2014-11-23
Today from Hiiraan Online:  _
Wararka Maanta- Sabti, Mar 2 , 2013
AMISOM oo cambaareysay Qaraxyadii Ismiidaaminta ahaa ka dhacay Baar ku Yaalla Xeebta Liido ee Muqdisho



Sabti, Maarso 02, 2013 (HOL) — Saraakiisha ciidamada Midowga Afrika ee AMISOM ayaa cambaareeyay weerarradii ismiidaaminta ahaa ee shalay ka maqaayad ku taalla xeebta Liido ee magaalada Muqdisho, kaasoo dilay laba qof oo uu ku jiro qofkii weerarka fuliyay, dhaawacayna toddoba qof oo kale.

Weerarradan ayaa waxay ahaayeen laba, waxaana mid ka mid ah fuliyay ruux waxyaabaha qarxa isku xiray iyo gaari miineysan oo ku qarxay illinka hor ee baarka oo ay dadweyne badan ay cunteynayeen xilligaas.

AMISOM ayaa sheegtay in qaraxyadan lala beegsaday maqaayadda Indian Ocean Star ay mas’uul ka tahay Al-shabaab oo xiriir la leh urur-weynaha Al-Qaacida.

“Weerarkan wuxuu ahaa midkii labaad oo toddobaadyo gudahood ka dhaca Muqdisho. Wuxuu ahaa mid lagu carqaladeynayo ammaanka iyo xasilloonida magaalada Muqdisho,” ayuu yiri dajiraha Midowga Afrika ee Soomaaliya, danjire Maxamed Saalax Anaadiif.

Laba toddobaad ka hor ayaa waxaa Baar Liido oo ku yaalla xeebta ka dhacay qarax loo adeegsaday baabuur waxyaabaha qarxa laga soo buuxiyay, kaasoo ay ku dhinteen laba qof oo shacab ah, tiro intaas ka badanna ay dhaawacyo kasoo gaareen.

Danjire Anaadiif wuxuu sheegay in dadkii ku dhaawacmay weerarkaas uu Alle siiyo caafimaad deg-deg ah. Isagoo yiri: “AMISOM waxay garab-taagan tahay xilligan adag shacabka Soomaaliyeed. Waan sii wadaynaa taageerada aan siinayno shacabka Soomaaliyeed si nabadda loo adkeeyo, si ay dadku u helaan nabad ay ku noolaadaan.”

Horraantii toddobaadkan ayay ciidamada dowladda Soomaaliya iyo kuwa AMISOM waxay si nabad ah kula wareegeen degmada Buur-hakaba ee gobolka Bay oo uu maro jidka isku xira Muqdisho, Afgooye iyo Baydhabo.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-02 1:37 PM EST
Sabti, Maarso 02, 2013 (HOL) — Guddoomiye ku xigeenka maamulka KMG ah ee Kismaayo, Yaasiin Nuur Gaas ayaa sheegay in maamul u sameynta gobollada Jubbooyinka iyo Gedo uu si wanaagsan u socdo, isagoo sheegay in ergooyinka qaarkood ay weli kusoo wajahan yihiin Kismaayo.

2013-03-02 1:04 PM EST
Sabti, Maarso 02, 2013 (HOL) — Ururka Ahlusunna Waljamaaca ayaa ku doortay maanta degmada Guriceel ee gobolka Mudug guddoomiyaha cusub ee golaha talada, kaasoo loo doortay Cabdi Cali Fiidow kaddib shir dhow casho soo socday.

2013-03-02 12:45 PM EST
Sabti, Maarso 02, 2013 (HOL) — Wafdi ka socday Midowga Yurub oo uu hoggaaminayay ku xigeenka xoghayaha guud ee Midowga u qaabilsan howlaha dibadda, Maciej Popowski ayaa maanta soo gaaray Muqdisho, kuwaasoo kulammo la yeeshay wasiirro ka tirsan dowladda Soomaaliya.

2013-03-02 12:13 PM EST
Sabti, Maarso 02, 2013 (HOL) — Qoysas barakacayaal ah oo tiradoodu tahay 450 qoys oo ku nool degmada Laascaanood, Xuddun iyo Taleex kuwaasoo ka wada-tirsan gobolka Sool ayaa loo qaybiyay lacago ay ku deeqeen hay’adaha USAID iyo CARE International, taasoo soo martay hay’adda waddaniga ah ee SVO.

2013-03-02 11:12 AM EST
Sabti, Maarso 02, 2013 (HOL) — Maxkamadda ciidamada Puntland -laanteeda gobolka Nugaal - ayaa maanta xukuntay 2 nin oo ku eedeysnaa in ay ka tirsan yihiin xarakada Al-shabaab. Nimankan oo lagu kala magacaabo Cabdirisaaq Xasan Tahliil iyo Maxamuud Nuux Adam ayaa lagu ridey xukun dil ah.

2013-03-02 7:33 AM EST
Sabti, Maarso 02, 2013 (HOL) — Kooxo aan la aqoonsan ayaa bam-gacmeed ku weeraray duhurnimadii maanta xarunta Radio Baydhabo oo ku yaalla xaafadda Cadaadda ee magaalada Baydhabo, iyadoo qaraxaas uusan geysan wax khasaare ah.

2013-03-02 7:27 AM EST
Sabti, Maarso 02, 2013 (HOL) — Xildhibaanad Faadumo Jaamac Ileeya oo ka mid ah golaha Guurtidda Somaliland, ayaa maanta laga aqbalay iscasilaad ay golaha u soo gudbisay ka dib markii afar sanadood ay kali ku ahayd golaha Guurtidda.

2013-03-02 7:09 AM EST
Sabti, Maarso 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta furay kal-fadhigii labaad ee baarlamaanka Somalia isagoo khudbad dhinacyo badan taabanaysay ka jeediyay munaasabad loogu talo-galay in lagu furo kalfadhigan.

2013-03-02 6:51 AM EST
Sabti, March 02, 2013 (HOL) - Iyadoo maalinta isniinta ah ay dadka waddanka Kenya u dareerayaan goobaha codbixinta ayaa Mid kamid ah 8-da musharrax ee u taagan doorashada madaxtinnimida ee dalka Kenya uu soo booqday xafiiska Hiiraan Online ay ku leedahay magaalada Nairobi.

2013-03-02 6:47 AM EST
Sabti, Maarso 02, 2013 (HOL) — Duqa magaalada Baladweyne, Maxamed Xassan Nuur oo sadaxdii cisho ee lasoo dhaafayba ku xirnaa saldhiga magaalada Baladweyne ayaa markii ugu horeysay waxaa xarigiisa ka hadllay saraakiisha maamulka gobolka.

2013-03-02 6:39 AM EST
Sabti, Maarso 02, 2013 (HOL) — Qaar ka mid ah gaadiidleyda Basaska loo yaqaan ayaa kordhiyey qiimaha gaadiidkoodda lagu raaco, kuwaas oo ka dhigay laba kun oo shilin Somaliland ah, halka uu markii hore ka ahaa kun iyo shan boqol SHSL (1500).

2013-03-02 1:16 AM EST
Sabti, Maarso 02, 2013 (HOL) — Madaxweynaha dalka Jabuuti, Ismaaciil Cumar Geelle ayaa ka hadlay markii ugu horreysay rabshado ka dhashay doorashooyinkii baarlamaaniga ahaa ee ka dhacay dalkaas, isagoo xusay in dowladdu aysan ogolaan doonin in dhibaatooyin laga buuro magaalada.