3/29/2024
Today from Hiiraan Online:  _
Wararka Maanta- Khamiis, Sept 22, 2022
Golaha wasiiradda Jubbaland oo ku dhawaaqay Guddiyada abaabulka dagaalada ka dhanka ah Al-shabaab
 

Khamiis, September, 22, 2022 (HOL) - Shirka todobaadlaha ee golaha wasiiradda maamul goboleedka Jubaland oo uu Maanta shir gudoomiyay madaxweynaha dowladda goboleedka Jubbaland Axmed Maxamed Islaam, Axmed Madoobe ayaa diirada lagu saarayay arimaha amniga iyo la dagaalanka Al-shabaab.

Madaxweyne Axmed Madoobe ayaa ugu horeyn golahiisa wasiiradda la wadaagay waxyaabahii kasoo baxay shirkii madasha wadatashiga qaran ee dhawaan Magaalada Muqdisho kusoo gaba gaboobay iyo qodobadii kasoo baxay oo uu ka mid ahaa dardar galinta dagaalada ka dhanka ah Ururka Al-shabaab.

Kulanka waxaa sidoo kale lagu gorfooyay sidii loo abaabuli lahaa howlgalo ka dhan ah Al-shabaab oo ay iska kaashanayaan bulshada iyo maamulka, waxaana kulanka gabagabadiisii la dhisay ilaa sadax guddi oo ka shaqeynaya howlaha la xariira hirgalinta howlgalada ka dhanka ah Al-shabaab.

Guddiyada la dhisay ayaa kala ah Guddiga Hogaaminta Qorshaha Howlgalka midaysan ee la dagaalanka Al-shabaab iyo Horumarinta Amniga Deegaanada Jubaland, Guddiga Taakuleynta iyo Gurmadka ee Qorshaha Howlgalka midaysan ee la dagaalanka Al-shabaab iyo Horumarinta Amniga deegaanada maamulka Jubaland iyo guddiga sadaxaad oo ah Guddiga Abaabulka iyo Wacyigalinta Qorshaha Howlgalka midaysan ee la dagaalanka Al-shabaab iyo Horumarinta Amniga deegaanada Jubaland.

Guddiyadan ay la sheegay iney ka kooban yihiin qeybaha kala duwan ee laamaha dowlad goboleedka Jubbaland iyo bulshada qeybaheeda kala duwan ee ku nool Jubbaland, waxaa uu imaanaya kulankaan Jubbaland ay ugu diyaar garoobeyso dagaalada ka dhanka ah Al-shabaab xili gobolada Hiiraan, Galgaduud iyo Bakool ay ka socdaan dagaalo ka dhan ah Al-shabaab oo ay iska kaashanayaan ciidamada dowladda Soomaaliya iyo dadka deegaanka oo ka carooday ficilada Al-shabaab ee ahaa gubista guryaha iyo ceelasha biyaha.












Click here
9/22/2022 7:02 AM EST
Khamiis, September, 22, 2022 (HOL) - Golaha wasiirrada ee Soomaaliya ayaa maanta isku raacay in la xoojiyo kaalinta siyaasadda amniga qaranka ee ku aadan hagista howlgallada dalka looga xoreynayo kooxda Alshabaab.

9/22/2022 6:50 AM EST
Khamiis, September, 22, 2022 (HOL) - Wararka nagasoo gaaraya degmooyinka Maxaas iyo Buulaburte ee gobolka Hiiraan ayaa sheegaya in ciidamo ka tirsan kuwa dib u xoreynta deegaanka iyo ciidanka dowladda Soomaaliya ay ka kala ruqaan sadeen degmooyinka Maxaas iyo Buulaburte, islamarkaana ay ku wahajan yihiin degmada Moqokori ee gobolka Hiiraan.

9/22/2022 3:41 AM EST
Khamiis, September, 22, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Yuusuf Xuseen Jimcaale Madaale oo Xalay warbaahinta kula hadlay magaalada Muqdisho, kadib markii ciidamada dowladda howlgalo saacado badan qaatay ay ka sameeyeen qaar ka mid ah xaafadaha degmada Kaaraan ee Waqooyiga magaalada Muqdisho.

9/22/2022 1:58 AM EST
Khamiis, September, 22, 2022 (HOL) - Puntland ayaa sheegtay inay gacanta ku dhigtay ninkii sameeyay qarax ay lix qof ku dhinteen oo ka dhacay tuulada Macdanta laga qodo ee Milxo oo hoos tagta degmada Laasqorey ee gobolka Sanaag.

9/22/2022 1:31 AM EST
Khamiis, September, 22, 2022 (HOL) - Wasiirka horumarinta UK Vicky Ford ayaa ku dhawaaqday taageero cusub oo lagu taageerayo dadka ay saameysay abaartii ugu xumayd ee ku dhufatay Soomaaliya.

9/22/2022 1:23 AM EST
Khamiis, September, 22, 2022 (HOL) - Daraasad lagu sameeyay shacabka Somaliland ayaa lagu ogaaday heerka aaminsanaanta shacabka ee qaranimada Somaliland, heerka taageerada ay u hayaan xisbiyada siyaasada, halka ay ka taaganyihiin khilaafka siyaasadeed iyo arrimo kale oo muhiima.