8/8/2022
Today from Hiiraan Online:  _
Wararka Maanta- Talaado, May 17, 2022
Madaxweynaha cusub ee Soomaaliya oo la kulmay madaxweynaha xilka kasii dagaya ee Farmaajo


Talaado, May, 17, 2022 (HOL) - Madaxweynaha cusub ee Soomaaliya Xasan Sheekh Maxamuud  ayaa kulan la qaatay Madaxweynaha xafiiska baneynaya Maxamed Cabdillahi Farmaajo. Waxaana la sheegay inay ka wada hadleen xil wareejinta xafiiska Madaxweynaha

Madaxweyne Farmaajo ayaa magacaabay Guddiga Qabanqaabada Xil-wareejinta Madaxweynaha oo uu hoggaaminayo Agaasimaha Guud ee Madaxtooyada Qaranka Dr. Maxamed Cabdullaahi Ciise, isaga oo faray in ay si degdeg ah u diyaariyaan munaasabadda xil-wareejinta.

Madaxweyne Xasan Sheekh ayaa la filayaa inuu todobaadka dambe si rasmi ah ugu wareego xafiiska madaxtooyada ee Villa Soomaaliya, kadib marka la qabto munaasabad xil wareejin ah.

Qoraal uu madaxweyne Xasan Sheekh soo dhigay bartiisa Facebook wuxuu ugu mahad celiyay madaxweyne Farmaajo oo ku qaabilay xarunta madaxtooyada dalka, sidoo kale wuxuu u mahadceliyay dalal  u soo diray dhambaallada hambalyada ah.

Dalalkaas waxaa ka mid ah Sucuudi Carabiya, Amiirka Qatar, Madaxweynaha iyo Madaxweyne Ku-xigeenka dowladda Imaaraatka Carabta, Dowladda Turkiga, Jabuuti, Itoobiya,  Kuweyt, Shiinaha, Maraykanka iyo Ingiriiska, Cumaan iyo dalalka kale.

Abdiweli M. Sheikh, Hiiraan Online
[email protected]  












Click here
5/17/2022 4:25 PM EST
Talaado, May, 17, 2022 (HOL) - Madaxweynaha Soomaaliya Xasan Sheikh Maxamuud ayaa u mahadceliyay madaxweynaha dalka Maraykanka Joe Biden oggolaanshaha uu u fasaxay in ciidamada Mareykanka loo diro gudaha Soomaaliya, si ay uga qeyb qaataan la dagaalanka Alshabaab.

5/17/2022 12:52 PM EST
Talaado, May, 17, 2022 (HOL) - Madaxweynaha cusub ee dowladda Fedaraalka Soomaaliya Xasan Sheekh Maxamuud ayaa Maanta kulan la qaatay madaxweynayaasha Maamul goboleedyada dalka, kadib kulan qado ah oo uu sameeyay Madaxweynaha la doortay ee JFS Xasan Sheekh Maxamuud.

5/17/2022 10:00 AM EST
Talaado, May, 17, 2022 (HOL) - Ciidamada dowladda Soomaaliya iyo kuwa Burundi ee qeybta ka ah howlgalka Midowga Afrika ee ATMIS ayaa Maanta dib ula wareegay gacan ku heynta Saldhiga deegaanka Ceelbaraf, halkaas oo laba todobaad ka hor Al-shabaab kula wareegeen weerar culus oo ay qaraxyo ku bilaaween, kaasoo geystay khasaarahii ugu badnaa ee abid ciidanka Burundi kasoo gaara gudaha Soomaaliya.

5/17/2022 3:45 AM EST
Talaado, May, 17, 2022 (HOL) - Wararka ka imaanaya deegaanka Ceelbaraf ee gobolka Sh/dhexe ayaa sheegaya in ciidamada Burundi ee qeybta ka ah howlgalka ciidanka Midowga Afrika ee ATMIS in saakay aroornimadii hore tiro madaafiic ah ay ku garaaceen deegaanka Ceelbaraf.

5/17/2022 3:15 AM EST
Talaado, May, 17, 2022 (HOL) - Dowladda Mareykanka ayaa shacabka Soomaaliyeed ugu hambalyeysay dhameystirka hannaankii doorasho ee dalka. Waxayna sidoo kale u hambalyaysay madaxweyne Xasan Sheekh Maxamuud oo loo doortay madaxweynaha Jamhuuriyadda Federaalka Soomaaliya.

5/17/2022 1:58 AM EST
Talaado, May, 17, 2022 (HOL) - Qaramada Midoobay ayaa soo dhaweysay doorashadii madaxtinimo ee Soomaaliya la qabtay habeenimadii axada, taas oo uu ku guulaystay Xasan Sheikh Maxamuud.

5/17/2022 1:47 AM EST
Talaado, May, 17, 2022 (HOL) - Madaxweyne Joe Biden ayaa oggolaaday codsi uga yimid Pentagon-ka oo ku saabsanaa in ciidamada Mareykanka dib loogu soo celiyo Soomaaliya si ay uga hortagaan kooxda Al-Shabaab, sidaas waxaa sheegay sarkaal sare oo ka tirsan maamulka.

5/17/2022 1:45 AM EST
Talaado, May, 17, 2022 (HOL) - Xukuumada Somaliland iyo xisbiyada mucaaradka ah ee Waddani iyo UCID, ayaa heshiis rasmi ah ka gaadhay khilaafka xuska 18 May, isla markaana wadahadalo ku saabsan khilaafka doorashooyinka, ayaa loo balamay in ay bilaabmaan 18 May kadib.