisbiga KULMIYE, WADANI iyo UCID, halka ay buuxin waayeen shuruudihii laga rabay afar urur siyaasadeed oo ka qaybgalay tartankii doorashadda golaha deegaanka, kuwaas oo kala ah ururka UMMADDA, RAYS, XAQSOOR iyo DALSAN.

Saddexda urur ee ku guulaystay inay u gudbaan saddex xisbi qaran ayaa la gudoonsiiyey shahaadooyinkii ay ku noqonayeen xisbinimo dhab ah, halka qaar ururaddii hadhay ka tirsana la siiyey shahaaddo sharaf ay ku mutaysteen maamul wanaag iyo go’aan qaadasho ay la yimaadeen markii ay arkeen natiijaddii doorashooyinka in aanay u gudbin xisbiyo qaran.

" sidaad wada ogtihiin Jaran-jaro dheer ayaa la soo maray, waxaad ogtihiin in la diwaan geliyay 18 Urur, jaran jaradii labaad waxa ku soo baxay lix Urur iyo saddexdii Xisbi Qaran ee hore u jiray"ayuu yidhi afhayeenka guddida diiwaangelinta ururada iyo ansixinta asxaabta Xasan Macalin oo sharaxayey nidaamkii dheeraa ee ay ururadu ku kala hadhayeen.

"Xisbiga kulmiye wuxuu ka gudbay natiijadii ahayd 20% ee gobolada wadanka , sidaasinu xisbi Qaran ku noqday, Xisbiga Ucid ayaa isna buuxiyay tirada Boqolayda ee codadka Gobolada wadanka, Ururka wadani ayaa isna u gudbay Marxalada Xisbinimo, sida uu qeeyo Xeerka Doorashada ee Ansixinta Asxaabtu"ayuu hadalkiisii ku daray afhayeenku mar uu sharaxayey qaabkay usoo baxeen saddexdan xisbi ee usoo gudbay xisbiyo qaran.

Waxa kale oo uu tilmaamay inay afar urur siyaasadeed halkaasi ku hadheen, waxaana afartaasi kala yihiin "Ururrada Umadda, Dalsan, Rays iyo Xaqsoor uma soo gudbin Xisbiyo Qaran, waanay ku mahadsanyihiin tartankii ay ka soo qayb galeen".

Guddoomiyaha Guddida Diwaan-gelinta Ururada Cabdirisaaq Jaamac Cumar (Cabdirisaaq-Ciyaale) ayaa xusay in doorashada bilaa diiwaangelinta ahi dalka khatar ku keenayso, isla marakana loo baahan yahay in doorashooyinka dambe loo sameeyo diiwaangelin in lagu galo.

Waxa iyaguna shahaado sharaf lagu gudooniiyey ururka DALSAN oo ay sheegeen inuu soo bandhigay wakhtigiid oorashadda nidaam wanaagsan, halka ururka UMMADANA lagu siiyey go’aankii uu ka qaatay natiijadda doorashooyinku markii ay soo baxeen oo uu muujiyey calool adayg iyo go’aan qaadasho dhab ah.

Dhanka kale, markii lagu dhawaaqay waxa mudahaarad ka sameeyey degmadda Axmed Dhagax taageerayaasha ururka XAQSOOR, haseyeeshee wax dhibaato ah kama dhalan mudaharaadkaasi, inkastoo ay xaafadaasi ay kala xidheen.

Si kastaba ha ahaatee, waxa shahaadooyinkii xisbinimo la siiyey saddex xisbi ee usoo gudbay xisbinimada, waxaana si fiican u kala miirantay xisbiyaddii, iyagoo intii hore ahaa ku meel gaadh, balse maanta wixii ka dambeeya si rasmi ah ay kaalintoodii u qaadan doonaan xisbiyada mucaaradka ah ee soo baxay, waxaana mudooyinkii u dambeeyey dalka aan ka jirin wax xisbi mucaarad ah, isla markaana sugayeen inay si rasmi ah u noqdaan xisbi dhab ah, maadaama oo xisbiyada iyo ururadda laftoodu uu tartan ka dhexeeyey oo mid waliba ku dadaalayey inuu noqdo xisbi dhab ah oo la siiyo shahaadada xisbinimo.

Barkhad-Ladiif M. Cumar, Hiiraan Online
[email protected]
Hargeysa, Somaliland












Click here
12/26/2012 8:07 AM EST
Arbaco, December 26, 2012 (HOL) — Hay'adda samafalka ee SADO oo ka mid ah hay'adaha samafalka ee ka howgala gobolka Gedo ee Koonfurta Soomaaliya ayaa howlo nadaafadeed kawadday maalmahan degmada Baardheere ee gobolka Gedo.

12/26/2012 7:57 AM EST
Arbaco, December 26, 2012 (HOL) — Sannadkan dhammaadka ah ee 2012 ayaa la sheegay in dalka Koonfur Afrika lagu dilay tiradii ugu badnayd oo Soomaali ah, kuwaasoo qaarkood lagu dhex-dilay goobahooda ganacsiga oo ku yaalla meelo ka baxsan magaalooyinka waaweyn.

12/26/2012 7:10 AM EST
Arbaco, December 26, 2012 (HOL) — Saraakiisha maamulka gobollka Hiiraan iyo kuwa Jabuuti ee howlgalka midowgga Africa ayaa ugu baaqay in ay sida ugu dhaqsiyaha badan uga guuraan dadka degan xeriyihii hore ee militariga magaalada Baladweyne.

12/26/2012 6:54 AM EST
Arbaco, December 26, 2012 (HOL) — Xidhibaannada Baarlamaanka Soomaaliya ayaa maanta diiday inay meel-mariyaan miisaaniyada ay xukuumaddu ku shaqeynayso sannadka soo socda ee 2013, taasoo uu baarlamaanku ka doodayay saddexdii maalmood ee lasoo dhaafay.

12/26/2012 6:35 AM EST
Arbaco, December 26, 2012 (HOL) — Maamulka gobolka Bay ee dowladda Soomaaliya ayaa xabsiga kasii daayay sarkaal u shaqeynayay hay'adda beeraha iyo cunnada adduunka ee FAO kaasoo muddo laabatan sano ah u xirnaa maamulka oo sheegay inay uga shakiyeen inuu gacan-saar la leeyahay Al-shabaab.

12/26/2012 6:08 AM EST
Arbaco, December 26, 2012 (HOL) — Ciidamada booliiska Soomaaliya iyo booliiska AMISOM ayaa maanta howgallo wadajir ah oo ay ku qabqabteen kooxo hubeysan ka sameeyay degmada Xamarweyne ee gobolka Banaadir, iyadoo kooxihii howgalka lagu qabtay la sheegay inay ku jireen rag ku labisan dharka ciidamada dowladda.

12/26/2012 5:51 AM EST
Arbaco, December 26, 2012 (HOL) — Wasiirka Maaliyadda Somaliland Mr:Cabdicasiis Maxamed Samaale ayaa maanta golaha wakiiladda u qaybiyey miisaaniyadda sanadkan 2013 oo uu sheegay inay tii sanadkii hore ka badan tahay 17%, isla markaana ay ku jirto mashaariic horumarineed oo dalka laga hirgalin doonno.

12/26/2012 4:39 AM EST
Arbaco, December 26, 2012 (HOL) — Ciidamo tiro badan oo ka tirsan Booliska Kenya ayaa lagu soo daadiyay xaafadda ay Soomaalidu ku badantahay ee Islii, waxayna ciidamadani dadka weydiinayaan sharci, iyagoona qabanaya qofkii aan sharci lahayn iyo weliba dadka wata sharciga qaxootiga.

12/26/2012 1:26 AM EST
Arbaco, December 26, 2012 (HOL) — Madaxweyne Xasan Sheekh Maxamuud oo dib ugu soo laabtay Muqdisho kaddib safarro uu ku tagay dallaka Kenya iyo Uganda ayaa sheegay in madaxda Kenya ay kala hadleen ilaalinta dadka Soomaaliyeed iyo hantidooda.

12/26/2012 1:11 AM EST
Arbaco, December 26, 2012 (HOL) — Dowladda Soomaaliya ayaa sheegtay inay caafis u fidinayso dhallinyarada kasoo goosta Ururka Al-shabaab, iyadoo dowladdu aysan sheegin muddo cayiman oo uu ku eg’yahay cafiska ay u fidinayso dagaalyahannada kasoo goosta Al-shabaab.