3/29/2024
Today from Hiiraan Online:  _
Wararka Maanta- Khamiis, Sept 22, 2022
Ciidamada dowladda iyo kuwa deegaanka oo kaabiga ku haaya degmada Moqokori ee gobolka Hiiraan
 

Khamiis, September, 22, 2022 (HOL) - Wararka nagasoo gaaraya degmooyinka Maxaas iyo Buulaburte ee gobolka Hiiraan ayaa sheegaya in ciidamo ka tirsan kuwa dib u xoreynta deegaanka iyo ciidanka dowladda Soomaaliya ay ka kala ruqaan sadeen degmooyinka Maxaas iyo Buulaburte, islamarkaana ay ku wahajan yihiin degmada Moqokori ee gobolka Hiiraan.

Dad goobjoogayaal ah oo ku dhaqan deegaanada u dhaxeya Moqokori iyo Buulaburte oo warbaahinta la hadlay ayaa sheegay in ciidamo aad u fara badan ay goordhaw u dhaafeen dhinaca degmada Moqokori ee gobolka Hiiraan, waxaana ciidamada dowladda Soomaaliya iyo kuwa la baxay dib u xoreynta deegaanka ay maalmahii lasoo dhaafay ka wadeen gobolka Hiiraan howlgalo xoogan oo ay kula dagaalamayaan Al-shabaab.

Qof goobjooge ah oo ku sugan degmada Moqokori oo la hadlay Shabakada HOL oo naga codsaday inaan magaciisa adeegsan sababo la xariira amaankiisa ayaa inoo sheegay in haatan Al-shabaabkii ku sugnaa deegaanka ay bilaabeen dhaqdhaqaaqyo ay uga baxayaan magaalada, maadama ciidamada is garabsanaya la sheegay in laba jiho ay kaga soo wajahan yihiin degmada Moqokori, islamarkaama cabsi badan dadka ka qabaan in lagu kor dagaalamo.

Maalmahii ugu dambeeyay waxaa sii xoogeysanayay dagaalada ka dhan ah Al-shabaab ee ka socda gobolka Hiiraan, kaasoo dagaalamayaasha Shabaab looga saarayay inta badan deegaanadii ay ka talin jireen ee gobolka Hiiraan.












Click here
9/22/2022 10:22 AM EST
Khamiis, September, 22, 2022 (HOL) - Shirka todobaadlaha ee golaha wasiiradda maamul goboleedka Jubaland oo uu Maanta shir gudoomiyay madaxweynaha dowladda goboleedka Jubbaland Axmed Maxamed Islaam, Axmed Madoobe ayaa diirada lagu saarayay arimaha amniga iyo la dagaalanka Al-shabaab.

9/22/2022 7:02 AM EST
Khamiis, September, 22, 2022 (HOL) - Golaha wasiirrada ee Soomaaliya ayaa maanta isku raacay in la xoojiyo kaalinta siyaasadda amniga qaranka ee ku aadan hagista howlgallada dalka looga xoreynayo kooxda Alshabaab.

9/22/2022 3:41 AM EST
Khamiis, September, 22, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Yuusuf Xuseen Jimcaale Madaale oo Xalay warbaahinta kula hadlay magaalada Muqdisho, kadib markii ciidamada dowladda howlgalo saacado badan qaatay ay ka sameeyeen qaar ka mid ah xaafadaha degmada Kaaraan ee Waqooyiga magaalada Muqdisho.

9/22/2022 1:58 AM EST
Khamiis, September, 22, 2022 (HOL) - Puntland ayaa sheegtay inay gacanta ku dhigtay ninkii sameeyay qarax ay lix qof ku dhinteen oo ka dhacay tuulada Macdanta laga qodo ee Milxo oo hoos tagta degmada Laasqorey ee gobolka Sanaag.

9/22/2022 1:31 AM EST
Khamiis, September, 22, 2022 (HOL) - Wasiirka horumarinta UK Vicky Ford ayaa ku dhawaaqday taageero cusub oo lagu taageerayo dadka ay saameysay abaartii ugu xumayd ee ku dhufatay Soomaaliya.

9/22/2022 1:23 AM EST
Khamiis, September, 22, 2022 (HOL) - Daraasad lagu sameeyay shacabka Somaliland ayaa lagu ogaaday heerka aaminsanaanta shacabka ee qaranimada Somaliland, heerka taageerada ay u hayaan xisbiyada siyaasada, halka ay ka taaganyihiin khilaafka siyaasadeed iyo arrimo kale oo muhiima.