2014-11-20
Today from Hiiraan Online:  _
Wararka Maanta- Sabti, Mar 2 , 2013
Madaxweynaha Soomaaliya oo Khudbad ka jeediyay Munaasabadii Furitaanka Kalfadhigii Labaad ee Baarlamaanka (SAWIRRO)



Sabti, Maarso 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta furay kal-fadhigii labaad ee baarlamaanka Somalia isagoo khudbad dhinacyo badan taabanaysay ka jeediyay munaasabad loogu talo-galay in lagu furo kalfadhigan.

Munaasabadda ayaa waxaa goobjoog ka ahaa ra’iisul wasaaraha Soomaaliya iyo xubno ka tirsan golihiisa wasiirrada, guddoomiyaha maxkamadda sare, siyaasiyiin caalami ah iyo fannaaniin.

Madaxweyne Xasan Sheekh ayaa ugu horreyn tacsi u diray xildhibaannadii geeriyooday ee baarlamaanka Soomaaliya, kaddibna wuxuu baarlamaanka ugu hambalyeeyay howlihii ay baarlamaanku qabteen tan iyo markii lasoo xulay, isagoo sheegay inay muujiyeen dadaal dheeraad ah.

Sidoo kale, madaxweynaha Soomaaliya wuxuu sheegay in dowladda ay ku guuleysatay iinay adkeyso xiriirka kala dhexeeya caalamka, isagoo xusay in dib loosoo celiyay karaamadii ay Soomaaliya ay dunida ku lahayd.

Arrimaha federaalka iyo ammaanka ayuu ka hadlay, isagoo sheegay inay ka go’an tahay dowladda inay federaalka ku baahiso dalka oo dhan sidoo kalena aysan aqbali doonin wax ka horimaanaya dastuurka federaalka, ayna kasoo saari doonaan go’aannno cad-cad sidii loo hirgelin lahaa nidaamka federaalka.

Mar uu ka hadlay ammaanka ayuu sheegay in sugidda ammaanka Muqdisho horumar weyn laga gaaray, sidoo kalena ay ciidamada dowaldda iyo kuwa AMISOM ay gobollada dalka ka gaareen horumar la taaban karo.

Madaxweynuhu wuxuu sheegay inay meel wanaagsan marayso dhismaha ciidamada Soomaaliya isla markaana uu socdo abaabulkii ugu dambeeyay ee lagu soo celinayo awoodda ciidamada dowladda Soomaaliya.

Dhanka kale, madaxweynuhu wuxuu ka hadlay xiriirka Soomnaaliya kala dhexeeya dalalka dariska ah, isagoo soo qaatay xiriirka kala dhexeeya dalka Kenya, isagoo sheegay inay uga mahadceliyay sidii Kenya ay u ixtiraamtay shacabka Soomaaliyeed ee dalkeeda ku nool.

Isagoo muujiyay in doorashooyinka Kenya ka dhacaya maalinta Isniinta ah ay kusoo dhamaadaan guul kusoo dhamaadaan iyadoo aysan wax rabshado ah ka dhicin, wuxuuna shacbka Soomaaliyeed ee Kenya ku nool ugu baaqay inay ilaaliyaan shuruucda dalkaas u degsan.














Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-02 1:37 PM EST
Sabti, Maarso 02, 2013 (HOL) — Guddoomiye ku xigeenka maamulka KMG ah ee Kismaayo, Yaasiin Nuur Gaas ayaa sheegay in maamul u sameynta gobollada Jubbooyinka iyo Gedo uu si wanaagsan u socdo, isagoo sheegay in ergooyinka qaarkood ay weli kusoo wajahan yihiin Kismaayo.

2013-03-02 1:04 PM EST
Sabti, Maarso 02, 2013 (HOL) — Ururka Ahlusunna Waljamaaca ayaa ku doortay maanta degmada Guriceel ee gobolka Mudug guddoomiyaha cusub ee golaha talada, kaasoo loo doortay Cabdi Cali Fiidow kaddib shir dhow casho soo socday.

2013-03-02 12:45 PM EST
Sabti, Maarso 02, 2013 (HOL) — Wafdi ka socday Midowga Yurub oo uu hoggaaminayay ku xigeenka xoghayaha guud ee Midowga u qaabilsan howlaha dibadda, Maciej Popowski ayaa maanta soo gaaray Muqdisho, kuwaasoo kulammo la yeeshay wasiirro ka tirsan dowladda Soomaaliya.

2013-03-02 12:13 PM EST
Sabti, Maarso 02, 2013 (HOL) — Qoysas barakacayaal ah oo tiradoodu tahay 450 qoys oo ku nool degmada Laascaanood, Xuddun iyo Taleex kuwaasoo ka wada-tirsan gobolka Sool ayaa loo qaybiyay lacago ay ku deeqeen hay’adaha USAID iyo CARE International, taasoo soo martay hay’adda waddaniga ah ee SVO.

2013-03-02 11:12 AM EST
Sabti, Maarso 02, 2013 (HOL) — Maxkamadda ciidamada Puntland -laanteeda gobolka Nugaal - ayaa maanta xukuntay 2 nin oo ku eedeysnaa in ay ka tirsan yihiin xarakada Al-shabaab. Nimankan oo lagu kala magacaabo Cabdirisaaq Xasan Tahliil iyo Maxamuud Nuux Adam ayaa lagu ridey xukun dil ah.

2013-03-02 7:33 AM EST
Sabti, Maarso 02, 2013 (HOL) — Kooxo aan la aqoonsan ayaa bam-gacmeed ku weeraray duhurnimadii maanta xarunta Radio Baydhabo oo ku yaalla xaafadda Cadaadda ee magaalada Baydhabo, iyadoo qaraxaas uusan geysan wax khasaare ah.

2013-03-02 7:27 AM EST
Sabti, Maarso 02, 2013 (HOL) — Xildhibaanad Faadumo Jaamac Ileeya oo ka mid ah golaha Guurtidda Somaliland, ayaa maanta laga aqbalay iscasilaad ay golaha u soo gudbisay ka dib markii afar sanadood ay kali ku ahayd golaha Guurtidda.

2013-03-02 6:51 AM EST
Sabti, March 02, 2013 (HOL) - Iyadoo maalinta isniinta ah ay dadka waddanka Kenya u dareerayaan goobaha codbixinta ayaa Mid kamid ah 8-da musharrax ee u taagan doorashada madaxtinnimida ee dalka Kenya uu soo booqday xafiiska Hiiraan Online ay ku leedahay magaalada Nairobi.

2013-03-02 6:47 AM EST
Sabti, Maarso 02, 2013 (HOL) — Duqa magaalada Baladweyne, Maxamed Xassan Nuur oo sadaxdii cisho ee lasoo dhaafayba ku xirnaa saldhiga magaalada Baladweyne ayaa markii ugu horeysay waxaa xarigiisa ka hadllay saraakiisha maamulka gobolka.

2013-03-02 6:39 AM EST
Sabti, Maarso 02, 2013 (HOL) — Qaar ka mid ah gaadiidleyda Basaska loo yaqaan ayaa kordhiyey qiimaha gaadiidkoodda lagu raaco, kuwaas oo ka dhigay laba kun oo shilin Somaliland ah, halka uu markii hore ka ahaa kun iyo shan boqol SHSL (1500).

2013-03-02 2:09 AM EST
Sabti, Maarso 02, 2013 (HOL) — Saraakiisha ciidamada Midowga Afrika ee AMISOM ayaa cambaareeyay weerarradii ismiidaaminta ahaa ee shalay ka maqaayad ku taalla xeebta Liido ee magaalada Muqdisho, kaasoo dilay laba qof oo uu ku jiro qofkii weerarka fuliyay, dhaawacayna toddoba qof oo kale.

2013-03-02 1:16 AM EST
Sabti, Maarso 02, 2013 (HOL) — Madaxweynaha dalka Jabuuti, Ismaaciil Cumar Geelle ayaa ka hadlay markii ugu horreysay rabshado ka dhashay doorashooyinkii baarlamaaniga ahaa ee ka dhacay dalkaas, isagoo xusay in dowladdu aysan ogolaan doonin in dhibaatooyin laga buuro magaalada.