8/10/2022
Today from Hiiraan Online:  _
Wararka Maanta- Khamiis, May 12, 2022
Xasan Sheikh: Waxaan idiin ballan qaadayaa in qof Muwaadin ah aan gacan shisheeye loo dhiibi doonin
 

Khamiis, May, 12, 2022 (HOL) - Madaxweynihii hore ee Soomaaliya Xasan Sheikh Maxamuud ayaa goor dhowayd khudbadiisa musharraxnimo ka jeediyay hoolka barlamaanka, halkaas oo ay maalintii labaad ka socoto dhegaysiga hadal jeedinta musharraxiinta u taagan madaxweynaha.

Madaxweyne hore Xasan Sheikh ayaa khudbadiisa ku sheegay in haddii loo doorto xilka madaxweynaha Soomaaliya uusan muwaadin Soomaaliyeed u gacan galin doonin dal shisheeye iyo sidoo kale inuusan go’doomin doonin deegaan Soomaaliyeed.

Hadalkaan ayaa u muuqday mid Xasan Sheikh Maxamuud uu ku weeraray madaxweyne Farmaajo oo dowladdiisu muwaadin Soomaaliyeed oo lagu magacaabo Cabdikariin Muuse Qalbi Dhagax, u gacan galisay dowladda Itoobiya, sannadkii 2017.

Xasan Sheikh Maxamuud ayaa yiri " Waxaan idiin ballan qaadayaa in qof Muwaadin ah aan gacan shisheeye loo dhiibi Doonin, waxaan idiin ballan qaadayaa in qof aan lagu caburi doonin fikirka uu aaminsan yahay, Waxaan idiin ballan qaadayaa in deegaan Soomaaliyeed aan la go'doomin doonin."

Xasan Sheikh ayaa kamid ah musharraxiinta ugu saameynta badan, isagoo doonaya inuu mar kale Soomaaliya madaxweyne ka noqdo. Wuxuuna sheegay haddii uu ku guulaysto xilka madaxweynaha inuusan sameyndoonin wax aarsi siyaasadeed ah.

Farmaajo iyo Xasan Sheikh waxay si aad ah ugu kala fog yihiin arrimaha siyaasada. Shantii sano ee ugu dambeeysay, Xasan Sheikh Maxamuud wuxuu kamid ahaa siyaasiyiinta aadka u dhalliilsan siyaasada uu dlaka ku hoggaaminayay madaxweyne Farmaajo.

Abdiweli M. Sheikh, Hiiraan Online
[email protected]












Click here
5/12/2022 4:18 PM EST
Khamiis, May, 12, 2022 (HOL) - Qoraal lagu baahiyay boga Twitterka ee Taliska Ciidamada Maraykanka ee Afrika (AFRICOM), ayaa lagu sheegay in saraakiisha AFRICOM, ay Somaliland u yimaadeen si ay u xoojiyay xidhiidhka Somaliland iyo Maraykanka, si waafaqsan Dastuurka Soomaaliya.

5/12/2022 1:21 PM EST
Khamiis, May, 12, 2022 (HOL) - Sarakiil ka socota xafiiska madaxtooyada dalka Senegal, ayaa madaxweynaha Somaliland Muuse Biixi Cabdi, soo gaadhsiiyay waraaq muhiim ah, oo ka socota Madaxweynaha Senegal ahna Guddoomiyaha Midowga Afrika Macky Sall, sida madaxtooyadu sheegtay.

5/12/2022 12:51 PM EST
Khamiis, May, 12, 2022 (HOL) - Waxaa galinkii dambe ee Maanta gaaray magaalada Muqdisho ee Caasimadda Soomaaliya Cabdikariin Sheekh Muuse Qalbidhagax, kaaso si weyn ay garoonka diyaaradaha Aadan Cadde ugu soo dhaweeyeen wasiirada Amniga, Gaashaandhigga iyo Xildhibaano ka tirsan Baarlamaanka Fedaraalka Soomaaliya.

5/12/2022 12:36 PM EST
Khamiis, May, 12, 2022 (HOL) - Guddoomiyaha cusub ee Guddida Doorashooyinka Somaliland marwo Kaltuun Sh Xasan Cabdi, ayaa ku gacan saydhay guddi baadhiseed oo uu madaxweyne Biixi u xil saaray khilaafka maamul ee ka dhexjira guddida.

5/12/2022 12:04 PM EST
Khamiis, May, 12, 2022 (HOL) - Waxaa galabta si rasmi ah ugu soo gabagaboobay teendhada Afisyooni ee magaalada Muqdisho hadaljeediinta Musharaxiinta u taagan tartanka doorashada madaxweynaha 10-aad ee Jamhuuriyadda Fedaraalka Soomaaliya.

5/12/2022 9:34 AM EST
Khamiis, May, 12, 2022 (HOL) - Taliyaha Taliska Ciidamada Maraykanka ee Afrika (AFRICOM) Stephen Townsend, safiirka Maraykanka ee Soomaaliya Larry André, iyo saraakiil kale oo sar sare oo ka tirsan taliska Afrika, ayaa socdaal ku yimid magaalada Hargaysa ee caasimada Somaliland.

5/12/2022 5:07 AM EST
Khamiis, May, 12, 2022 (HOL) - Hoggaamiyaha TPLF Debretsion ayaa shacabka go'doonsan ee Tigray ugu baaqay inay u diyaar garoobaan duulaan ka dhan ah dowladda Itoobiya, isagoo duulaankan ugu magac daray Cutubkii u dambeeyay ee halganka.

5/12/2022 4:30 AM EST
Khamiis, May, 12, 2022 (HOL) - Warar dheeraad ah ayaa kasoo baxaya weerar madaafiic ah oo khasaare dhimasho iyo dhaawacba leh geystay oo lagu garaacay deegaanka Biyocadde ee gobolka Sh/dhexe.

5/12/2022 3:09 AM EST
Khamiis, May, 12, 2022 (HOL) - Dowladda Itoobiya ayaa soo bandhigtay hub kala duwan oo ay lahaayeen kooxda Al-shabaab, hubkaas oo ay gacanta ku dhigeen Ciidamada Itoobiya ee ku sugan Xadka Ismaamulka Soomaalida Itoobiya.

5/12/2022 2:12 AM EST
Khamiis, May, 12, 2022 (HOL) - Waxaa Maanta oo Khamiis ah lagu wadaa in teendhada Afisyooni ee magaalada Muqdisho lagu soo gabagabeeyo hadal jeedinta Musharaxiinta madaxweynaha, waxaana Maanta khudbadahooda Xildhibaanada labada Aqal ka hor jeedin doona 19 musharax oo ka mid ah Musharaxiinta u taagan doorashada madaxweynaha Jamhuuriyadda Fedaraalka Soomaaliya.

5/12/2022 1:50 AM EST
Khamiis, May, 12, 2022 (HOL) - Ururka Alshabaab ayaa sheegay in muwaadin kasoo jeeda dalka Kenya uu fuliyay weerarkii ismiidaaminta ahaa ee lagu qaaday xerada ciiddanka Burundi ay ku lahaayeen deegaanka Ceel Baraf ee gobolka Shabeeladda dhexe.