11/27/2020
Today from Hiiraan Online:  _
Wararka Maanta- Isniin, Mar 17, 2008
Ciidamo Itoobiyaan ah oo la wareegay gacan ku heynta Degmada Diinsoor


Isniin,  March 17, 2008(HOL): Ciidamo Itoobiyaan ah oo aad u hubeysan ayaa lagu soo waramayaa in ay saaka waaberigii gaareen Degmada Diinsoor ee Gobolka Bay, halkaasi oo horay loogala wareegay Ciidamo ka amar qaata Dowladda Federaalka Soomaaliya.
 
Ciidamadan Itoobiyaanka ah ayaa la sheegay in markii ay gaareen Degmada Diinsoor ay fariisimo ka sameysteen gudaha iyo daafaha Degmada, iyagoo sidoo kalena howlgallo ka sameeyay gudaha Degmada, isla markaana kaxeystay mid ka mid ah Oday Dhaqameedyada sida weyn looga yaqaano Degmadaas, kaasi oo aan ilaa iyo haatan la ogeyn meel ay la aadeen Ciidamada Itoobiyaanka.
 
Degmada Diinsoor ee Gobolka Bay ayaa waxaa gacan ku heynteeda dhawaan la wareegay Xoogag ka tirsan Dhaqdhaqaaqa AlShabaab, kuwaasi oo uu horkacayay Afhayeenka Alshabaab Shiikh Mukhtaar Roobow Abuu Mansuur oo weliba dharaar cad bartamaha Degmada Diinsoor ugu qudbeeyay dadka Degmadaas.
 
Markii ay Xoogagga Alshabaab la wareegeen gacan ku heynta Degmada Diinsoor ayay Ciidamo ka amar qaata Dowladda Federaalka iyo weliba mas’uuliyiintii Degmadaas ku sugnaa halkaas isaga baxeen iyagoo u baqoolay dhinaca Degmada Baydhabo oo weli fariisin KMG ah u ah Baarlamaanka Federaalka Soomaaliya.
 
Lama oga in ay Ciidamadan Itoobiyaanka ah ku sii negaan doonaan Degmada Diinsoor iyo in ay isaga bixi doonaan, waxaase jirta cabsi ay Dadka Degmadaas ka qabaan inay dhaco dagaal dhexmara Ciidamada Itoobiyaanka ah ee saaka soo gaaray iyo weliba Xoogaggii Shabaabka oo ay dhici karto in ay weerar ku soo qaadaan Ciidamada Itoobiyaanka.
 
Si kastaba arrintu ha ahaatee, Xoogagga la dagaalama Ciidamada Dowladda Federaalka Soomaaliya iyo kuwa Itoobiya ayaa waxay bilaabeen in ay weerarro ku qaadaan, isla markaana ay waqti kooban qabsadaan fariisimada Ciidamada Dowladda Federaalka ee ku yaala Gobollada Bay, Bakool, Hiiraan iyo Shabeelaha Hoose.
 
Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/17/2008 12:31 PM EST
Isniin, March 17, 2008(HOL): 9 Ruux ayaa geeriyootay, tiro kale oo intaas ka badanna dhaawac ayaa soo gaaray kadib markii uu maanta dagaal ku dhexmaray labo maleeshiyo Beeleed Bariga Magaalada Gaalkacyo ee Gobolka Mudug.

3/17/2008 12:12 PM EST
Isniin, March 17, 2008(HOL): Shir shalay iyo maanta gelinkii hore uga socday Magaalada Muqdisho Ra’iisal Wasaare Nuur Cadde iyo Guddiga Ammaanka Qaranka ayaa gunaanadkii shirkaas waxaa ka soo baxay go’aanno ku saabsan dib u heshiisiinta iyo sugidda Nabadgelyada Muqdisho.

3/17/2008 12:11 PM EST
Isniin, 17 March 2008 (HOL)- Xukuumadda Somaliland ayaa mar kale ku baaqday in dalka oo dhan laga sameeyo isu soo bax ballaadhan oo roob-doon ah iyo saddex maalmood oo Soon ah, kadib markii abaarta dalka ka jirtaa ay sii daba-dheeraatay, isla markaana ay ku baahdey qaybo badan oo dalka ka mid ah.

3/17/2008 6:41 AM EST
Isniin, March 17, 2008(HOL): Rag Bastoolado ku hubeysan ayaa maanta waxay toogteen ku xigeenkii Taliyaha Ciidamada Nabadsugidda Degmada Afgooye, kaasi oo lagu magacaabi Jiray C/qaadir Jibriil Cali.

3/17/2008 5:49 AM EST
Isniin, March 17, 2008(HOL): Qiimaha lagu kala iibsado raashinka quutul daruuriga ah iyo shidaalka ayaa waxaa ku yimid sare u kac aad u weyn, kaasi oo si weyn u saameeyay dadka aan dhaqaalaha buuran lahayn ee nolol maalmeedka la dagaalama.

3/17/2008 5:48 AM EST
Isniin, March 17, 2008(HOL): Gudoomiyihii hore ee Degmadda Beledweyne Axmed Gobey Cawaale ayaa heenimadii xalay waxaa ay kooxo hubeysan ku dileen Deegaanka Ceel-dheer oo 5km u jira Degmadda Gure-ceel ee Gobalka Gal-gaduud kadib markii kooxo hubeysan ay kala tageen Mas'uulka gaarigii uu la socday.

3/17/2008 5:46 AM EST
Isniin, March 17, 2008(HOL): Taliye ku xigeenka Ciidanka Booliska Gobolka Shabeelaha Hoose Nuuriye Cali Faarax ayaa jawaab ka bixiyay hadal saxaafadeed uu shalay sii daayay Guddoomiyaha Gobolka Banaadir, ahna Duqa Magaalada Muqdisho Maxamed Cumar Xabeeb (Maxamed Dheere).

3/17/2008 5:45 AM EST
Isniin, March 17, 2008(HOL): Guddoomiyaha Degmada Huriwaa Cumar Cabdulle Axmed ayaa shaaca ka qaaday in maamulka Degmadiisa uusan hoos-tegin maamulka Gobolka Banaadir, isla markaana ay degmadiisa ka go’day Gobolkaas.

3/17/2008 5:43 AM EST
Isniin, March 17, 2008(HOL): Madaxweynaha Somaliland, Md. Daahir Riyaale Kaahin ayaa la sheegay inuu guddi saddex xubnood ah u magacaabay khilaafka u dhexeeya xubnaha Komishanka Doorashooyinka Qaranka, kadib markii Guddoomiyaha Komishanku dhowaan u gudbiyey Madaxweynaha qoraal uu ku dalbanayo in la soo beddelo xubin ka mid ah Komishanka oo ah xubintii uu soo xulay xisbiga Mucaaridka ah ee UCID oo Lixda xubnood ee kale ee Komishanku ay isku raaceen in aanay wada shaqayn karin xubintaas.