3/29/2024
Today from Hiiraan Online:  _
Wararka Maanta- Khamiis, May 12, 2022
Madaxda Taliska Ciidamada Maraykanka ee Afrika oo Somaliland booqasho ku yimid


Khamiis, May, 12, 2022 (HOL) - Taliyaha Taliska Ciidamada Maraykanka ee Afrika (AFRICOM) Stephen Townsend, safiirka Maraykanka ee Soomaaliya Larry André, iyo saraakiil kale oo sar sare oo ka tirsan taliska Afrika, ayaa socdaal ku yimid magaalada Hargaysa ee caasimada Somaliland.

Madaxweynaha Somaliland Muuse Biixi Cabdi, oo kulan la qaatay saraakiishan ka socda taliska Afrika, ayaa sheegay in bog cusubi u furmay xidhiidhka Somaliland iyo Marayka, dhinaca kalena madaxda taliska Afrika ayaa sheegay in ay diyaar u yihiin iskaashi ay la sameeyaan Somaliland.

"Waxaana dhankooda si wada jira u soo dhaweeyey hadalka Madaxweynaha Jeneral Townsend iyo Safiirka Maraykanka, Larry André, iyagoo sheegay inay dhinacooda diyaar u yihiin iskaashiga dhinacyada amniga iyo millatariga ee labada dhinac"  ayaa lagu yidhi warsaxafadeed kasoo baxday Madaxtooyada Somaliland.

Taliyaha iyo waftigiisa ayaa sodookale kulanka madaxweynaha kadib, booqasho ku tagay madaarka iyo Dekedda Berbera oo dhawaan dib u casriyayn lagu sameeyay, waxaana la malayn karaa in Maraykanku uu danaynayo Madaarka Berbera, oo ah mid kamid ah garoomada millateriga ee ugu barxada dheer qaarada Afrika.

Safarka Townsend iyo waftigiisa ayaa daba socda, safarkii uu bishii March madaxweynaha Somaliland ku tagay dalka Maraykanka, waxaana la rajaynaya in Somaliland iyo Maraykanku yeeshaan iskaashi amni sida uu sheegay madaxweyne Biixi.

Abdilahi Geel-maal, Hiiraan Online












Click here
5/12/2022 4:18 PM EST
Khamiis, May, 12, 2022 (HOL) - Qoraal lagu baahiyay boga Twitterka ee Taliska Ciidamada Maraykanka ee Afrika (AFRICOM), ayaa lagu sheegay in saraakiisha AFRICOM, ay Somaliland u yimaadeen si ay u xoojiyay xidhiidhka Somaliland iyo Maraykanka, si waafaqsan Dastuurka Soomaaliya.

5/12/2022 1:21 PM EST
Khamiis, May, 12, 2022 (HOL) - Sarakiil ka socota xafiiska madaxtooyada dalka Senegal, ayaa madaxweynaha Somaliland Muuse Biixi Cabdi, soo gaadhsiiyay waraaq muhiim ah, oo ka socota Madaxweynaha Senegal ahna Guddoomiyaha Midowga Afrika Macky Sall, sida madaxtooyadu sheegtay.

5/12/2022 12:51 PM EST
Khamiis, May, 12, 2022 (HOL) - Waxaa galinkii dambe ee Maanta gaaray magaalada Muqdisho ee Caasimadda Soomaaliya Cabdikariin Sheekh Muuse Qalbidhagax, kaaso si weyn ay garoonka diyaaradaha Aadan Cadde ugu soo dhaweeyeen wasiirada Amniga, Gaashaandhigga iyo Xildhibaano ka tirsan Baarlamaanka Fedaraalka Soomaaliya.

5/12/2022 12:36 PM EST
Khamiis, May, 12, 2022 (HOL) - Guddoomiyaha cusub ee Guddida Doorashooyinka Somaliland marwo Kaltuun Sh Xasan Cabdi, ayaa ku gacan saydhay guddi baadhiseed oo uu madaxweyne Biixi u xil saaray khilaafka maamul ee ka dhexjira guddida.

5/12/2022 12:04 PM EST
Khamiis, May, 12, 2022 (HOL) - Waxaa galabta si rasmi ah ugu soo gabagaboobay teendhada Afisyooni ee magaalada Muqdisho hadaljeediinta Musharaxiinta u taagan tartanka doorashada madaxweynaha 10-aad ee Jamhuuriyadda Fedaraalka Soomaaliya.

5/12/2022 5:27 AM EST
Khamiis, May, 12, 2022 (HOL) - Madaxweynihii hore ee Soomaaliya Xasan Sheikh Maxamuud ayaa goor dhowayd khudbadiisa musharraxnimo ka jeediyay hoolka barlamaanka, halkaas oo ay maalintii labaad ka socoto dhegaysiga hadal jeedinta musharraxiinta u taagan madaxweynaha.

5/12/2022 5:07 AM EST
Khamiis, May, 12, 2022 (HOL) - Hoggaamiyaha TPLF Debretsion ayaa shacabka go'doonsan ee Tigray ugu baaqay inay u diyaar garoobaan duulaan ka dhan ah dowladda Itoobiya, isagoo duulaankan ugu magac daray Cutubkii u dambeeyay ee halganka.

5/12/2022 4:30 AM EST
Khamiis, May, 12, 2022 (HOL) - Warar dheeraad ah ayaa kasoo baxaya weerar madaafiic ah oo khasaare dhimasho iyo dhaawacba leh geystay oo lagu garaacay deegaanka Biyocadde ee gobolka Sh/dhexe.

5/12/2022 3:09 AM EST
Khamiis, May, 12, 2022 (HOL) - Dowladda Itoobiya ayaa soo bandhigtay hub kala duwan oo ay lahaayeen kooxda Al-shabaab, hubkaas oo ay gacanta ku dhigeen Ciidamada Itoobiya ee ku sugan Xadka Ismaamulka Soomaalida Itoobiya.

5/12/2022 2:12 AM EST
Khamiis, May, 12, 2022 (HOL) - Waxaa Maanta oo Khamiis ah lagu wadaa in teendhada Afisyooni ee magaalada Muqdisho lagu soo gabagabeeyo hadal jeedinta Musharaxiinta madaxweynaha, waxaana Maanta khudbadahooda Xildhibaanada labada Aqal ka hor jeedin doona 19 musharax oo ka mid ah Musharaxiinta u taagan doorashada madaxweynaha Jamhuuriyadda Fedaraalka Soomaaliya.

5/12/2022 1:50 AM EST
Khamiis, May, 12, 2022 (HOL) - Ururka Alshabaab ayaa sheegay in muwaadin kasoo jeeda dalka Kenya uu fuliyay weerarkii ismiidaaminta ahaa ee lagu qaaday xerada ciiddanka Burundi ay ku lahaayeen deegaanka Ceel Baraf ee gobolka Shabeeladda dhexe.