10/6/2022
Today from Hiiraan Online:  _
Wararka Maanta- Talaado, Mar 8 , 2022
Afdheer : Dowladda oo tallaabo ka qaaday xubno lunsaday raashinkii abaaraha loogu talagalay
 

Talaado, Maarso, 8, 2022 (HOL) - Wararka ka imaanaya dowlad degaanka Soomaalida ayaa sheegaya in qaar kamid ah masuuliyiinta degmada Godgod ee Gobolka Afdheer lagu helay musuq ay u gaysteen deeqdii gurmadka abaaraha loogu talo galay ee degmada God god.

Guddoomiyaha Maxkamadda Gobalka Afdheer oo Warbaahinta la hadlay ayaa sheegay in xubnahan lagu helay dhac ay xilli habeen ah u gaysteen Bakhaarkii raashinka abaaruhu yaalay ee degmada God god, iyagoo ka qaatay  30 Kiish oo Bariisa ah, 25 Kiish oo Sonkor ah iyo 5 jeergaan oo Salliid ah.

Xubnaha musuqa lagu helay ayaa kala ah Madaxii Xafiiska Arrimaha Siyaasadda, Madaxii Xafiiska Nabadgalyda, iyo Madaxa Xafiiseedkii kahortaga khataraha iyo Masiiboyinka ee Degmada God-god, waxaana xubnahan lagu xukumay min 12 sano oo xarig ah iyo 15 kun oo Birr oo ganaax ah.

Tallaabadan ayaa noqonaysa tii u horreysay ee nooceeda ah ee ay dowladdu qaado, tan iyo intii abaartu billaabantay ee degmooyinka degaanka lagaarsiiyay raashinka loogu talagalay dadka ay abaaruhu saameeyeen.

Dadka degaanka Soomaalida ayaa soo dhaweeyay tallaabadan ay dowladdu kaga tallaaba qaaday xubnahan lunsaday raashinkii dadka masaakiinta ah loogu talagalay, waxayna arrintani kusoo hagaagaysaa xilli ay dowladdu u guntatay sidii tallaabo cad looga qaadi lahaa, ciddii lagu helo isdaba marin ku saabsan deeqaha kala duwan ee loogu talo galay dadka ay abaaruhu saameeyeen ee dowlad degaanka Soomaalida

Abdilahi Jawhar, Hiiraan Online
[email protected]












Click here
3/8/2022 10:26 AM EST
Talaado, Maarso, 8, 2022 (HOL) - Madaxweynaha Somaliland Muuse Biixi Cabdi, ayaa todobaad gudihii markale, ka hadlay suurtagalnimada dagaal ay dowlada Soomaaliya kusoo qaado Somaliland, isagoo sheegay in Somaliland is difaaci doonto.

3/8/2022 10:17 AM EST
Talaado, Maarso, 8, 2022 (HOL) - Wasiirka Arrimaha Guddaha Somaliland Maxamed Kaahin Axmed oo ka jawaabaya hadalkii musharaxa xisbiga Waddani, ayaa sheegay in doorashada madaxtooyadu wakhtigeedi ku dhacayso, furista axsaabta siyaasaduna sharci tahay.

3/8/2022 8:01 AM EST
Talaado, Maarso, 8, 2022 (HOL) - Golaha midowga musharraxiinta madaxweynaha Soomaaliya ayaa si kulul u cambaareeyay is-hortaagii lagu sameeyay madaxweynihii hore ee maamulka Koonfur Galbeed, Shariif Xasan Sheikh Aadan.

3/8/2022 5:58 AM EST
Talaado, Maarso, 8, 2022 (HOL) - Inta la xaqiijiyay 2 ruux ayaa ku geeriyooday 3 kalana way ku dhaawacmeen dagaal mudo kooban ka socday afaafka hore ee aqalka Madaxtooyada maamulka Hirshabeelle ee magaalada Baledweyne.

3/8/2022 3:45 AM EST
Talaado, Maarso, 8, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa markale, kasoo horjeestay qorshaha xukuumada Somaliland ku doonayso in ay kusoo hormariso doorashada ururrada.

3/8/2022 2:03 AM EST
Talaado, Maarso, 8, 2022 (HOL) - Xildhibaan Cabdullaahi Goodax Barre oo ka mid ah Musharaxiinta u taagan u tartamida kuraasta harsan ee doorashadoodu taalo magaalada Baledweyne ee xarunta gobolka Hiiraan ayaa si adag uga hadlay khilaafka culus ee soo kala dhexgalay madaxweyneha Hirshabeelle iyo ku xigeenkiisa.

3/8/2022 12:44 AM EST
Talaado, Maarso, 8, 2022 (HOL) - Xeer Ilaaliyaha guud ee dalka Jabuuti ayaa sheegay in balaayiin lacag ah lagu lunsaday heshiis been abuur ah oo dhexmaray mas’uuliyiin ka tirsan Wasaaradda Miisaaniyadda Jabuuti iyo koox ganacsato ah.

3/8/2022 12:11 AM EST
Talaado, Maarso, 8, 2022 (HOL) - Maamulka Puntland iyo shirkadda Imaaraatka laga leeyahay ee DP-world, ayaa ku heshiiyay in maamulka dekeda Bosaso laga wareejiyo shirkadda B&O oo muddo shano ah gacanta ku haysay dekeda.