3/29/2024
Today from Hiiraan Online:  _
Wararka Maanta- Axad, Jan 9 , 2022
Faahfaahino kasoo baxaya dagaal ka dhacay degmada Guriceel ee gobolka Galgaduud

Axad, Janaayo, 9, 2022 (HOL) - Ciidamo ka tirsan Booliiska Maamulka Galmudug iyo ciidanka Gorgor ee dowladda Soomaaliya ayaa goordhaw ku dagaalamay degmada Guriceel ee gobolka Galgaduud.

Dagaalka ayaa la sheegay inuu ka bilaawday kadib markii ciidamada Booliiska degmada Guriceel ay xireen askar ka tirsan ciidanka Gorgor, waxaana mudadi uu dagaalkooda socday labada ciidan ay isku adeegaadeen hubka noocyadiisa kala duwan oo sababtay khasaare isugu jira dhimasho iyo dhaawac soo gaaray dad Rayid ah.

Inta la xaqiijiyay ilaa sadax ruux ayaa ku dhimatay dagaalka tiro kalana way ku dhaawacmeen waxaana ka mid ahaa dadka dagaalka ku dhintay gabar dhawaan ka qalin jibisay Jaamacad.

Xaalada degmada Gurciceel ayaa ah haatan mid degan, waxaana dagaalkan maanta dhexmaray ciidamada Booliiska iyo kuwa Gorgor uu noqonaya dagaalkii labaad ee labadaan ciidan ku dhexmara deegaanada maamulka Galmudug, iyagoo horay ugu dagaalamay todobaadkii lasoo dhaafay magaalada Dhuusamareeb ee Caasimada maamulka Galmudug.

Majirto wax war ah oo wali kasoo baxay saraakiisha ciidamada maanta ku wada dagaalamay magaalada Guriceel ee gobolka Galgaduud.

Jamaal Cali Cabdi, Hiiraan Online












Click here
1/9/2022 9:43 AM EST
Axad, Janaayo, 9, 2022 (HOL) - Madaxda Golaha Wadatashiga Qaranka ayaa goordhaw si rasmi ah u soo gabagabeeyay shirkii uga socday magaalada Muqdisho lixdii maalmood ee lasoo dhaafay.

1/9/2022 8:51 AM EST
Waxaa gobolka Minnesota laga daahfuray urur loogu ay ku midaysnaan doonaan ganacsatada gobolkaas ee laga tirada badan yahay (MINNESOTA MINORITY BUSINESS ASSOCIATION)

1/9/2022 7:44 AM EST
Axad, January, 9, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa sheegay in uu kalsooni buuxda ku qabo in xisbigiisu uu ka dabaalan doono, hadii la qabto doorashada ururrada oo aanu marnaba ku hadhi doonin.

1/9/2022 6:14 AM EST
Axad, January, 9, 2022 (HOL) - Musharaxa madaxweynaha xisbiga Waddani Cabdiraxmaan Maxamed Cabdillaahi Cirro, ayaa sheegay in aanu marnaba aqbalaynin qorshe uu sheegay in xukuumadu wadato, si madaxweyne Biixi mudada loogu kordhiyo.

1/9/2022 5:28 AM EST
Axad, Janaayo, 9, 2022 (HOL) - Golaha Wadatashiga Qaranka ayaa haatan kulan la leh Midowga Musharixiinta madaxweynaha, oo ka mid ah dhinacyada ay arki doonaan madaxdu kahor intaan shirka lasoo geba-gebayn.

1/9/2022 5:22 AM EST
Axad, Janaayo, 9, 2022 (HOL) - Guddoomiyihii hore ee barlamaanka Puntland Cabdixakiin Maxamed Axmed ( Dhoobo-daareed) ayaa sheegay in loo baahan yahay colaaddii ka dhacday magaalada Bosaso in ay jirto cid masuuliyadeeda yeelata oo lagula xisaabtamo.

1/9/2022 1:58 AM EST
Axad, Janaayo, 9, 2022 (HOL) - Waxaa xalay lagu dilay degmada Warta Nabadda ee magaalada Muqdisho Ismaaciil Maxamed Aadan oo la sheegay inuu ka mid ahaa ergadii soo xushay Xildhibaanadda Baarlamaanka Soomaaliya.

1/9/2022 1:43 AM EST
Axad, Janaayo, 9, 2022 (HOL) - Guddoomiyaha maamulka gobolka Hiiraan Cali Jeyte Cismaan oo ka hadlaayay abaaraha ka jira gobolka Hiiraan ayaa si adag ugu dhalilay dowladda Soomaaliya iney indhaha ka qabsatay wax ka qabashada abaarta ka jirta Hiiraan.

1/9/2022 12:45 AM EST
Axad, Janaayo, 9, 2022 (HOL) - Ergeyga gaarka ah ee Maraykanka u qaabilsanaa Geeska Afrika, Jeffrey Feltman ayaa xilka ka tagaya. David Satterfield, oo ah safiirka Maraykanka ee Turkiga, ayaa xilkaan la wareegidoona maalmaha soo socda.

1/9/2022 12:38 AM EST
Axad, Janaayo, 9, 2022 (HOL) - Ciiddanka amniga degmada Howlwadaag ee gobolka Banaadir ayaa gacanta ku dhigay guri Lagu beerayay geedka laga sameeyo Xashiishka iyo dadkii ku lugta lahaa.