3/29/2024
Today from Hiiraan Online:  _
Wararka Maanta- Jimco, May 13, 2022
Jigjiga : Dowlad degaanka Canfarta oo 10 milyan ugu deeqay Shacabka degaanka Soomaalida

Jimco, May, 13, 2022 (HOL) - Dowlad degaanka Canfarta ayaa deeq lacageed oo gaaraysa 10 milyan ugu deeqay shacabka degaanka Soomaalida, deeqdan ayaa waxaa degaanka Soomaalida soo gaarsiiyay Madaxwaynaha degaanka Canfarta Awal Arbe.

Madaxwayne Mustafe cagjar ayaa deeqdan lacageed ka guddoomay Madaxwaynaha degaanka Canfarta Awal Arbe, isagoo uga mahad celiyay Canfarta sida wanaagsan ee ay usoo xasuusteen walaalahooda degaanka Soomaalida ee xilligan abaaraha la daalaa dhacaya.

Deeqdani lacageed ayaa ah mid loogu tala galay dadka ay abaaruhu saameeyeen ee ku dhaqan degaanka Soomaalida, iyadoo la xasuusan yahay in wali ay abaartu ka taagan tahay degaanka Soomaalida, oo wali ay roob yaraani jirto meelo badan oo degaanka Soomaalida kamid ah.

Degaanka Soomaalida ayaa waxaa in muddo ahba ka jirtay abaar aad u darnayd, oo dad iyo duunyaba saamaysay, iyadoo billowgii abaarta ilaa hadda ay degaanka Soomaalida soo gaarayeen deeqo kala duwan oo ka kala imaanayay degaannada dalka Itoobiya, dowladda dhexe iyo hay'adaha deeq bixiyayaasha caalamiga ah.

Labada shacab ee Soomaalida iyo Canfarta ayaa ah labo shacab oo inta badan isu gurmada xilliyada ay dhibaatadu jirto, iyadoo labada degaanna ay yihiin degaanno deris ah, oo wadaaga xuduud aad u dheer.

Abdilahi Jawhar, Hiiraan Online
[email protected]












Click here
5/13/2022 4:15 PM EST
Jimco, May, 13, 2022 (HOL) - Xisbiga mucaaradka Somaliland ee Waddani oo taageerayaashiisa ugu baaqay mudaharaad, hadii doorashada madaxtooyada Somaliland ay qabsoomi waydo 13 bisha November ee sannadkan.

5/13/2022 4:04 PM EST
Jimco, May, 13, 2022 (HOL) - Guddiga xallinta khilaafka dhex yaalla labada deegaan ee Soomaalida iyo Canfarta oo maanta kulan ku yeeshay magaalada Jig-jiga, ayaa soo saaray qodobo muhiim ah, oo xal u noqon kara khilaafaadka dhex yaal labada degaan.

5/13/2022 1:41 PM EST
Jimco, May, 13, 2022 (HOL) - Taliska Ciidamada Maraykanka ee Afrika (AFRICOM),oo warbixin labaad kasoo saaray safarkii madaxda talisku ay shalay ku tageen Somaliland, ayaa sheegay in ay doonayaan in ay iskaashi millateri la yeeshaan Somaliland.

5/13/2022 12:28 PM EST
Jimco, May, 13, 2022 (HOL) - Ciidamada Dowladda iyo kuwa Galmudug ayaa si buuxda dib gacantooda ugusoo celiyay magaalada Dhuusomareeb, halkaas oo aay Saakay weerar kusoo qadeen ciidamo Ahlusunna Waljameeca.

5/13/2022 4:27 AM EST
Jimco, May, 13, 2022 (HOL) - Dagaal u dhaxeeya ciidamada Galmudug iyo kuwa Ahlusunna waljamaaca ayaa weli ka socda qeybo kamid ah magaalada Dhuusomareeb, waxaana ka dhashay khasaare dhimasho iyo dhaawac leh oo aan weli xog sugan laga haynin.

5/13/2022 4:22 AM EST
Jimco, May, 13, 2022 (HOL) - Wasiirka ciidamada ee dalka UK, James Heappey, ayaa booqasho ku tagay dalalka bariga Afrika ee ay Soomaaliya ku jirto, si uu ugala hadlo dadaallada wadajirka ah ee lagu horumarinayo xasilloonida gobolka iyo dhismaha amniga Soomaaliya.

5/13/2022 2:45 AM EST
Jimco, May, 13, 2022 (HOL) - Ammaanka magaalada Muqdisho ee caasimadda Soomaaliya ayaa si weyn loo adkeeyay, iyadoo la soo gaba gabeeyay diyaar garowgii ugu dambeeyay ee doorashada Madaxweynaha dowladda Federaalka Soomaaliya.

5/13/2022 1:50 AM EST
Jimco, May, 13, 2022 (HOL) - Xubno ka tirsan ururka xuquuqul insaanka ee İHD ee ka jira dalka Turkiga, ayaa booqday qaxootiga ka imaanaya Soomaaliya ee ku sugan magaalada caasimadda ah ee Ankara, kuwaas oo la kulmay cadaadis lagu xirayo dukaamadooda.

5/13/2022 1:23 AM EST
Jimco, May, 13, 2022 (HOL) - Dagaal xooggan oo u dhaxeeya ciidamada maamulka Galmudug iyo kuwa Ahlusuna Waljamaaca ayaa saakay waaberigii ka bilowday magaalada Dhuusomareeb ee caasimadda Galmudug.

5/13/2022 12:57 AM EST
Jimco, May, 13, 2022 (HOL) - Cabdikariin Xuseen Guulleed oo kamid ah musharraxiinta isku diiwaan galiyay tartanka doorashada madaxweynaha Soomaaliya, ayaa isaga haraya tartanka doorashada, isagoo u tanaasulay Cabdiraxmaan Cabdishakuur Warsame.