3/28/2024
Today from Hiiraan Online:  _
Wararka Maanta- Jimco, Aug 12, 2022
Raysal wasaaraha Soomaaliya oo ka hadlay rabshadahii ka dhacay magaalooyin ka mid ah Somaliland
 

Jimco, Agoosto, 12, 2022 (HOL) - Raysal waasaraha Xukuumada Feradaalka Soomaaliya Xamse Cabdi Barre oo goordhaw ka hadlay rabashadahii ka dhacay deegaano ka tirsan Somaliland ayaa ugu baaqay shacabka iyo masuuliyiinta Somaliland in wadahadal iyo is afgarad ay ku dhameeyaan xiisada siyaasadeed ee ka jirta deegaanada Somaliland, kadib banaanbaxyadii rabshadaha watay ee shalay ka dhacay magaalooyin ka mid ah Somaliland oo ay ku dhinteen dad shacab ahaa.

Raysal wasaare Xamse ayaa sheegay inuu ka xunyahay rabashadaha iyo qalalaasaha ka dhacay qaar ka mid ah magaalooyinka Somaliland, isagoona sheegay in waxii nabad lagu waayo aanan lagu heli karin colaad iyo qalalaase.

"Waxaan ka xumahay rabshadaha iyo qalalaasaha ka socday labadi maalin ee u dambaysay qaar kamid ah Magaalooyinka Somaliland. Waxaan ugu baaqayaa masuuliyiinta Somaliland in ay ogadaan wixii nabad lagu waayo colaad iyo qalalaaso laguma helo karo" ayuu yiri Raysal wasaare Xamse Cabdi Barre.

Waxuu sidoo kale sheegay Raysal wasaare Xamse  in reer Somaliland ay yihiin astaan looga daydo dimquraadiyadda, islamarkaana horay looga bartay nabad, kala dambeyn iyo maamul wanaag ayna ilaalsadaan.

"Walaalayaal mar walba waxaad astaan u ahaydeen domiquraadiyadda iyo inaad xilka si nabad ah ugu kala wareegtaan, Waxaan idiin kugu baaqayaa inaad ilaashataan Nabadda iyo kala danbeynta uu Alle idin siiyay iyo xasiloonida iyo maamul wanaagga aad muddo dheer soo dhisayseen" ayuu yiri Raysal wasaare Xamse Cabdi Barre.

Raysal wasaare Xamse Cabdi Barre ayaa sidoo kale tilmaamay in dowladda Fedaraalka Soomaalya ay marwalba diyaar u tahay ka qeyb qaadashada dhibaato walba oo la soo gudboonaato reer Somalland.

"Walaalayaal mar walba Dowladda Federaalka ah ee Soomaaliya waa garab iyo gashaan walaal idiin ah una diyaarsan ka qeyb qaadashada xalka dhibaato walba oo soo food saarta walaalaheenna ku dhaqan Somaliland" ayuu yiri Raysal wasaare Xamse.

Hadaalkaan kasoo yeeray Raysal wasaaraha Soomaalya ayaa imaanaya xili Shalay magaalooyin ka tirsan Somaliland ay ka dhaceen banaanbaxyo rabashado watay oo sababay dhimashada iyo dhaawaca dad shacab ahaa oo dhigaayay dibadbaxyo ay hoggaamnageen madaxda Mucaaradka, kaasoo looga soo horjeeday madaxweynaha Somaliland Muuse Biixi Cabdi.

Jamaal Cali Cabdi, Hiiraan Online
[email protected]












Click here
8/12/2022 5:02 PM EST
Jimco, Agoosto, 12, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud ayaa Caawa ka hadlay rabashadahii Shalay ka dhacay qaar ka mid ah magaalooyinka Somaliland, isagoona ku baaqay in xasilloonida, nabadda iyo wadajirka ay ku tilmaaman yihiin hoggaanka siyaasadda iyo shacabka Somaliland inay dhowrtaan.

8/12/2022 11:19 AM EST
Jimco, Agoosto, 12, 2022 (HOL) - Madaxweynaha dowlad degaanka Soomaalida Mustafe cagjar ayaa maanta isbeddel ku sameeyay Taliska Ciidanka Liyuu Booliska degaanka Soomaalida.

8/12/2022 10:21 AM EST
Jimco, Agoosto, 12, 2022 (HOL) - Wararka ka imaanaya dowlad degaanka Soomaalida ayaa sheegaya in magaalada Cundhufo oo maalmihii u dambeeyay uu ka socday dagaal u dhaxeeyay Soomaali iyo Canfar ay maanta si buuxda ugu gacan gashay maleeshiyaadka Canfarta.

8/12/2022 5:41 AM EST
Jimco, Agoosto, 12, 2022 (HOL) - Hal qof oo Soomali ah oo rag ah ayaa ku geeriyooday mid kalena wuu ku dhaawacmay kadib markii rag hubaysan ay rasaas ku fureen qabuuraha Richmond Hill, halkaas oo ay ka socotay aaska wiil dhallinyaro Soomaali ah oo todobaadkan lagu dilay magaalada Toronto.

8/12/2022 5:17 AM EST
Jimco, Agoosto, 12, 2022 (HOL) - Taliska ciidanka Booliiska Soomaaliyeed oo Xalay howgalo culus ka sameeyay qeybo ka mid ah degmooyinka magaalada Muqdisho ayaa soo bandhigay tiro Mooto Bajaajyo ah oo ay sheegeen in lasoo dhacay.

8/12/2022 4:04 AM EST
Jimco, Ogosto, 12, 2022 (HOL) - Madaxweynaha Somaliland Muuse Biixi Cabdi, ayaa dusha u saaray xisbiyada mucaaradka ah eeda khasaarihii ka dhashay muharaadkii Khamiista, wuxuuna mucaaradka ku eedeeyay in ay qas a buureen si ay uga baxsadaan tartanka urrurada siyaasada.

8/12/2022 2:12 AM EST
Jimco, Agoosto, 12, 2022 (HOL) - Xildhibaan Maxamed Xasan Murjaan oo ka mid ahaa Xildhibaanadii 7-dii bishaan buuqa iyo fowdada ka dhex sameeyay fadhigii Baarlaamanka Soomaaliya ay ku ansixinayeen Golaha Wasiiradda Xukumadda Soomaaliya ayaa raali galin ka bixiyay falkii uu kula kacay guddoomiyaha Golaha Shacabka.

8/12/2022 12:15 AM EST
Jimco, Agoosto, 12, 2022 (HOL) - Tartanka Qur'aanka Kariimka ee Waqooyiga Ameerika, ayaa lagusoo gabagabeeyay magaalada Minnesota ee dalka Maraykanka, waxaana abaal marino lagu gudoonsiiyay tartamayaashii ugu sareeyay.

8/12/2022 12:12 AM EST
Jimco, Ogosto, 12, 2022 (HOL) - Qoraal ay si wadajir ah usoo saareen waddamada Faransiiska, Denmark, Finland, Germany, Norway, Sweden, Boqortooyada Ingiriiska, Maraykanka iyo Midowga Yurub, ayaa mucaaradka iyo muxaafadka Somaliland ugu baaqay in ay xaalada dajiyaan.