8/18/2022
Today from Hiiraan Online:  _
Wararka Maanta- Talaado, May 17, 2022
QM oo madaxweynaha cusub ee Soomaaliya ugu baaqday inuu si degdeg ah ugu dhaqaaqo soo dhisida gole wasiirro oo loo dhan yahay
 

Talaado, May, 17, 2022 (HOL) - Qaramada Midoobay ayaa soo dhaweysay doorashadii madaxtinimo ee Soomaaliya la qabtay habeenimadii axada, taas oo uu ku guulaystay Xasan Sheikh Maxamuud.

War qoraal ah oo uu Afhayeenka Xoghayaha Guud ee Qaramada Midoobay António Guterres ka soo saaray magaalada New York, ayuu  ku muujiyay rajada uu ka qabo in Madaxweynaha cusub uu si degdeg ah ugu dhaqaaqo soo dhisida Gole Wasiiro oo loo dhan yahay.

António Guterres ayaa sidoo kale ku booriyay in Dowladda cusub iyo dowladaha xubnaha ka ah dowladda federaalka ay si dhow uga wada shaqeyn doonaan wax ka qabashada caqabadaha Soomaaliya ay wajaheyso.

Wuxuu ku celceliyay taageerada joogtada ah ee Qaramada Midoobay ay siiso dowladda iyo shacabka Soomaaliyeed, wuxuuna rajeyeeyay inay sii wadaan inay si dhow ula shaqeyaan dowladda cusub si loo hormariyo ajendaha dowlad-dhisidda iyo wax ka qabashada xaaladaha bini’aadantinimo ee daran ee dalka ka jira.

Madaxweyne Xasan Sheekh Maxamuud ayaa ku guuleystay wareegii saddexaad ee codeynta baarlamaanka, kadib labo iyo toban saac oo codeyn ah iyo tirinta codadka lagu jiray.

Abdiweli M. Sheikh, Hiiraan Online
[email protected]  












Click here
5/17/2022 4:25 PM EST
Talaado, May, 17, 2022 (HOL) - Madaxweynaha Soomaaliya Xasan Sheikh Maxamuud ayaa u mahadceliyay madaxweynaha dalka Maraykanka Joe Biden oggolaanshaha uu u fasaxay in ciidamada Mareykanka loo diro gudaha Soomaaliya, si ay uga qeyb qaataan la dagaalanka Alshabaab.

5/17/2022 12:52 PM EST
Talaado, May, 17, 2022 (HOL) - Madaxweynaha cusub ee dowladda Fedaraalka Soomaaliya Xasan Sheekh Maxamuud ayaa Maanta kulan la qaatay madaxweynayaasha Maamul goboleedyada dalka, kadib kulan qado ah oo uu sameeyay Madaxweynaha la doortay ee JFS Xasan Sheekh Maxamuud.

5/17/2022 10:00 AM EST
Talaado, May, 17, 2022 (HOL) - Ciidamada dowladda Soomaaliya iyo kuwa Burundi ee qeybta ka ah howlgalka Midowga Afrika ee ATMIS ayaa Maanta dib ula wareegay gacan ku heynta Saldhiga deegaanka Ceelbaraf, halkaas oo laba todobaad ka hor Al-shabaab kula wareegeen weerar culus oo ay qaraxyo ku bilaaween, kaasoo geystay khasaarahii ugu badnaa ee abid ciidanka Burundi kasoo gaara gudaha Soomaaliya.

5/17/2022 8:05 AM EST
Talaado, May, 17, 2022 (HOL) - Madaxweynaha cusub ee Soomaaliya Xasan Sheekh Maxamuud ayaa kulan la qaatay Madaxweynaha xafiiska baneynaya Maxamed Cabdillahi Farmaajo. Waxaana la sheegay inay ka wada hadleen xil wareejinta xafiiska Madaxweynaha

5/17/2022 3:45 AM EST
Talaado, May, 17, 2022 (HOL) - Wararka ka imaanaya deegaanka Ceelbaraf ee gobolka Sh/dhexe ayaa sheegaya in ciidamada Burundi ee qeybta ka ah howlgalka ciidanka Midowga Afrika ee ATMIS in saakay aroornimadii hore tiro madaafiic ah ay ku garaaceen deegaanka Ceelbaraf.

5/17/2022 3:15 AM EST
Talaado, May, 17, 2022 (HOL) - Dowladda Mareykanka ayaa shacabka Soomaaliyeed ugu hambalyeysay dhameystirka hannaankii doorasho ee dalka. Waxayna sidoo kale u hambalyaysay madaxweyne Xasan Sheekh Maxamuud oo loo doortay madaxweynaha Jamhuuriyadda Federaalka Soomaaliya.

5/17/2022 1:47 AM EST
Talaado, May, 17, 2022 (HOL) - Madaxweyne Joe Biden ayaa oggolaaday codsi uga yimid Pentagon-ka oo ku saabsanaa in ciidamada Mareykanka dib loogu soo celiyo Soomaaliya si ay uga hortagaan kooxda Al-Shabaab, sidaas waxaa sheegay sarkaal sare oo ka tirsan maamulka.

5/17/2022 1:45 AM EST
Talaado, May, 17, 2022 (HOL) - Xukuumada Somaliland iyo xisbiyada mucaaradka ah ee Waddani iyo UCID, ayaa heshiis rasmi ah ka gaadhay khilaafka xuska 18 May, isla markaana wadahadalo ku saabsan khilaafka doorashooyinka, ayaa loo balamay in ay bilaabmaan 18 May kadib.