11/27/2020
Today from Hiiraan Online:  _
Wararka Maanta- Isniin, Mar 17, 2008
Madaxweynaha Somaliland oo Guddi u magacaabay xallinta khilaafaadka Guddiga Doorashooyinka


Isniin,  March 17, 2008(HOL): Madaxweynaha Somaliland, Md. Daahir Riyaale Kaahin ayaa la sheegay inuu guddi saddex xubnood ah u magacaabay khilaafka u dhexeeya xubnaha Komishanka Doorashooyinka Qaranka, kadib markii Guddoomiyaha Komishanku dhowaan u gudbiyey Madaxweynaha qoraal uu ku dalbanayo in la soo beddelo xubin ka mid ah Komishanka oo ah xubintii uu soo xulay xisbiga Mucaaridka ah ee UCID oo Lixda xubnood ee kale ee Komishanku ay isku raaceen in aanay wada shaqayn karin xubintaas.

Sida uu qoray Wargeyska Saxansaxo ee ka soo baxa Hargeysa, Madaxweyne Riyaale waxa uu u magacaabay inay soo baadhaan khilaafkaas, Kuxigeenka Xeer Ilaaliyaha Guud ee Qaranka ee Gobolka Hargeysa, Aadan Xera-dhiig, Guddoomiyaha Hay;adda Shaqaalaha, Cabdiraxmaan Ismaaciil Xuseen (Cadami) iyo Wasiirkii hore ee Madaxtooyada, haatanna ah La-taliyaha Madaxweynaha ee arrimaha Bulshada, mudane Nuux.

Lama sheegin hawsha Madaxweyne Riyaale u saaray guddidaasi. Hase yeeshee, Xisbiga UCID oo jawaab qoraal ah ka bixiyey go’aanka Guddida Komishanku shaqada kaga joojiyey xubinta Komishanka, Mr. Axmed X. Daahir Bidaar ayaa tilmaamay in dariiqa loo marayo shaqo ka saarista Xubin Komishanka ka midka ah ay tahay sida uu dhigayo qodobka 13aad ee Xeer No. 20/2001, xeerka Doorashooyinka Deegaanka iyo Madaxtooyada oo uu ku dhisan yahay Komishanka Doorashooyinku, kaas oo tilmaamaya in xubinta Komishanka ee shaqada laga saarayo xubnaha kale ee Komishanku ay u qorayaan Madaxweynaha, Madaxweynuhuna uu u saarayo Guddi soo baadha arrinta, kadibna marka guddidaasi talobixin ku celiso Madaxweynaha haddii uu go’aamiyo in xubintaas shaqada laga saaro ama la beddelo uu u gudbinayo markaa Golaha Wakiillada oo cod u qaadaya, isla markaana ku ogolaanaya ama ku diidaya shaqo ka saarista xubintaas cod haldheeri ah (Simple Majority).

Waxaana la filayaa in Madaxweyne Riyaale uu guddidan u magacaabay inay ka soo talabixiyaan eedaynta xubintaas iyo khilaafka u dhexeeya xubnaha Komishanka, bilowna ay u tahay dariiqa loo marayo codsiga Guddoomiyaha Komishanku ku soo dalbaday in xubintaa la soo beddelo.

Xubin ka mid ah Komishanka Doorashooyinka ayaa ka aragti duwanaaday xubnaha kale ee Guddida, isaga oo marar badan cambaareeyey xubnaha kale ee Komishanka iyo xukuumaddaba oo uu ku eedeeyey in aanay daacad ka ahayn in doorashadu qabsoonto wakhtiga loogu talagalay, khilaafkaas oo muddo soo jiitamayey, waxa uu sababay aakhirkii in guddoomiyaha Komishanku uu shaqada ka joojiyo xubintaas.

Barkhad M. Kaariye  Hiiraan Online
[email protected]
Hargeysa, Somaliland













Click here
3/17/2008 12:31 PM EST
Isniin, March 17, 2008(HOL): 9 Ruux ayaa geeriyootay, tiro kale oo intaas ka badanna dhaawac ayaa soo gaaray kadib markii uu maanta dagaal ku dhexmaray labo maleeshiyo Beeleed Bariga Magaalada Gaalkacyo ee Gobolka Mudug.

3/17/2008 12:12 PM EST
Isniin, March 17, 2008(HOL): Shir shalay iyo maanta gelinkii hore uga socday Magaalada Muqdisho Ra’iisal Wasaare Nuur Cadde iyo Guddiga Ammaanka Qaranka ayaa gunaanadkii shirkaas waxaa ka soo baxay go’aanno ku saabsan dib u heshiisiinta iyo sugidda Nabadgelyada Muqdisho.

3/17/2008 12:11 PM EST
Isniin, 17 March 2008 (HOL)- Xukuumadda Somaliland ayaa mar kale ku baaqday in dalka oo dhan laga sameeyo isu soo bax ballaadhan oo roob-doon ah iyo saddex maalmood oo Soon ah, kadib markii abaarta dalka ka jirtaa ay sii daba-dheeraatay, isla markaana ay ku baahdey qaybo badan oo dalka ka mid ah.

3/17/2008 6:44 AM EST
Isniin, March 17, 2008(HOL): Ciidamo Itoobiyaan ah oo aad u hubeysan ayaa lagu soo waramayaa in ay saaka waaberigii gaareen Degmada Diinsoor ee Gobolka Bay, halkaasi oo horay loogala wareegay Ciidamo ka amar qaata Dowladda Federaalka Soomaaliya.

3/17/2008 6:41 AM EST
Isniin, March 17, 2008(HOL): Rag Bastoolado ku hubeysan ayaa maanta waxay toogteen ku xigeenkii Taliyaha Ciidamada Nabadsugidda Degmada Afgooye, kaasi oo lagu magacaabi Jiray C/qaadir Jibriil Cali.

3/17/2008 5:49 AM EST
Isniin, March 17, 2008(HOL): Qiimaha lagu kala iibsado raashinka quutul daruuriga ah iyo shidaalka ayaa waxaa ku yimid sare u kac aad u weyn, kaasi oo si weyn u saameeyay dadka aan dhaqaalaha buuran lahayn ee nolol maalmeedka la dagaalama.

3/17/2008 5:48 AM EST
Isniin, March 17, 2008(HOL): Gudoomiyihii hore ee Degmadda Beledweyne Axmed Gobey Cawaale ayaa heenimadii xalay waxaa ay kooxo hubeysan ku dileen Deegaanka Ceel-dheer oo 5km u jira Degmadda Gure-ceel ee Gobalka Gal-gaduud kadib markii kooxo hubeysan ay kala tageen Mas'uulka gaarigii uu la socday.

3/17/2008 5:46 AM EST
Isniin, March 17, 2008(HOL): Taliye ku xigeenka Ciidanka Booliska Gobolka Shabeelaha Hoose Nuuriye Cali Faarax ayaa jawaab ka bixiyay hadal saxaafadeed uu shalay sii daayay Guddoomiyaha Gobolka Banaadir, ahna Duqa Magaalada Muqdisho Maxamed Cumar Xabeeb (Maxamed Dheere).

3/17/2008 5:45 AM EST
Isniin, March 17, 2008(HOL): Guddoomiyaha Degmada Huriwaa Cumar Cabdulle Axmed ayaa shaaca ka qaaday in maamulka Degmadiisa uusan hoos-tegin maamulka Gobolka Banaadir, isla markaana ay degmadiisa ka go’day Gobolkaas.