6/27/2022
Today from Hiiraan Online:  _
Wararka Maanta- Jimco, May 13, 2022
Musharax Cirro: Saw xadhig diyaar uma tihidin, saw xabad diyaar uma ihidin?
 

Jimco, May, 13, 2022 (HOL) - Xisbiga mucaaradka Somaliland ee Waddani oo taageerayaashiisa ugu baaqay mudaharaad, hadii doorashada madaxtooyada Somaliland ay qabsoomi waydo 13 bisha November ee sannadkan.

Musharaxa xisbiga Cabdiraxmaan Maxamed Cabdillaahi Cirro iyo madaxda kale ee xisbiga oo kulan la yeeshay qaybo kamid ah dhalinyarada Hargaysa, ayaa ugu baaqay in ay mudaharaad u diyaar garoobaan hadii doorashada madaxweynuhu dhici waydo.

"Saw diyaar uma tihin in aad qaranka bad baadisan, saw diyaar uma tihin in aad dastuurka bad baadisaan, saw diyaar uma tihin in aad nidaamkii doorasho kusoo celisaan dalkan, saw diyaar uma tihin xaaladkasta oo idinka hor timaada, saw xadhig diyaar uma tihidin, saw xabad diyaar uma tihidin" Cirro ayaa sida dhalinyarada waydiiyay.

Cirro ayaa sheegay in hadii madaxweyne Biixi uu doorashada qaban waayo wakhtigeeda, uu ku mutaysan doono ciqaab iyo xil ka xayuubin.

"Waxaynu leenahay hal dal, waa Somaliland, waxaynu leenahay hal qaran, waa Somaliland ... madaxweynaha qaranka waxaa ku waajib ah in uu ixtiraamo dastuurka iyo xeerarka, hadii kale wuxuu mutaysanayaa ciqaab ah in uu dastuurka iyo xeerarka jabiyay, wuxuu ku mutaysan karaa maamuus ka xayuubin" ayuu yidhi Cirro.

Saraakiisha kale ee xisbiga ayaa iyaguna dhamaantood dhalinyarada ugu baaqay in ay sameeyaan mudaharaad hadii loo baahdo.

Xisbiyada mucaaradka Somaliland ayaa shaki wayn ka qaba in doorashada  madaxtooyadu ay dib uga dhacdo wakhtigeeda, dhinaca kale xukuumada Somaliland ayaa sheegtay in doorashadu ay wakhtigeeda ku qabsoomayso.

Abdilahi Geel-maal, Hiiraan Online












Click here
5/13/2022 4:04 PM EST
Jimco, May, 13, 2022 (HOL) - Guddiga xallinta khilaafka dhex yaalla labada deegaan ee Soomaalida iyo Canfarta oo maanta kulan ku yeeshay magaalada Jig-jiga, ayaa soo saaray qodobo muhiim ah, oo xal u noqon kara khilaafaadka dhex yaal labada degaan.

5/13/2022 1:41 PM EST
Jimco, May, 13, 2022 (HOL) - Taliska Ciidamada Maraykanka ee Afrika (AFRICOM),oo warbixin labaad kasoo saaray safarkii madaxda talisku ay shalay ku tageen Somaliland, ayaa sheegay in ay doonayaan in ay iskaashi millateri la yeeshaan Somaliland.

5/13/2022 12:28 PM EST
Jimco, May, 13, 2022 (HOL) - Ciidamada Dowladda iyo kuwa Galmudug ayaa si buuxda dib gacantooda ugusoo celiyay magaalada Dhuusomareeb, halkaas oo aay Saakay weerar kusoo qadeen ciidamo Ahlusunna Waljameeca.

5/13/2022 7:23 AM EST
Jimco, May, 13, 2022 (HOL) - Dowlad degaanka Canfarta ayaa deeq lacageed oo gaaraysa 10 milyan ugu deeqay shacabka degaanka Soomaalida, deeqdan ayaa waxaa degaanka Soomaalida soo gaarsiiyay Madaxwaynaha degaanka Canfarta Awal Arbe.

5/13/2022 4:27 AM EST
Jimco, May, 13, 2022 (HOL) - Dagaal u dhaxeeya ciidamada Galmudug iyo kuwa Ahlusunna waljamaaca ayaa weli ka socda qeybo kamid ah magaalada Dhuusomareeb, waxaana ka dhashay khasaare dhimasho iyo dhaawac leh oo aan weli xog sugan laga haynin.

5/13/2022 4:22 AM EST
Jimco, May, 13, 2022 (HOL) - Wasiirka ciidamada ee dalka UK, James Heappey, ayaa booqasho ku tagay dalalka bariga Afrika ee ay Soomaaliya ku jirto, si uu ugala hadlo dadaallada wadajirka ah ee lagu horumarinayo xasilloonida gobolka iyo dhismaha amniga Soomaaliya.

5/13/2022 2:45 AM EST
Jimco, May, 13, 2022 (HOL) - Ammaanka magaalada Muqdisho ee caasimadda Soomaaliya ayaa si weyn loo adkeeyay, iyadoo la soo gaba gabeeyay diyaar garowgii ugu dambeeyay ee doorashada Madaxweynaha dowladda Federaalka Soomaaliya.

5/13/2022 1:50 AM EST
Jimco, May, 13, 2022 (HOL) - Xubno ka tirsan ururka xuquuqul insaanka ee İHD ee ka jira dalka Turkiga, ayaa booqday qaxootiga ka imaanaya Soomaaliya ee ku sugan magaalada caasimadda ah ee Ankara, kuwaas oo la kulmay cadaadis lagu xirayo dukaamadooda.

5/13/2022 1:23 AM EST
Jimco, May, 13, 2022 (HOL) - Dagaal xooggan oo u dhaxeeya ciidamada maamulka Galmudug iyo kuwa Ahlusuna Waljamaaca ayaa saakay waaberigii ka bilowday magaalada Dhuusomareeb ee caasimadda Galmudug.

5/13/2022 12:57 AM EST
Jimco, May, 13, 2022 (HOL) - Cabdikariin Xuseen Guulleed oo kamid ah musharraxiinta isku diiwaan galiyay tartanka doorashada madaxweynaha Soomaaliya, ayaa isaga haraya tartanka doorashada, isagoo u tanaasulay Cabdiraxmaan Cabdishakuur Warsame.