5/25/2022
Today from Hiiraan Online:  _
Wararka Maanta- Arbaco, Jan 12, 2022
Faahfaahino dheeraad ah oo kasoo baxaya Qaraxii Ismiidaaminta ahaa ee Maanta ka dhacay Magaalada Muqdisho
 

Arbaco, Janaayo, 12, 2022 (HOL) - Faahfaahino dheeraad ah ayaa kasoo baxaya qarax Ismiidaamin ah oo maanta ka dhacay wadada 21-ka Oktoobar agagaarka xerada Afisyooni degmada Waabari ee magaalada Muqdisho.

Qaraxaan oo ahaa mid loo adeegaaday gaari laga soo buuxiyay waxyaabaha qarxa ayaa jugtiisa laga maqlay inta badan degmooyinka gobolka Banaadir, waxaana lala eegtay kolanyo gaadiid ah oo ay la socdeen Saraakiil ka tirsan xafiiska Qaramada Midoobay ee Soomaaliya.

Qaraxa ayaa geystay khasaare kala duwan oo isugu jira dhimasho iyo dhaawac oo soo gaaray dad shacab ah oo goobta ka agdhawaa iyo qaar ka mid ab askartii la socotay kolanyada qaraxa Ismiidaaminta ah lala eegtay.

Xogta rasmiga ah ee khasaaraha dhimashada weerarka Ismiidaaminta ee maanta dhacay oo ay heshay Shabakadda HOL ayaa sheegaysa in qaraxa ay ku dhinteen ilaa sagaal ruux oo isugu jira askar iyo dad shacab ah, islamarkaana uu dhaawaca intaasi ka badan yahay, waxaana jiray burbur xoogan oo gaaray guryahii halkaa ka agdhawaa iyo gaadiid farabadan oo ku gubtay qaraxa maanta.

Dhinaca kale Al-shabaab ayaa sheegatay masuuliyada weerarka Ismiidaaminta ahaa ee maanta ka dhacay gudaha magaalada Muqdisho, waxayna sheegeen in qaraxaasi ay la beegaadeen kolanyo gaadiid ah oo ay wateen Saraakiil cadaan ah.

Al-shabaab ayaa bartooda Internetka ku sheegtay in mid ka mid ah gaadiidkii ay wateen Saraakiisha cadaanka ah qaraxa uu ku burburay islamarkaana waxyeelo xoogan ay gaarsiyeen, inkastoo aysan tilmaamin inta uu gaarsiisan yahay khasaaraha rasmiga ah ee dhimashada.

Majirto wax war ah oo kasoo baxay dhanka laamaha amaanka dowladda Soomaaliya oo ku aadan qaraxa Ismiidaaminta ahaa ee maanta ka dhacay magaalada Muqdisho.

Jamaal Cali Cabdi, Hiiraan Online












Click here
1/12/2022 4:08 PM EST
Arbaco, January, 12, 2022 (HOL) - 42 dhalinyaro reer Somaliland ah oo dowlada Soomaaliya kasoo daysay xabsiyada dalka Liibiya oo ay ku xidhnaayeen kadib markii ay isku dayeen tahriib, ayaa markii ay Hargaysa soo gaadheen sheegay in qasab Xamar looga dajiyay, laguna qasbay in ay warbaahinta la hadlaan.

1/12/2022 10:17 AM EST
Arbaco, Janaayo, 12, 2022 (HOL) - Afhayeenka ciidamada Booliiska Soomaaliyeed Cabdifataax Xasan Aadan oo ka hadlay qaraxii Ismiidaaminta ahaa maanta ka dhacay wadada 21-ka Oktoobar degmada Waabari ee magaalada Muqdisho ayaa sheegay in qaraxii maanta uu geystay khasaare kala duwan oo dhimasho , dhaawac iyo burbur hantiyadeed isugu jira.

1/12/2022 9:42 AM EST
Arbaco, Janaayo, 12, 2022 (HOL) - Kulan aan horay loo sii shaacin oo ay isugu yimaadeen Maanta xubno ka tirsan guddiga hirgelinta doorashada maamulka Galmudug ayaa waxay xilka qaadis ku sameeyeen guddoomiyahii guddigaas Maxamed Daahir Guuleed.

1/12/2022 4:47 AM EST
Arbaco, Janaayo, 12, 2022 (HOL) - Qarax aad u xoogan oo jugtiisa laga maqlay inta badan degmooyinka gobolka Banaadir ayaa goordhaw ka dhacay wadada 21-ka Oktokbar degmada Waabari ee magaalada Muqdisho.

1/12/2022 3:52 AM EST
Arbaco, Janaayo, 12, 2022 (HOL) - Wasiirka amniga Soomaaliya Cabdullaahi Maxamed Nuur ayaa soo saaray qoraal uu ku farayo taliska booliiska Soomaaliya iyo taliska booliiska gobolka Banaadir in ay sugaan amniga isisoo bax Muqdisho ay ku qabanayaan gole la magac baxay golaha badbaadada Banaadir.

1/12/2022 3:17 AM EST
Arbaco, Janaayo, 12, 2022 (HOL) - Waxaa xalay ilaa shalay magaalada Muqdisho siyaabo kala duwan loogu dilay ilaa 6 dhalinyaro ah oo aanan waxba galabsan.

1/12/2022 1:47 AM EST
Arbaco, Janaayo, 12, 2022 (HOL) - Dowladda Soomaaliya ayaa saakay dalka dib ugusoo celisay 97 dhallinyaro ah oo muddo sanado ah ku xirnaa xabsiyo kuyaalla dalka Libya.

1/12/2022 1:00 AM EST
Arbaco, Janaayo, 12, 2022 (HOL) - Wasaaradda arrimaha dibadda Maraykanka ayaa sheegtay in ay diyaar u tahay in ay qaado tallaabo kasta oo ka dhan ah dib udhaca doorashada oo ay ku jiraan in ay xayiraad kusoo rogaan kuwa masuulka ka ah falalka wax u dhimaya hufaanka iyo geeddi socodka doorashada.

1/12/2022 12:45 AM EST
Arbaco, Janaayo, 12, 2022 (HOL) - Jawhar Maxamed iyo Baqale Gerba oo kamid ah xisbiga OFC ee Oromo ee dhawaan xabsiga laga siidaayay, oo shir jaraa'id qabtay ayaa dowladda Itooboya ka codsaday, in xal nabadeed laga gaaro colaadda Itoobiya, isla markaana dowladda iyo TPLF miiska wada hadalka isugu yimaaddaan.