10/6/2022
Today from Hiiraan Online:  _
Wararka Maanta- Talaado, Mar 8 , 2022
Jabuuti oo xabsiga u taxaabtay mas’uuliyiin lagu eedeeyay inay lunsadeen hanti dowladdeed
 

Talaado, Maarso, 8, 2022 (HOL) - Xeer Ilaaliyaha guud ee dalka Jabuuti ayaa sheegay in balaayiin lacag ah lagu lunsaday heshiis been abuur ah oo dhexmaray mas’uuliyiin ka tirsan Wasaaradda Miisaaniyadda Jabuuti iyo koox ganacsato ah.

War-saxaafadeed ka soo baxay xafiiska hanti dhowrka ayaa lagu yidhi: “Wasaaradda Miisaaniyaddu waxay ku takri-fashay hantidii dawladda ee loo igmaday inay ku baxdo kharashaadka dawladda, iyadoo bixisay adeegyo badan oo u muuqda kuwo shaki ku jiro oo aan jirin.

Warbixinta ayaa lagu sheegay in lacagtan lagu lunsaday qalab aan loo baahnayn iyo agab ay wasaaraddu marar badan dalbatay, taasoo la sheegay inay dib u dhis ku samaynayso dhismaha wasaaradda iyo sidoo kale qalab kale oo ay ka mid yihiin qalab xafiiseed, kuwaas oo balaayiin lacag ah ku kacaya.

Hanti dhowrku waxa uu sheegay in la xidhay laba masuul oo ka tirsan Wasaaradda Miisaaniyadda iyo wasiir hore. Sidoo kale waxaa uu sheegay in la xiray qaar ka mid ah ganacsatada ku howlan wax isdaba marinta.

Isagoo hadalkiisa sii wata ayuu sheegay in Ganacsato dhowr ah ay qirteen dambiga lagu soo eedeeyay, ayna dib u soo celiyeen qaar ka mid ah lacagihii ay lunsadeen.

Baaritaanka ayaa la sheegay inuu sii socon doono, waxaana dadka ku lugta leh loo gudbin doonaa xafiiska xeer ilaalinta si cadaaladda loo horgeeyo.


Abdiweli M. Sheikh, Hiiraan Online












Click here
3/8/2022 10:26 AM EST
Talaado, Maarso, 8, 2022 (HOL) - Madaxweynaha Somaliland Muuse Biixi Cabdi, ayaa todobaad gudihii markale, ka hadlay suurtagalnimada dagaal ay dowlada Soomaaliya kusoo qaado Somaliland, isagoo sheegay in Somaliland is difaaci doonto.

3/8/2022 10:17 AM EST
Talaado, Maarso, 8, 2022 (HOL) - Wasiirka Arrimaha Guddaha Somaliland Maxamed Kaahin Axmed oo ka jawaabaya hadalkii musharaxa xisbiga Waddani, ayaa sheegay in doorashada madaxtooyadu wakhtigeedi ku dhacayso, furista axsaabta siyaasaduna sharci tahay.

3/8/2022 8:01 AM EST
Talaado, Maarso, 8, 2022 (HOL) - Golaha midowga musharraxiinta madaxweynaha Soomaaliya ayaa si kulul u cambaareeyay is-hortaagii lagu sameeyay madaxweynihii hore ee maamulka Koonfur Galbeed, Shariif Xasan Sheikh Aadan.

3/8/2022 5:58 AM EST
Talaado, Maarso, 8, 2022 (HOL) - Inta la xaqiijiyay 2 ruux ayaa ku geeriyooday 3 kalana way ku dhaawacmeen dagaal mudo kooban ka socday afaafka hore ee aqalka Madaxtooyada maamulka Hirshabeelle ee magaalada Baledweyne.

3/8/2022 3:45 AM EST
Talaado, Maarso, 8, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa markale, kasoo horjeestay qorshaha xukuumada Somaliland ku doonayso in ay kusoo hormariso doorashada ururrada.

3/8/2022 2:03 AM EST
Talaado, Maarso, 8, 2022 (HOL) - Xildhibaan Cabdullaahi Goodax Barre oo ka mid ah Musharaxiinta u taagan u tartamida kuraasta harsan ee doorashadoodu taalo magaalada Baledweyne ee xarunta gobolka Hiiraan ayaa si adag uga hadlay khilaafka culus ee soo kala dhexgalay madaxweyneha Hirshabeelle iyo ku xigeenkiisa.

3/8/2022 1:48 AM EST
Talaado, Maarso, 8, 2022 (HOL) - Wararka ka imaanaya dowlad degaanka Soomaalida ayaa sheegaya in qaar kamid ah masuuliyiinta degmada Godgod ee Gobolka Afdheer lagu helay musuq ay u gaysteen deeqdii gurmadka abaaraha loogu talo galay ee degmada God god.

3/8/2022 12:11 AM EST
Talaado, Maarso, 8, 2022 (HOL) - Maamulka Puntland iyo shirkadda Imaaraatka laga leeyahay ee DP-world, ayaa ku heshiiyay in maamulka dekeda Bosaso laga wareejiyo shirkadda B&O oo muddo shano ah gacanta ku haysay dekeda.