3/28/2024
Today from Hiiraan Online:  _
Wararka Maanta- Jimco, Aug 24, 2012
Kooxo Bastoolado ku hubeysan oo Xalay Macallin Dugsi ku dilay Degmada Wadajir ee Gobolka Banaadir
Jimco, Ogoosto 24, 2012 (HOL) — Kooxo Hubeysan ayaa xalay degmada Wadajir ee gobolka Banaadir ku dilay macallin dugsi Qu'raan oo si weyn looga yaqaan deegmadaas; iyadoo aan la ogeyn sababta loo dilay macallinkaas iyo kooxaha dilkiisa ka dambeeyay.

Maamulka degmada Wadajir ayaan weli wax hadal ah kasoo saarin dilkaas, inkastoo ciidamada degmada ay qabqabteen dad dhowr ah oo ay ku eedeynayaan inay wax ka ogaadeen dilka loo geystay macallinka sugsi Qur'aanka.

Goobjoogayaal ayaa sheegay in dableyda dilka geystay ay ahaayeen saddex ruux oo dhalinyaro ah, kuwaasoo macallinka si gaadmo ah ku dilay xilli laga soo baxay salaaddii Cishaha, waxayna dhowr xabbadood kaga dhiftay qeybaha sare ee jirkiisa.

Dableyda ayaa goobta ka baxsaday, iyadoo aan la ogeyn halka ay u baxsadeen iyo cid ay ka tirsanaayeen, waxaana falkan uu qayb ka noqonayaa falal dilal ah oo tan iyo billowgii sannadkan ka dhacayay gudaha degmada Wadajir ee gobolka Banaadir.

"Ciidammo badan ayaa goobta yimid dilka kaddib waxayna amar ku bixiyeen in la xiro goobaha ganacsiga, xalaadduna waxay noqotay mid bandow ah," ayuu yiri ganacsade ku sugnaa halka uu dilku ka dhacay meel ku dhow.

Degmada Wadajir oo ka mid ahayd degmooyinka ugu nabadoon Muqdisho intii ay Al-shabaab ka talinayeen inta badan degmooyinka caasimadda Soomaaliya ayaa hadda isku bedeshay meesha ugu ammaanka daran, waxaana degmadaas ku nool shacab aad u fara badan.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
8/24/2012 10:52 AM EST
Jimco, Ogoosto, 24, 2012 (HOL ) – Ardayda wax ka barata Jaamacadaha ku yaala Soomaaliland hasse ahaatee ka soo jeeda gobollka Hiiraan ayaa markii ugu horeysay waxaa ay qalab wax barasho guddoonsiiyeen Jaamacada Hiiraan University ee magaalada Baladweyne.

8/24/2012 5:00 AM EST
Jimco, Ogoosto 24, 2012 (HOL) — Madaxweynaha Soomaaliya, Shariif Sheekh Axmed ayaa la kulmay odayaasha dhaqanka Soomaaliyeed ee xidhibaannada soo xulay, kuwaasoo ku eedeeya guddiga farsamada inay iska tuureen xubnihii ay soo xuleen ayna qorteen kuwo ay iyagu doonayaan.

8/24/2012 4:48 AM EST
Jimco, Ogoosto 24, 2012 (HOL) — Guddiga qabanqaabada doorashada guddoonka sare ee baarlamaanka Soomaaliya ayaa sheegay inay maanta ku eg-tahay qabashada araajida murashaxiinta u taagan xilka guddoomiyaha baarlamaanka iyo ku xigeennadiisa.

8/24/2012 4:42 AM EST
Jimco, Ogoosto 24, 2012 (HOL) — Xukuumadda Itoobiya ayaa sheegtay in maydka ra'iisul wasaarihii hore ee Itoobiya, Meles Zenawi la aasi doono toddobaad kaddib, iyadoo dadweynaha dalkaas loo ogolaaday inay maydka ku booqdaan qasriga Qaranka dalkaas si ay u sagootiyaan.

8/24/2012 4:41 AM EST
Jimco, Ogoosto 24, 2012 (HOL) — Waxaa xalay fiidkii gubtey markab ku xirnaa dekedda magaalada Boosaaso, markabka gubtey oo ahaa mid yar laguna magacaabi jirey Benderqasim-2, waxaa iska lahayd shirkadda Xidig, wuxuuna sidey shixnad shidaal ah oo uu dalka Yemen ka keenay.

8/24/2012 4:37 AM EST
Jimco, Ogoosto 24, 2012 (HOL) — Eeyo qaba cudurka raabiyada ayaa dad ka badan 10-qof ku dhaawacay deegaanka Buulo-mareer ee gobolka Shabellada hoose sida ay sheegeen dad goobjoogayaal ah oo ku sugan deegaankaas, waxaana dadka ay soo gaareen dhaawacyada qaarkood la sheegay inay aad ula xanuunsanayaan dhaawacyadii gaaray.