10/6/2022
Today from Hiiraan Online:  _
Wararka Maanta- Talaado, Mar 8 , 2022
Cirro: Doorashada madaxtooyada waxa galaya saddexda xisbi ee hada jira
 

Talaado, Maarso, 8, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa markale, kasoo horjeestay qorshaha xukuumada Somaliland ku doonayso in ay kusoo hormariso doorashada ururrada.

Cirro ayaa sheegay in doorashada madaxtooyadu ugu soo horaynayso, isla markaana ay galayaan saddexda xisbi ee hada jooga.

"Shacbiga Somaliland waxan u sheegaya in doorashadii madaxtooyadu ku mudaydsantahay 13, November, 2022, cid ku muran sani ma jirto cid ku murmi kartaana ma jirto, waxa galaya oo sharci ah saddexda xisbi qaran ee hada jira" ayuu yidhi Cirro.

Cirro ayaa sheegay in hada doorashada madaxtooyada oo kali ahi diyaartahay "Doorashada madaxtooyada Somaliland, waa doorashada kaliya ee ay u dhanyihiin, xeerkii lagu maamuli lahaa, farsamadii iyo miisaaniyadii lagu hirgalin lahaa".

Waxa kale oo uu sheegay in doorashada furista ururrada siyaasadu ay ka danbaynayso ta madaxtooyada "Labada doorasho ee kale, doorashada axsaabta qaranka iyo golaha guurtidu way ka danbaynayaan ta madaxtooyada".

Waxa uu sheegay in madaxda axsaabta iyo madaxweynaha midna aanu go'aan ka gaadhi karin habka loo galayo doorashooyinka oo ay tahay arrin u taala guddida doorashooyinka.



Abdilahi Geel-maal, Hiiraan Online












Click here
3/8/2022 10:26 AM EST
Talaado, Maarso, 8, 2022 (HOL) - Madaxweynaha Somaliland Muuse Biixi Cabdi, ayaa todobaad gudihii markale, ka hadlay suurtagalnimada dagaal ay dowlada Soomaaliya kusoo qaado Somaliland, isagoo sheegay in Somaliland is difaaci doonto.

3/8/2022 10:17 AM EST
Talaado, Maarso, 8, 2022 (HOL) - Wasiirka Arrimaha Guddaha Somaliland Maxamed Kaahin Axmed oo ka jawaabaya hadalkii musharaxa xisbiga Waddani, ayaa sheegay in doorashada madaxtooyadu wakhtigeedi ku dhacayso, furista axsaabta siyaasaduna sharci tahay.

3/8/2022 8:01 AM EST
Talaado, Maarso, 8, 2022 (HOL) - Golaha midowga musharraxiinta madaxweynaha Soomaaliya ayaa si kulul u cambaareeyay is-hortaagii lagu sameeyay madaxweynihii hore ee maamulka Koonfur Galbeed, Shariif Xasan Sheikh Aadan.

3/8/2022 5:58 AM EST
Talaado, Maarso, 8, 2022 (HOL) - Inta la xaqiijiyay 2 ruux ayaa ku geeriyooday 3 kalana way ku dhaawacmeen dagaal mudo kooban ka socday afaafka hore ee aqalka Madaxtooyada maamulka Hirshabeelle ee magaalada Baledweyne.

3/8/2022 2:03 AM EST
Talaado, Maarso, 8, 2022 (HOL) - Xildhibaan Cabdullaahi Goodax Barre oo ka mid ah Musharaxiinta u taagan u tartamida kuraasta harsan ee doorashadoodu taalo magaalada Baledweyne ee xarunta gobolka Hiiraan ayaa si adag uga hadlay khilaafka culus ee soo kala dhexgalay madaxweyneha Hirshabeelle iyo ku xigeenkiisa.

3/8/2022 1:48 AM EST
Talaado, Maarso, 8, 2022 (HOL) - Wararka ka imaanaya dowlad degaanka Soomaalida ayaa sheegaya in qaar kamid ah masuuliyiinta degmada Godgod ee Gobolka Afdheer lagu helay musuq ay u gaysteen deeqdii gurmadka abaaraha loogu talo galay ee degmada God god.

3/8/2022 12:44 AM EST
Talaado, Maarso, 8, 2022 (HOL) - Xeer Ilaaliyaha guud ee dalka Jabuuti ayaa sheegay in balaayiin lacag ah lagu lunsaday heshiis been abuur ah oo dhexmaray mas’uuliyiin ka tirsan Wasaaradda Miisaaniyadda Jabuuti iyo koox ganacsato ah.

3/8/2022 12:11 AM EST
Talaado, Maarso, 8, 2022 (HOL) - Maamulka Puntland iyo shirkadda Imaaraatka laga leeyahay ee DP-world, ayaa ku heshiiyay in maamulka dekeda Bosaso laga wareejiyo shirkadda B&O oo muddo shano ah gacanta ku haysay dekeda.