3/29/2024
Today from Hiiraan Online:  _
Wararka Maanta- Isniin, Feb 6 , 2023
Xukuumada Somaliland oo hada ka hadashay xaalada Laascaanood
 

Isniin, February, 6, 2023 (HOL) - Xukuumada Somaliland ayaa sheegtay in ciidamo tikniko wata ay ciidamada Somaliland weerareen, lakiin ay ciidamadu kaliya is difaaceen, xeryahoodiina anay ka bixin.

Wasiirka Arrimaha Guddaha Maxamed Kaahin Axmed, oo Laascaanood ku sugan, ayaa yidhi "Ciidan hubaysan oo tikniko wata, oo hoobiyayaal wata, oo baasuukayaal waata ayaa weeraray qaar kamid ah xeryihii ciidamada qaranka, ciidamada qaranku ilaa iyo hada way iska caabiyeen xeryahoodiina may dhaafin".

Qaraarka isimadu soo saareen ayuu ku tilmaamay mid aan loo dhamayn, isaga oo sheegay in ay ahayd talo guri gaara lagu gaadhay oo isimo badani ka maqnaayeen.

Waxa uu sheegay in  qorshaha dagaalka saaka dhacay uu ahaa mid hore loo gaadhay, oo isimada qaar ay hore u go'aamiyeen, isaga oo sheegay in aanu garanayn cida laga xoraynayo Laascaanood, waxaanu ku baaqay in xabada la joojiyo.

Garaad Jaamac Garaad Cali, oo hore u sheegay in ay la dagaalami doonaan ciidamada Somaliland hadii anay gobolka ka bixin, ayaa saaka shacabka ugu baaqay in ay is difaacaan oo dagaalka galaan, waxaana magaalada gacanta ku haya ciidamo beeleed taabacsan garaadada.

Garaadada ayaa saaka soo saaray bayaan ay ugu muhiimsantahay in ciidamada Somaliland ay ka baxaan gobolada ay dagaan beelaha shirku Laascaanood uga socday, garaadada ayaa raba in Laascaanood xarun u noqoto maamul ka madaxbannaan Somaliland.

Abdilahi Geel-maal, Hiiraan Online
[email protected]












Click here
2/6/2023 3:57 PM EST
Isniin, February, 6, 2023 (HOL) - Xukuumada Somaliland ayaa sheegtay in ay rabto in wadahadal lagu dhameeyo xasarada Laascaanood, sidookal waxay sheegtay in ay argagixiso Laascaanood kula dagaalamayso.

2/6/2023 12:28 PM EST
Isniin, February, 6, 2023 (HOL) - Garaadka guud ee beelaha gobolka Sool iyo qaybo kamid ah Sanaag iyo Cayn, ayaa ciidamada Somaliland ku eedeeyay in ay madaafiic cul-culus ku garaaceen Laascaanood.

2/6/2023 9:51 AM EST
Isniin, February, 6, 2023 (HOL) - Wasiirka Wasaaradda Gaadiidka iyo Duulista Hawada Xukuumadda Fedaraalka Soomaaliya Fardowsa Cismaan Cigaal oo ay wehlinayeen Safiirka dowladda Soomaaliya ee dalka Kenya iyo maareeyaha Hay'adda Duulista rayidka Soomaaliya ayaa Kulan la qaatay Madaxweyne ku xigeenka hay'adda duulimaadyada Caalamiga ee IATA.

2/6/2023 8:31 AM EST
Isniin, February, 6, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa tacsi u diray dowladda iyo shacabka dalka Turkiga oo la dhibaatoonaya dhul gariir baaxad leh oo khasaare badan geystay oo ka dhacay wadanka Turkiga.

2/6/2023 8:26 AM EST
Isniin, February, 6, 2023 (HOL) - Madaxweyne ku xigeenka Puntland, Axmed Karaash ayaa si buuxda u soo dhoweeyay go’aamadii ay soo saareen isimada dhaqanka iyo waxgaradka kale ee deegaanada SSC, kaas oo ay kaga tashanayaan aayahooda, isagoo sheegay inay ku garab taagan yihiin ka Puntland ahaan.

2/6/2023 8:08 AM EST
Isniin, February, 6, 2023 (HOL) - Dagaalka ka socda magaalada Laascaanood ee u dhaxeeya ciidamada Somaliland iyo kuwa deegaanka SSC ayaa geystay khasaare dhimasho iyo dhaawac leh oo soo gaaray dadka shacabka ah, marka laga tago dhinacyada dagaaalamaya.

2/6/2023 6:30 AM EST
Isniin, February, 6, 2023 (HOL) - Dhulgariir xooggan oo cabirkiisa lagu qiyaasay 7.7 ayaa ku dhuftay gobolka koonfureed ee Kahramanmaraş, kaas oo galaaftay nolosha ugu yaraan 1912 qof, waxaana ku dhaawacmay 5,385 kale.

2/6/2023 4:34 AM EST
Isniin, February, 6, 2023 (HOL) - Xisbiga mucaaradka Somaliland ee Waddani, ayaa xukuumada iyo garaadada Laascaanood ugu baaqay in la is dajiyo oo nabadgalyada la ilaaliyo.

2/6/2023 3:43 AM EST
Isniin, February, 6, 2023 (HOL) - Madaxweynaha dalka Ciraaq Laif Rashiid ayaa casuumaad rasmi ah ka helay dhiggiisa Soomaaliya Xasan Sheekh Maxamuud, sida lagu sheegay war kasoo baxay madaxtooyada Iraq.

2/6/2023 2:39 AM EST
Isniin, February, 6, 2023 (HOL) - Garaadka Guud ee beelaha daga gobolka Sool iyo qaybo kamid ah Sanaag iyo Cayn, ayaa shacabka ugu baaqay in is difaacaan oo ay la dagaalamaan Ciidamada Somaliland.

2/6/2023 2:31 AM EST
Isniin, February, 6, 2023 (HOL) - Wasiirka Wasaarada Gaadiidka iyo Duulista Hawada maamulka Hirshabeelle Muuse Salaad Wehliye ayaa soo saaray amar lagu hakinaayo duulimaadyada diyaaradaha sida maalin laha ah uga dagi jiray garoonka diyaaradaha Ugaas Khaliif ee magaalada Baledweyne.

2/6/2023 1:34 AM EST
Isniin, February, 6, 2023 (HOL) - Baaq ayaa kasoo baxay shirkii magaalada laascaanood uga socday Isimada gobolada SSC, iyagoo ku dhawaaqay go'aano culus.

2/6/2023 12:43 AM EST
Isniin, February, 6, 2023 (HOL) - Xiisado kacsanaan ah ayaa laga dareemayaa magaalada Garowe, kadib markii ciidamo maleyshiyo beeleed ah oo kasoo horjeeda isdiiwaan galinta doorashada qof iyo cod ay dhaqdhaqaaqyo ciidan ka bilaabeen gudaha magaalada Garowe.

2/6/2023 12:32 AM EST
Isniin, February, 6, 2023 (HOL) - Kooxo hubaysan ayaa weeraray fadhiisimada ciidamada Somaliland ee Laascaanood iyo hoteelka golaha wasiiradu ka daganyihiin magaalada, sida xukuumadu sheegtay.